#هروب
الحلقة { 11 }
للكاتبة : رودي
فتاة القمر 💜
رواد : حسب حالة شروق وتصرفاتها وحسب التحاليل استنتجت وضعها وعرفت خيرها وشن المرض الي وصلها للحالة هادي
غسان : لونه اصفر..... تكلم
رواد : تبلد في المشاعر
غسان : كأن حد صب عليه امية مصقعة... ك كيف؟ 😳
رواد : يمكن ان يكون التبلد احد اعراض مرض التوحد، الانفصام، الاكتئاب، والاضطراب مابعد الصدمة، واضطراب تبدد الشخصية، اضطراب الشخصية الانعزالية او تلف الدماغ
غسان : تكدب عليا رواد تكلم
رواد : كمل كلامه.....وتظهر كفشل في التعبير عن المشاعر اما لفظيا او غير لفظيا وخصوصا عند الحديث في الامور التي متوقع عادى تنخرط فيها العواطف وفي هذه الحالة تكون الايماءات التعبيرية نادرة، بجانب القليل من المظاهر التعبيرية على الوجه او الصوت
غسان : حط ايده على راسه... ضعتي يا شروق ضعتي يا وخيتي
رواد : التبلد مزال في البداية يعني هي مزال مطلعتش من حالة الصدمة وبعد الصدمة يجي التبلد يعني مزال نقدرو معالجة الوضع
غسان : قام راسه.. كيف
رواد : عن الطريق الحبوب ومضادات الذهان ومضادات الاكتئاب
غسان : وقف... شكرا رواد
رواد : حضنه.... عيب يا حبيبي انت خوي عاد وتقدر غدوا اطلعها وانشاء الله يشفيها
غسان : ان شاء الله...طلع من الغرفة ومن المستشفى كلها وقعد واقف في نص الطريق سارح ومصدوم💔
مثلُ آلُڌيَن يَنفَقۆن آمۆآلُهم فَيَ سبيَلُ آلُلُہ گمثلُ حٍبة آنبتت سبعٍ سنآبلُ فَيَ گلُ سنبلُة مآئة حٍبة ۆآلُلُہ يَضآعٍفَ لُمن يَشُآء ۆآلُلُہ ۆآسعٍ عٍلُيَم 🤲🖤
آمآ بعٍدِ :
فَلُدِيَ آخـت لُم تترٍگنيَ آبدِآ
حٍفَظًت سرٍيَ
شُدِت ظًہرٍيَ
همهآ آمرٍيَ
ۆگآنت ۆقت آلُضعٍفَ قۆتيَ
آخـتيَ ضلُعٍ
ۆنصفَ قلُب آلُآم آلُطُيَب
بدِۆن شُرٍۆق گلُ شُيَ يَفَقدِ لُۆنہ 💔
الاء : حست بحد خش بسرعة وخبط الباب قامت راسها مخلوعة
شمس : خيرك
الاء : شديري هني
شمس : شي جاية بنشألك
الاء : قعمزت... اسألي هي
شمس : قعمزت جنبها.... انتي شن رايك في عمر
الاء : من عمر
شمس : بلا اشعتباط ( استعباط )
الاء : شمس ممكن اتفهميني شن الي صاير
شمس : شي هو عمر عنده الشطران( السرطان )
الاء : كدب المفرخ 😒
شمس : قمعجي( قعمزي) اني قلتلك وانتي دبري راشك 🤷♀️.. وطلعت
الاء : زعما تتكلم بالحق الفرخة
شمس : حطت ايدها على راسها ب غباء..... مجنحتش ( منجحتش ) في الكدبة ط
اشرف : الو
عمر : ايوا اشرف
اشرف : عمر نكلم في رواد مقفل وغسان مشغول وراسك يا غالي امشي ل الاء خلي تاخد دواها موعده توا
عمر : تمام
اشرف : "صكر الخط 📱"
عمر : اييييححح عليك حصلة الزح
الاء : امي هادي بتجيبلي حاجة ناكلها ولا مقعمزة تاكل بروحها وناسيتني
عمر : حتى وانتي بروحك تتكلمي تقول ملبوسة
الاء : انخلعت....من دخلك انت هني
عمر : رجليا
الاء : هه دمك خفيف بنموت على خفة الدم 😒
عمر : علاش انتي كيف تخشي من البيبان
الاء : بخشمي
عمر : حسيت من سؤالك العبيط
الاء : شن تبي
عمر : نستنى في موعد الدواء يفوت باش منعطيهولكش وتموتي
الاء : حيييي نسيت الدواء
عمر : فتح شيشة المية ومدلها الحبوب.... شدي
الاء : خدت المية وحطت الحبة في فمها وشربت
عمر : معش تنسي الموعد.... ولف بيطلع
الاء : حقااا اني امتى بنطلع
عمر : غدوا
الاء : مش ع اساس اليوم
عمر : مصارش في تحاليل انديروها بعدين ساهل
الاء : تحاليل شنو
عمر : تحاليل ال.. و بعدين انتي شن دخلك
الاء : دخلني...تحاليل شنو
عمر : علاش تتكلمي هلبة
الاء : تحاليل شنو
عمر : طلع وخلاها تتكلم بروحها 😂
سامية : خشت... اااخخخ رجليا
الاء : لين نسيت ان عندي ام تي وينك من امبكري
سامية : حدفت عليها الكيسة... صكري فمك وتسمسمي
