عمار تعالي قطع السلطه الضيوف زمانهم جايين
-انا مش عارف اي لازمتها تعزميهم وانتِ تعبانه كده ...ياحبيبي انتِ لسه ف اول الحمل قولتلك اجيب اكل من بره قولتيلي لا وبعدين مريحتيش نفسك وصاحيه من الفجر وعملتي كل الاصناف مين بقا هيأكل الاكل ده كله
-ياحبيبي انا مش تعبانه ولا حاجه بالعكس انا مبسوطه جدآ وانا واقفه بعملهم الاكل وإذا كان ع السلطه سيبها ياسيدي انا هقطعها
-لا انتِ هتطلعي زي الشاطره كده ترتاحي عقبال ما اعمل السلطه واجيلك
-طب مش هدوق المكرونه بالبشاميل دي انا عملاها ليك ع فكره انا عارفه انك بتحبها
-ياحبيبي انتِ اي حاجه من ايدك عسل اصلا ...ربنا يخليكي ليا
-عمار هو انا تخنت؟
-حبيبتي انتِ لسه ف التالت لسه مشوفتيش حاجه ...وبعدين فيها اي يعني لما تتخني هتبقي مزه آخر حاجه قالها وهو يغمز
-اتلم ياعمار واخلص عشان عاوزاك ف موضوع مهم
-اي قررتي تحني عليا وننول الرضا ياجميل
-لا عاوزه احلقلك دقنك عشان بتشوكني
-ده الدقن وصاحب الدقن تحت امرك يا برنسيس ياسلام !!!
#ياسمين فليفل
