#هروب
الحلقة { 18 }
للكاتبة : رودي
فتاة القمر 💜
طق طق طق طق 🚪
غسان : شبح ل كوثر وشروق وشهد.....وين شمس
كوثر : راقدة من المغرب
شروق : الساعة 1 منو زعما
غسان : خلي نشوف وفتح الباب شاف بوه وخوه واقفين قعد واقف يشبحلهم
مختار : فوت كل شي على الاقل من باب الاحترام قوللنا تفضلو
غسان : وخر واشرلهم لدار
خشو شروق وكوثر و شهد لدار
غسان : تفضلو
بسام & مختار خشو قعمزو
غسان : قعمز....ان شاء الله خير الساعة 1
مختار : يا ولدي رغم كل شي صار انت ولدي وهدوكا بناتي زي ماهما خواتك اني بناتي ، وكلنا بشر مفيش شخص ميغلطش واني ك أب منرضاش ان صغاري يعيشو بعاد عليا
غسان : والمطلوب
مختار : نبي صغاري يكونو جنبي في الحوش
غسان : ضحك ضحكة وقحة مستفزة.....تبصر انت شكلك
بسام : غسان اسلوبك
غسان : خيره ؟؟
بسام : حسنه
غسان : الحلاق مصكر
بسام : ءء.......
مختار : اسكت يا بسام اسمعني يا ولدي انت تكرهني مش لازم تكلمني مش لازم تشوفني المهم برا معاي، شمس صغيرة بتقرا وتتعلم وشروق مريضة وشهد قريب يجيها التوحد خليكم معاي غادي دير بالك عليهم احبسو روحكم في الدار بس قدام عيوني
غسان : ساكت يفكر في كلام بوه كمية الامان الي في حوشهم مش زي الي هني
كوثر : كانت واقفة شادة سفرة طواسي العصير وسمعت الكلام....غسان
غسان : جاي......ومشي ل كوثر... نعم
كوثر : مدتله السفرة....تفضل
غسان : صحيتي
كوثر : سلمك.....ورجعت للمطبخ
غسان : تنهد وخش بالسفرة
عمر : ياكل في السامينسا.....ووووه شاربي جف يا زمرد جيبيلي امية
حنان : تلقاها في غرفتها
عمر : خرا الفرخة هادي......ومشالها لغرفتها وفتح الباب لقاها مهناش......امي وينها
حنان : قلت اكيد لما خشت من الجنان مشت لغرفتها
عمر : بالك في الحمام
حنان : بالك
عمر : مشي لغرفته وهو متأكد ان زمرد في الحمام لان مستحيل يخطر على باله ان زمرد الساعة 2:30 في الجنان 🤷♀️
غسان : يفكر في كلام بوه
مختار : شنو يا غسان هيا
غسان : به عادي
مختار : علامات الفرح واضحات ع وجهه......خلاص وتو روحكم غدوا نجيبولكم سيارة تحطو فيها الحاجات ☺
غسان : تنهد.....تمام
بسام : هي بوي عطلنا
مختار : وقف....هي تصبح على خير
غسان : وين
مختار : بنروحو
غسان : لا لا اقعدو هني الليلة وغدوا نطلعو طلعة وحدة
مختار : تي مش لازم بالسيارة هو والطريق فاضية
غسان : تي غر قعمزو توا
بسام : اهواا بالسيارة نمشو الليلة ونجو غدوا
غسان : باتو اليوم والصباح رباح
مختار : اهوو يا ولدي نمشو الليلة انظمو الامور
غسان : والله مصارت لما تقعدو
مختار : بإستسلام......خلاص مدام اصريت
غسان : نحطلكم العشي شوية بس
مختار : مش لازم منبيش نتاعبك
غسان : ءءءء
كوثر : غسان
غسان : دقيقة بس....ومشي لكوثر لقاها شادة سفرة العشي كوثر : قلت اكيد جيعانين تفضلو
غسان : كيف كنت بنمشي نديره
كوثر : واني درته
غسان : ابتسم....شكرا
كوثر : شن شكرا مصح وجهك
غسان : به خشي ارقدي ليل عليك
كوثر : حاضر....ومشت تجري
غسان : ابتسم وخش ❤
