#هروب
الحلقة { 13 }
للكاتبة : رودي
فتاة القمر 💜
شهد : لان كان ضحية من ضحايا الفساد متاعك انت وامي تعرف علاش رجعتلكم وتأسفت تعرف؟؟!
بسام & بشير : ...............
شهد : ل تلاتة اسباب.... منبيش نتشرد في الشوارع ولأن كنت نبي ندور اختي شروق ولأن " وسكتت"
بشير : ادوي هي
شهد : ولأن اني مزال بنت
بشير : خشي شهد غرفتك
شهد : تقدرو نمشو اديرو تحليل
بشير : مالا علاش درتي هكي كانك متكذبيش
شهد : ضحكت بهزوة...كان انتو كلكم معندكمش شرف الا اني ف شن بندير بيه
بشير : ضربها كف 👋
بسام : منعرفش شعوري وقتها حسيتها صادقة الي مرينا بيه نفس بعضنا اني كل يوم نرقد نبكي اني الي راجل نبكي مالا شهد كيف ؟ شهد شن تحس ؟ ممكن احني مرينا بظروف رفعتنا لطريق صعبة لازم نوقفو جنب بعضنا ولما تكلمت عالشرف حسيت بالكلام ، حسيته زي الموس خش في قلبي بقوة ، حركتلي مشاعري، الولد انسان والبنت انسان يعني مدام البنت عندها شرف معناته حتى الولد عنده شرف شن الاختلاف بيناتنا هل الاختلاف انهم اناث واحني ذكور فقت من افكاري على صوت الكف الي عطاه بوي ل شهد...... شششهددد😡
شهد : تلفتت والدموع في عيونها
بسام : ناض وقف.... غدوا نديرو تحليل نتأكدو من كلامك وتوا بري لغرفتك بسرعة
شهد : استغربت في اسلوب بسام في العادة يجي يضربني لين قريب يقتلني
بسام : بببببرررري😡
شهد : ب به.... وركبت تجري
جي الليل وجت الساعة 1 في الليل يعني صباحا يعني ليل المهم اكيد فهمتو 😂
الوقت هادا الدنيا كلها نايضة من قوة الرعد والبرق والمطر💥🌨
زمرد : بعد وكيف تعرفت على يارا
عمر : كنت ماشي للمستشفى لقيت بنت طايحة قدام المحل نزلت قمتها رفعتها معاي عالجتها وكلتها وعجبني اسلوبها ورزانتها خديت رقم امها كلمتها قلتلها بنتك في المستشفى جت امها قلبت المستشفى بعياطاتها وبعدين جت امي جابتلي
اليباري متع الانفلونزا لاني نسيتهم في الحوش وتلاقو امي وام يارا وطلعوا صاحبات من ايام الثانوي وبعد فترة كلمتني امي على يارا وافقت لانها حسيتها بنت حلوة ورزينة وراقية انخطبنا وطلع وجها التاني
زمرد : وجه جعفر 😂
عمر : اي وتوا منعرفش معش نحس في احساس معاها نحس في روحي نضحك عليها او هي تضحك عليا او نضحكو على بعضنا والامور خاشة في بعضها
زمرد : نقولك حاجة راهي باردة فوتها
عمر : هكي قولك
زمرد : عندي صاحبتي مروة تطلع عليك
عمر : هديكا الشقراء
زمرد : اي
عمر : وووووه مبردها شلال في شلال 🤢🤮
زمرد : بالعكس محلاها
عمر : واخدة في روحها مقلب زيك 😒
زمرد : 😒😒😒
عمر : الواحد لما بياخد ياخدها حلوة و.....
زمرد : هيييي هيييييي وقف وين طاير تتخايل زيادة
عمر : حدف عليها المخدة..... نوضي تمرقدي مرقد جدي
زمرد : يمرقدك
عمر : نوووووضي
زمرد : باهي اصلا جوك اخيي😒
عمر : به هي اقلبي خليقتك
زمرد : خرا 😒
عمر : على وجهك 😒
زمرد : طلعت وخبطت الباب
عمر : فتح تلفونه وخش عالفيس شاف تعليقات الاء ابتسم
