#هروب
الحلقة { 9 }
للكاتبة : رودي
فتاة القمر 💜
الدكتورة : حالتها غير مستقرة حاليا بعد 24 ساعة نشوفو شن مكتوبلها حني درنا الي علينا والباقي لله
سامية : تندب وتخبط ع فخادها 💔
اشرف : قام راسه فوق 💔
غسان : حط ايده على راسه 💔
شمس : به وانت عندك حبيبة
عمر : لا اني عرسي قريب
شمس : معناته انت مخطوبة
عمر : ضحك... لا مش مخطوبة اني خاطب 😂
شمس : بإستغراب... شن معناته خاطب
عمر : يعني ملبسها خاتم وبعد فترة نديرو عرس
شمس : لا مش خاطب انت مخطوبة
عمر : خاطب يقولوها للراجل و مخطوبة للبنت
شمس : تي لااا انت مخطوبة..جي( زي ) اختي شروق كانت مخطوبة وبعدين تجوجت (تزوجت) وبعدين اطلقتت (اطلقت)وحتى انت توا مخطوبة زيها
عمر : "في داخله".....اييييح عاد
شمس : به منو خطيبتك
عمر : وحدة
شمس : نشحابه اتنين
عمر : "في داخله"..... لسانها طويل الفرخة
شمس : به نبي نفوشها( نشوفها )
عمر : فتح تلفونه وخش عالاستوديو و وراها صورة يارا
شمس : وووه اخيييي اعيييييي مشناها 🤢
عمر : 😂😂😂
شمس : شن اشمها؟؟!
عمر : يارا
شمس : اشمها حمار جي وجها
عمر : عييب 😂
شمس : انت احلى منها
عمر : ولا 😁
شمس : فوتها خود وحدة تانية
منعرفش علاش لما قالت وحدة تانية تفكرت الاء وطول لسانها ابتسمت تلقائيا
عمر : مفيش
شمس : لا في هلبة
عمر : زي منو عندك انتي ؟؟!
شمس : زي كوشر ولا لا لا كوشر ل غشان خود شروق لا لا حتى شروق محجوجة(محجوزة)خود ااااااااااااااااااااااا منعرفش معش في حد
عمر : قلتلك
شمس : متجعلش( متزعلش) تو ندبرلك وحدة ☺ اااااه لقيتها خود الاء
عمر : يفكر... مرات ترفضني
شمس : مقعولة ( معقولة ) بترفضك واني هني
عمر : بتساعديني
شمس : اي
عمر : تم👍
شمس : 😈😈😈
كرم : حاط ايده ع وجهه..... اخخخ عيني... وتلفت جنبه لقي ليلى متلوحة قعد يهز فيها... ليلى ليلى
ليلى : دايخة
كرم : ناض المطبخ وبخبخ على وجها امية... تي موضي يا هم
ليلى : اااه اني وين
كرم : ويت تسحابي روحك في الجنة اي نوضي كان بتنوضي
ليلى : تتفكر.... الكلبة بنت الكلب هي السبب
كرم : تي نوضي 😡
ليلى : باهي.... وناضت وهي حاطة ايدها على راسها
غسان : مقعمز وساند راسه عالحيط
اشرف : مقعمز وحاضن امه
سامية : حاطة راسها على كتف اشرف
فات الليل وحالتهم زي ماهي مفيش حد تحرك لين صبح عليهم الصبح ⛅
الدكتورة : طلعت من غرفة الاء... صباح الخير
اشرف : صباح النور
الدكتورة : في خبر يفرح
اشرف : ان شاء الله خير
الدكتورة : مافاتتش 24 ساعة وحالتها استقرت ماشاء الله عليها الباين عليها قوية
سامية : سجدت.... الحمد الله الحمد الله 😇🙏👼
اشرف : دكتورة نقدرو نخشو نشوفوها
الدكتورة : لا اليوم ممنوع
غسان : ركب لقي شمس راقدة في مكتب عمر ورواد مقعمز جنبها.... صباح الخير
رواد : صباح النور كيف حالك اليوم
غسان : مسح وجهه... الحمد الله بخير وانت
رواد : تمام كيف حال اخت اشرف
غسان : كويسة حالتها استقرت
رواد : الحمد الله يا ربي
غسان : والله رواد مش عارف كيف نشكرك على اهتمامك ب شمس انت وعمر تعبتكم معاي هلبة
رواد : ضربه ع كتفه... صكر فمك خير متاخد كف خوت احني
غسان : والله اسف بجد تعبتكم انتو مش ملزومين تخلوها معاكم
رواد : باش تفهم انت ب اما لغة قلتلك خوت احني عيب الكلام هادا
غسان : به خلاص اسف
رواد : خيرك انت معش تتأسف
غسان : اخر مرة والله اسف
رواد : هجم عليه... قلتلك معش تتأسف ولا قلتلك معش تتأسف نعطيك تيرو توا نعطيك بونية اختار هي 🙂
غسان : خلاص خلاص
رواد : قعمز داهش... تعرف نحس في روحي شابحك من فترة من سنين
