#هروب
الحلقة { 6 }
للكاتبة : رودي
فتاة القمر 💜
غسان : تنهد وبدي يحكي...... قبل سنوات كنا زي اي عيلة كانو امي ووبوي يحبو بعضهم وديما ملمومين وديما نحكو اني وخواتي وخوي، جي يوم صارت مشكلة بين امي وبوي واطلقوا.. كان الحوش مقسوم نصه لأمي ونصه ل بوي كان عمري وقتها 22 سنة وكانت شروق 18 بس ونجمة عمرها سنة ونص ممكن وكانت عندي اختي الكبيرة ممكن عمرها 23 وخوي الكبير عمره 24
كوثر : شن اساميهم الباقي
غسان : بسام خوي الكبير وشهد اختي الكبيرة
كوثر : اها
غسان : المهم تعاركو الزوز وبوي قال لأمي اطلعي من الحوش وامي قالت نبي حقي اطلع انت لين طلعو قرار ان يقعد هادا الحوش الي بيجمعنا والي بنعيشوا فيه ومفيش حد بيطلع منه مروا الايام وبوي يجيب في نساوين للحوش امي كانت مهتمة بينا هلبة بس لان بوي يضرب في امي كانت متقدرش تتحرك وبعدها بفترة شهد بدت تجيب حتى هي في رجالة للحوش وخوي حتى هو يجيب في بنات للحوش واني مش قادر نتكلم تقول حد صاعقني
ومرو الايام واختي طلعت حامل اني معش تحملت طحت فيها ضرب وكذلك خوي التاني لين قالولها انتي معش لينا
وبعدها ب مدة بوي قتل امي 💔" وسكت"
كوثر : خلا......
غسان : لا بنحكيلك وخلو شروق زي الخدامة تخدم في بوي وتخدم في الحوش وتربي في شمس " ودموعع نزلو"
كوثر : لحظة شن الي خلا بوك يقتل امك هي مذنبها شي
غسان : ضحك... تي اكبر ذنب داراته هي ههههه قصدك تسحابيها هي الكويسة 💔😁
كوثر : 😕
غسان : بوي قتلها لأنها طلعت مع راجل وتجيب في الرجالة لما نطلعوا من الحوش هي الي خلت شمس بدون جنان الام هي الي خلت شروق تتربى ع الذل والاهانات هي الي خلت بنتها تتصيع خواتي يبو الحنان يبو الاهتمام بس مش لاقيينه في عيلتهم بدو يدورو في الحنان براا الحوش وبعد مدة
قرروا يزوجوا شروق لصاحب بوي وطبعا كلهم وافقو اصلا مفيش حد معدل المهم انقرت فاتحة شروق ويوم الدخول هربت شروق
اصلا شروق وشمس هما الي مصبريني قررت نهرب لأن مفيش سبب الي يخليني نقعد عايش مع عيلة زي هادي هربت اني وشمس وبالصدفة اشرف كان في المستشفى يعالج في امه شاف شروق غادي لأنها دارت حادث وفقدت فيه الذاكرة وقالي تعال المستشفى .... خديت شروق وأجرنا الشقة هادي بعدين شريناها ولتوا يدورو فينا
كوثر : بس ليش خبيت على شروق
غسان : لأن شروق وقتها صارلها انهيار عصبي ولانها عندها القلب منقدرش نذكرها ب ولا حاجة من الماضي
كوثر : تبكي.... سامحني غسان اني السبب في الي صاير لشروق 😭💔
غسان : معش تبكي وتوا احكيلي انتي قصتك
كوثر : اني...... " وحكت قصتها وانتو تعرفوها"
غسان : حضنها.... خلاص معش تبكي 💓
كوثر : انصدمت.... به حاضر.. وبعدت من عليه
غسان : به اسمعي قصة تانية
كوثر : ها
غسان : كنت محامي شاطر هلبة من صغري ربحت 4 قضايا اما القضية الخامسة خسرتها ع.....
كوثر : علاش خسرتها 😕؟؟
غسان : جتني بنت في المكتب تبي تطلق من راجلها كانت حلوة هلبة عيونها خضر و....
كوثر : به حلوة وخلاص كمل 😒
غسان : ضحك... به كانت تبي تطلق من راجلها بتهمة ان هي معش متقبلاته لانه يضرب فيها
كوثر : به كمل
غسان : قعدت البنت كل يوم تجيني في المكتب وكل يوم تحكيلي حاجة لين تقربنا من بعضنا وحبيتها وحبتني كانت الوقت كله معاي وخشينا في علاقة واتفقنا ان بعد محكمة متع الطلاق بنخطبها طوول
كوثر : فتحت عيونها... انت الي.. 😳
غسان : ضحك عالجنب... اصبري جي وقت المحكمة وخشيت اني ودافعت عليها بس قاللها راجلها اني قاعد نحبك وعارفاتك تحبي هادا اختاري واحد منا ؟
وصدمتني لما اختارت راجلها
كوثر : شهقت وحطت ايدها على فمها... هوااا انت انت المحامي غسان
غسان : اي
كوثر : كنت نعرف انك انت القصة نزلوها حتى في التلفزيون
غسان : نعرف والسبب الي خلاني نتعصب امبكري هو انها لقيتها في المحل الي اني فيه
كوثر : اها هادا علاش
غسان : اي
كوثر : باهي غدوا بنمشو ل شروق بكري
غسان : غدوا مش حنمشو
كوثر : علاش
غسان : عندي 3 قضايا لازم نربحهم 😏
كوثر : كيف
غسان : قضية طلاق اختي وقضية قتل امي وقضيتك انتي
كوثر : اي قضية
غسان : متع الورث
كوثر : لا لا اني منب.....
