#هروب
الحلقة { 16 }
للكاتبة : رودي
فتاة القمر 💜
زمرد : خشت للزنقة وهي معبية ولاد
الولد 1 : عفوا يا فراولة ممكن محاولة
زمرد : طبست راسها وسرعت مشيتها
الولد 2 : يتبع فيها...... غر دورنا يا مدمرنا 😉
زمرد : لو سمحت خليني في حالي
الولد 3 : لمس الوشاح......غر عدل علينا ياهوو 😘
زمرد : لو سمحت احترم نفسك
الولد 2 : شدها من ايدها......غر جربي انتي بس 😉
زمرد : عيطت.......يا حيوان حول مكسورتك
الولد 1 : ضحك.......ههههه ان المؤمنون اخوة في الاسلام ههههه
زمرد : عيونها دموع......وراسك خليني في حالي
الولد 3 : علاش تعدبي فينا تعالي يا حلوة" وشدها طيحها عالارض"
زمرد : ءء.......
رامي : خليها في حالها انت وياه خير متصير حاجة متعجبكمش 😏
الولد : 2 : ضحك بهزوة........زي شنو الحاجة يا قنين
رامي : عطاه بونية ع وجهه......زي هادي 👊
طاح الولد ع الارض
الولد 3 : هادا ماعندك
رامي : شمر كمامه.......هي تعال شوف الباقي 😏
الولد 3 : هجم ع رامي وضربه ع بطنه رامي تلفت لقي عصا شدها وضربه بيها ع راسه ومشي ل الولد 1 ضربه بالعصا ع ضهره
هرب الولد 2 والولد 1 مشو يجرو والولد 3 طايح وراسه دم
زمرد : تشبح بصدمة وخوف 😨
رامي : مد ايده ل زمرد باش تنوض
زمرد : شدت في ايده وناضت وقفت.....شكرا بارك الله فيك صارتلك حاجة سامحني خوي
رامي : لا مصارلي شي وعادي هادا واجبي اتجاه بنت بلادي
زمرد : ابتسمت......مش عارفة كيف نشكرك
رامي : عطيني رقمك 😁
زمرد : ها 😨
رامي : نبصر عليك 😂
زمرد : اها هه هه 😨
رامي : انتي وجهك مألوف
زمرد : اي حتى انت
رامي : انتي اخت عمر
زمرد : "في داخلها".......نهارك اسود يا زمرد طلع يعرف حتى عمر😨
رامي : الووو
زمرد : ءء ء ها لا لا مش مش خوي 😅
رامي : اها شبهت عليك تشبهي لواحد نعرفه
زمرد : ءء
رامي : المهم اختي وين تبي تمشي انتي
زمرد : اشرت عالمركز الي على يمينها.....اهوا خلاص وصلت
رامي : به بري اختي هي ، واقفلك هني اني لين تخشي
زمرد : ابتسمت......بارك الله فيك
رامي : فيك بارك الله
زمرد : شدت شنطتها ومشت تجري وقلبها قريب يوقف ❤
رامي : شبح للولد الي طايح جنبه وتنهد بقوة وقامه حطه في السيارة
كوثر : طلعت من المحكمة حاطة ايدها على قلبها......هادا وين استريحت
غسان : شعور جميل
كوثر : شن بيديرو توا
غسان : حيمشو يشدو كرم خوك ويحبسوه مابين جي يوم الجلسة ويقررو ويشوفو اني وكيلك يعني المحامي
كوثر : و ليلى شن يصيرلها
غسان : مش حيشدوها لكن حتحضر المحكمة، وطبعا هي الي بتوكل ل كرم محامي
كوثر : يا رب كون معانا 🤲
غسان : يا رب
كوثر : وين بنمشو توا
غسان : بنجيب ل شمس حاجات هي وشروق
كوثر : الى التسوق 😀
غسان : بالزبط
سامية : الاااااااااااء اششررفف
الاء & اشرف : راقدين عالمنادير مدروخين 😴
سامية : يا بهايم نوضو الساعة 2
اشرف : بصوت نوم......نوضي الاء فكينا منها 😴
الاء : نوض انت 😴
اشرف : منقدرش انوض
الاء : حتى اني
سامية : بصوت عالي........يا فروخ الااااء اشرررف
الاء : بصوت نوم....دير روحك مسمعتهاش 😴
اشرف : تم....ورجع رقد
بعد نوم دام دقيقتين حسو ب ريح مصقعة جتهم 🍃
الاء : تغطت......اشرف تحس ب يلي نحس بيه
اشرف : اي
الاء : صقع 😴
اشرف : ان شاء الله نتجمد منبيش انوض 😴
الاء : غطاته ب بطانيتها.....تغطى معاي 😴
اشرف : صحيتي
الاء : سلمك
وبعد نوم دام دقيقة حسو بالصقع الحقاني
الاء : افتح عيونك شوف المكيف كم ؟؟
اشرف : منقدرش
الاء : تي غر هيا
اشرف : فتح عين وحدة.....نشبح في رقم 6 وجنبه واحد
الاء : حي المكيف ع السطاش
اشرف : فوتيه ارقدي
الاء : 😴😴😴
وبعد نوم دام 3 دقايق حسو بحاجة سايلة ومصقعة نزلت عليهم
اشرف : فتح عيونه مخلوع وقعمز.....نهار اسود
الاء : عيطت بصوت عالي.......ااااهه مصقع😨"وشافت امها شادة قردل"