غسان : وين
رواد : في التلفزيون هكي
غسان : لا لا امتى صار
رواد : شابحك قبل في التلفزيون في مركز الشرطة شابحك في محكمة حاجة زي هادي
غسان : ااااه اي اي
رواد : ايواااا وين به
غسان : في محكمة
رواد : 😕😕😕
غسان : المحامي غسان
رواد : اوووووه تعرف نسحابه تشابه في الاسماء قبل بعدين حسيتك نفس الشكل انت الي متتعاملش الا مع القضايا الكبار وقبل خديت قضية ضد وزير الداخلية وفزت فيها 😀
غسان : اي
رواد : ينقز.... وووه عليا انت واقف قدامي توا مش مصدق وقعلي وقعلي 😆
غسان : ياسر بلا هبال
شمس : تبكي... غششااان
غسان : حضنها... عيون غسان
شمس : وين عمر 😭
غسان : شوية ويجي
نبي نسرع في الاحداث
بعد مرور اسبوعين
رواد تقوت صحبته مع غسان واشرف 24 ساعة مع بعضهم
كوثر ناضت ورجعت لصحتها ❤💪
اما الاء اليوم بتطلع من المستشفى 💙
شروق مرة مرة تتحرك بس متتكلمش 💔
اما شمس 24 ساعة راسها في راس عمر متبيش تتحرك من جنبه وديما في حوشهم😂❤
وعمر حتى هو تعود على وجود شمس زي اخته الصغيرة او صديقته او نقولو بنته ❤
الصبح 9:00 ⛅
شمس بايتة عند عمر
زمرد : خشت لدار عمر تنوض فيه ..... نوض تأخرت ع خدمتك 🙂
شمس : ناضت وقفت استعداد.... بنخش الحمام قبلك
عمر : والله ماصارت
شمس : لا صارت... ومشت تجري للحمام خشت 🏃♀️
عمر : خراا... ورجع رقد
غسان واشرف مقعمزين ع الشط 🌅
اشرف : يغني.....وقت شروق الشمس واقف عالبحر بعيد
غسان : نحس فيها وقت غروب الشمس مش شروق
اشرف : ماهو توا شروق + اسسس كمل كمل 😂
غسان : عمل بحكيلو واشكيلو واشرح واعيد
اشرف : شبح بنت من بعيد عيونه طلعو... فجأة لقتها وكنت فكرها عروسة البحر 😍
غسان : خارجة من المية وطلتها اقوى من السحر ❤
اشرف : عيونه بيطلعو في البنت.... لما شفتها قلبي دق سطاش الدقة 💓والطبلة دخلت لعبت جوا دماغي حاجات
غسان : لما الرق دخل قلبي رق وحنيت
اشرف : طب هعمل ايه؟؟!
غسان : ناض وقف وعيط... رحت انا غنيييييتت
اشرف : ناض وقف وعيك حتى هو.... امتى الحب طااار اسمع طار ولا طاال😂💛
غسان : زي ماتبي خليني نكمل...ألبي ولا في الخيال ❤
اشرف : عوودك د.........
البنت : ايوا حني عالاصفر
اشرف : يقول في شعر....عطيني رقمك يا بنية
غسان : يكمل في الشعر.... لان اصفر الايام مشقية
اشرف : اعطيني رقمك يا بنية
غسان : راهو نورك اقوى من نور الثريا ❤
اشرف : صفق... الله حي حي تهببلل 👏👏👏❤
غسان : شكرا شكرا ره مش محامي بس
اشرف : تي محامي وشرطي وشاعر ومغني ومطرب وتحب كوثر بنت خالتي ومهندس ودكتور زيادة
غسان : اي والل.. "بعدين ركز على عزقه في النص،😨" اشرف
ترا قولي شن قلت
غسان : خيرني شن قلت قلتلك محامي وشرطي ومغني ومطرب ومهندس ودكتور
غسان : مابين مطرب ومهندس
اشرف : ءء.....
البنت : هيااا اعطوني رقم واحد منكم
غسان : كان مش سعد سعيد
اشرف : مرتبطين افسسين
البنت : مشت متكنطية 😡
غسان : يا اشرف
اشرف : نووض نروحو من صبح ربي نابتين في البحر
غسان : تي تعال
اشرف : بعدين نقولك 🙂... ومشي بجري
غسان : قعد يلحق في اشرف يبي يتأكد من الي قاله... تي تعال يا حمار شن قلت
اشرف : علا صوته... قلتلك مططرربب 😂
غسان : يا كدااب... وقعد يجري وراء اشرف 😂
رواد : عفوا دكتورة نجمة
نجمة : نعم
رواد : غيرتو غرفة المريضة شروق
نجمة : اي في الممر الخاص بيها
رواد : شكرا ☺.. ومشي لغرفتها وفتح الباب بس الصدمة هني.. كانت شروق واقفة تتفرج من الروشن 😨
رواد : ش ش ش شر شروق 😨
شروق : تلفتت و..........
＊*•̩̩͙✩•̩̩͙*˚ ˚*•̩̩͙✩•̩̩͙*˚＊
