#هروب
الحلقة { 19 }
للكاتبة : رودي
فتاة القمر 💜
بسام : درس سيارته ودرس وراه غسان
كوثر : درس غسان السيارة قدام حووش كبيير هه معتقدش حوش هادا قصر حي عالحديقة حي عالجنان حي عالغرس حي عالسيارات
منذر : الحمد الله عالسلامة يا عمي الحمد الله عالسلامة بسام
مختار : بشموخ.....سلمك حط السيارات في مكانهم وكلم خولة
تجهزلهم الغرف
منذر : حاضر
بسام : تفضلو
خشو كلهم وجتهم مرا كبيرة رحبت بيهم وخش منذر خدي منهم الشناطي وحطهم في الديار
مختار : شروق
شروق : نعم
مختار : شروووقة دارك قاعدة😊
شروق : لا لا لا منبيهاش😨😨
بسام : علاش خيرك
شروق : ءءء......
غسان : هي متبيهاش مش بالغصب
مختار : عادي عادي مش مشكلة خووولةةة
خولة : نعم استاذ
مختار : جهزي ل شروقتي غرفة جديدة
خولة : حاضر استاذ
عمر : يغسل في وجهه في الحمام وسارح لين قاطعاته المية السخونة الي تحرق في وجهه.....وووووه سخونة زي النار🔥...كيف بيفتح باب الحمام انخبطت في بنت والبنت طاحت
عمر : عمية متشوفيش
الاء : قامت راسها..... انت الحمار المعمي
عمر : انتي 😳
الاء : انت 😳😨
عمر : شديري هني فيك حاجة 😨
الاء : انت الي شدير هني خيرك ؟؟😨
عمر : اخ اختي ءء......
الاء : قصدك زمرد خيرها شن صارلها وينها ؟؟ 😨
عمر : ت......
الاء : وريني غرفتها بسرعة متدويش معاي
عمر : قوليلي خيرك قبل
الاء : جاية ندير في تحليل غر وين زمرد
عمر : شدلها ايدها ورفعها معاه ❤
تاني يوم
سامية : الاء تعالي نبيك
الاء : نعم....وقعمزت جنب امها
سامية : سلم بنيتي لأمتى حتقعدي عالحال هادا ترفضي في العرسان
الاء : يا ماما اني طول عمري نتخايل في راجل احلامي ونبي الي متخايلاته اني نستنى فيه يجي يرفعني نبي الشخص الي راسماته في حياتي
سامية : خلاص 25 سنة ولا 24 لامتى حترفضي
الاء : نصيم نصيم ونفطر على بصلة لا يا امي مستحيل
سامية : اني نبي نشوفك عروسة قبل متصيرلي حاجة سلم بنيتي وافقي خلاص
الاء : يصير خير يام
سامية : متكسريليش كلمتي يا الاء انتي راس بنية عندي ومن مستشفى ل مستشفى نبي نتهنى عليك قبل متصيربي حاجة
الاء : بعيد السوو
سامية : اول واحد يجي صلي استخارة وكان استريحتي وافقي وكان لا مش نهاية الدنيا الي بعده
الاء : حاضر يا ماما وعد
سامية : مسحت ع شعر الاء......هي حبيبتي متخلنيش نزعل منك حتى خوك قالي الاسبوع الجاي بيخطب
الاء : حاضر يام كل شي الا زعلك وعد مني اول واحد يجي نشوفه و........
سامية : منبيش نجبرك ع شي كان مستريحتيش مش لازم
الاء : هزت براسها ورن كلام امها في وذنها وناضت
حنان : تبي امية
زمرد : راسها يوجع فيها......لا يا ماما صحيتي
عمر : هيا عاد صحصحي باش اديريلنا مكرونة محروقة
زمرد : ضحكت بالغصب.....اااه عمر اسكت راسي😣
عمر : اني طالع متبو شي
حنان : سلامتك
عمر : ركب السيارة واتصل ب الرقم
منتصر : ها يا عموري شن رايك في التعادل
عمر : وين انت
منتصر : شن وين انت؟؟ خلاص تعادلنا ضربت اختي رديتهالك شن مزال تبي
عمر : خدي نفس....نبي نتلاقى معاك
منتصر : تعال قدام مقهى الحاج
عمر : تم