سامية : باش لما نقوللكم نوضو يعني نوضو
الاء : علاش امي هكي ها علاش 😭
سامية : ندور في النشاف نوضي سحيقة انتي وياه
اشرف : علاش تسحقي في امها الزح
سامية : نووووووووض
اشرف : به......وشم تيشرته.....شن حاطة في المية 😨
سامية : امية بس
الاء : شمت تيشيرتها.......اععععع ريحة وركينة امي حاطة وركينة في المية
سامية : اي وركينة وصابون الماعين
اشرف : شن بنحيه صابون الماعين واااااااك.....وناض متعفلق
الاء : شعري يا ماما شعري
سامية : غر امتى يروح بوكم وخوكم من المانيا ونتفكى من وجع الراس بس.....ومشت طلعت
( تفاجأتو صح كنتو تسحابو بوهم متوفي ومعندهمش اخ ولا)
شروق : "خدت دواها وخشت الحمام تغسل في وجها قامت راسها تشبح في روحها في المرايا"......اني ناخد في دواي وعارفة اني مريضة بس مش حاسة بشعور الشفقة على روحي ليش ؟؟
ممكن لاني ناخد في الدواء لسبب هادا ؟؟
اني عارفة ان اني منحسش وعندي تبلد بس ليش اني توا نتكلم مع نفسي؟؟ بس مش حاسة اني نحس أصلا كيف يكون الاحساس"حطت ايدها على راسها" بنتفجر من التفكير 😩
رواد : يغني.......اميمة يا ودادة اميمة يا ودادة اميمة يا ودادة يا ضي الحوش وميعاده اميمة يا الحنونة اميمة يا الحنونة اميمة يا الحنونة يا ضي الحوش وكانونه اميمة يا..........
عمر : اسكت تي اسكت
رواد : نغني في مكتبي اني حر اني إنسان حر
عمر : انت حيوان حر مش إنسان 😒
رواد : ههههه مرزن دمك 😒
عمر : هي نديرو طلة على غسان بعدين
رواد : تعرف فكرت فيه الموضوع
عمر : امتى نمشو
رواد : نديروها مفاجأة
عمر : به
ترن ترن ترن ترن 📱
عمر : ايوا
يارا : الو حبيبي
عمر : شن جوك
يارا : تمام وانت شن جوك
عمر : الحمد الله
يارا : عموري اخطم عليا بعدين ضروري
عمر : بعدين طالع مع رواد تو نخطم عليك
يارا : تمام
عمر : "صكر في وجها"
الدكتور : هو من ضربه
رامي : اني
الدكتور : وليش
رامي : كان بيعتدي على بنت
الدكتور : يكتب في المذكرة.......الراجل لو ناض وقدم فيك بلاغ وقتها رح تخش في محكمة وحبس ولو هو خاف تفضحه اكيد مش حيدير شي و حتطلع منها زي الشعرة من العجين
رامي : الي بيديره حنواجهه بيه مش خايف منه" وخدي المذكرة والبيرو من الدكتور وشرك ورقة وكتب ارقامه" عندي زوز ارقام مدار والتاني ليبيانا لو ناض وبيدير قصة هادو ارقامي وكلموني ......وعطاه الورقة وطلع
ترن ترن ترن 📱
رامي : ايوا
رواد : الو انت وين
رامي : كيف بنمشي للمحل علاش
رواد : تعالالي بعدين في المستشفى ارفعنا اني وعمر لحوشهم باش نمشو ل غسان
رامي : وسيارتك وين
رواد : تي في الورشة
رامي : وسيارة عمر وين
رواد : تي نبوك انت ترفعنا باش نمشو في سيارة وحدة
رامي : تم تم "وصكر في وجهه"
كوثر : اخخخخ رجليا
شروق : وين مشيتو
كوثر : مشينا للمحكمة رفعنا قضية في خوي
شروق : احسن حاجة درتيها
غسان : اني طالع نجيبلكم حاجة
شروق : خليك شوية درت كيكة
غسان : به على خاطرك
شروق : "خشت الكوجينة"
فاتو الساعات وجت الساعة 6 العشية
رامي : يسوق وجنبه رواد و وراه عمر
عمر : يا جماعة الخير بالتريس مش حلوة اللقطة حني ماشيين و اشرف مش معانا
رواد : تو نكلمه نقوله يمشي
رامي : درس السيارة......هي انزلو من معاكم في الحوش
عمر : امي واختي انزلو
رواد : تو نقعدو في السيارة
عمر : تي غير انزل انت وياه
رامي : تي اهي السيارة تو نستنوك
عمر : وراسك يا غالي لما تنزل
رواد : هو غالي واني مدايرلي تخفيضات ولا 🙂
عمر : انزل بلا برادة
رواد نزل هو ورامي وقفو وراء عمر وعمر طق الباب
طق طق طق طق 🚪
زمرد : منووو
رواد : يتسهوك دار صوت رقيق.......اني عمر
زمرد : ضحكت عرفاته رواد مشت لبست حجاب وفتحت الباب تلاشت ضحكتها لما شبحت رامي.....ها 😨😨😨
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