غسان : صكريه فمك خير منشلبخك 😒
كوثر : ضحكت.....باهي خلاص
غسان : مشناك
كوثر : نشبهلك 😒
غسان : عندي ورقة الاعمال غدوا
كوثر : شن هي
غسان : اولا بنحط شمس في حوش اشرف تانيا بنكلم اشرف يجي هني تالتا بنمشي اني وياك المكتب باش انضفوه رابعا بنمشو للمحكمة باش نرفعو ال نسيت اسمهم المهم خامسا بتقعمزي تحكيلي قصتك من االالف للياء فاهمة
كوثر : اي ايه معناته الليلة رقاد بكري ☹️
غسان : اي توكلي هي
كوثر : به تصبح على خير
غسان : وانتي بخير
تاتي يوم :-
كوثر : تلبس في كندرتها.... وين مكتبك
غسان : تو تعرفي
كوثر : به..... هيا شموسة
شمس : شوية بش
رواد : خش للمكتب لقي عمر
عمر : اسمع مشفتش مراا امس جاية بالشنطة هادي
رواد : لا شفتها علاش
عمر : علاش متلا... نستها امس هني
رواد : تو تجي بعدين
الاء : غر اهدي يا ماما اما هيا ، اما شنطة بالزبط
سامية : الشنطة القهوية الي مشيت بيها امس
الاء : به تو ندوروها
سامية : توا دبريها
الاء : وشن دخلني اني 🤨
سامية : دخلك انتي السبب كله من اهمالك متعرفيش تشوفي حاجات امك هاا
الاء : تلبس في عبايتها.... مدخلنيش فيك..اني شنطتي الي مشيت بيها امس منحتهاش من ايدي وانتي غر جاتك صاحبتك راضية نسيتي حتى شنطتك يا لطيف هادا كان لقيتي وزير التعليم راك روحتي ونسيتيني اني واشرف
سامية : حدفت ع بنتها المشط.... نوضي سحيقة
الاء : شبحت لأمها وطلعت هي و اشرف
غسان : درس السيارة
كوثر : نزلت من السيارة هي وشمس
شمس : نزلت اطقطق بالقوية
كوثر : ضحكت... استني شموسة عيب 😀
سامية : فتحت الباب.... وحضنت شمس
شمس : حضنتها.... اشتاحشتك خالتي شامية ❤
سامية : حتى اني
كوثر : والنبي خالتي سامية خلي.....
سامية : هادي بنتي هادي جيبولها حوايجها نبيها تقعد عندي لين تنوض شروق بالسلامة ☺💙
كوثر : ابتسمت... حاضر
سامية : ربي يحفظك يا بنتي ❤
كوثر : ويحفظك ويحفظلك الاء واشرف ❤
سامية : تسلمي حبيبتي ☺
كوثر : هي باي شموسة
شمس : باااي
كوثر : ركبت السيارة
الاء : بتنزل معاي
اشرف : توكلي
الاء : نزلت متكنطية
الاء : لو سمحت امس نسيت شنطة هني
الولد : خشي المكتب الي غادي كان يستنى في مولاتها تجي تاخدها
الاء : شكرا
الاء : كيف بطق سمعت صوت عياط الداخل
عمر : فاتح المكبر(المايك).....وااك واااك علاش النكد هادا كله
يارا : والله اني هكي انت لا تجبيلي في هدايا ولا شي صاحبتي خطيبها بوكس معبي شكلاطة و خاتم ذهب وبيشريلها سيارة وانت متجيبلي في شي
عمر : مش عاجبك افسخي مضربتكش على ايدك قلتلك وافقي عليا 😡"وصكر عليها📱"
عمر : يدلك في جبهته... الخراا هادي متلقاش على من تنكد الا عليا
الاء : خشت بدون مطق... لو سمحت الشنطة
عمر : وعليكم السلام
الاء : ووووه الخلايق على صبح ربي
عمر : شن تبي
الاء : نبي الشنطة
عمر : كان نندري عليها شنطتك راهو حرقتها
الاء : علاش تحرق فيها خودها الشنطة متع نساوين تطلع ع السبيدرو الي لابسه ويمشي معاها سروال اسود والبس وشاح قهوي تطلع كيوت فانتاستك ههههه ههههه 😂
عمر : دمك رزين ره
الاء : زيك
عمر : حدف عليها الشنطة
الاء : بالشوية ره الشنطة متع امي جايبهالها بوي في عيد زواجهم
عمر : به اقلبي وجهك
الاء : خدت الشنطة وكيف بتطلع تكلم عمر
عمر : على فكرة لقيت 50 جني في الشنطة خديتهم
الاء : تلفتتله وضحكت عالجنب...اشري بيهم هدية لخطيبتك😏.. وطلعت
عمر : شبحلها بحقد معرفش شن يرد
شروق : مقعمزة ع السرير
رواد : امتى بتتكلمي يا شروق زعما انتي توا تسمعي فيا
شروق : ...........
رواد : احكالي غسان كل شي وحقاا نسيت نقولك امس بوك وراجلك يدورو فيك قدام المستشفى
شروق : قامت عيونها و شبحتله..............
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
