جأت عليها مريم وهي تضرب كف ب كف مستنكره لا تصدق الذي رأته امامها حتي وصلت إليها وقالت
-هو ده عمار ...هو ده ملاك الرحمه ؟
-رفعت حاجبيها وهي تستنكر ماتقوله صديقتها : ماله عمار فيه اي
-عمال يزعق ل كل اللي رايح واللي جاي ...ولا حد همه انتِ عملتيله حاجه يابت
-وضعت يدها على صدرها مغمغمه: انا يابنتي !!!
-اه انتِ ياحنينه ...الواد طول عمره هادي ومحدش بيسمعله صوت ...انتِ ركبتيله العصبي ده كان بيدخل علينا بطلته البهيه ولا اجدعها توم كروز ...ده عليه حنيه يابنتي مش عندي
-حيلك ..حيلك اي ما اجوزهولك احسن
-التفتت لها مريم وهي تغمزها: بتغيري صح ؟؟؟
- هربت منها بعيناها : لا بس اتلمي شويه مش كده
-طب ماتروحي تشوفيه ماله كده يمكن يحن ياجميل قالتها وهي تقرصها ف خصرها
-يابت ماتتلمي مالك النهارده ....وبعدين انا لو روحتله دلوقتي هيهب فيا زي بابور الجاز
-لا مش هيعملك حاجه ده انتِ اللي ف القلب
كادت إن تتحدث ولكنها رأت عمار يأتي إليهم ووجهه متهجم وكأن مصيبه حدثت ثم اخذها من يديها وذهب ووصلوا إلي جراج السيارات ف افلتت يديها منه ثم وقفت امامه ووضعت يديها حول بعضها وسألته
-ممكن اعرف فيه اي ...بدل ما انت ساحبني زي البقره كده
-ضحك عمار ع ملامحها الغاضبه وكأنه مخلوق غير طبيعي اليس هذا الذي كان غاضب بشده من دقائق قليله ماذا يجري معه : لا العفو متقوليش ع نفسك كده
-وجهت له اصابعها وهي تعض ع شفتيها هي تفعل هذا عندما تغضب : عمار متستفزنيش وبطل ضحكتك البارده دي
-طب بس بطلي تعضي ع شفايفك عشان دول ملكيه خاصه مينفعش اللي بتعمليه ده
-وجهت له سبابتها وهي تقول: انا مش قولتبطل استفزاز
-بنفس الصباع
كادت ان تذهب من امامه ولكنه امسكها من رسغها وقربها منه وتحول وجهه من الضحك إلي الغضب وشرارت عيناه تراها بوضوح
-ممكن افهم ليه بتعملي كده
-بعمل اي
-بقيتي بعيده ومبتكلمنيش وبتأخدي رأي ف كل حاجه زي زمان وبتكلمي حسام هو فيه اي بالظبط
-عادي يعني ...اكيد انت مش فاضي ف مش معقول هشغلك ب كلام فاضي
-ياست انا بحب الكلام الفاضي بتاعك هو انا كنت اشتكتلك ل سمح الله
-مش لازم تشتكي ...فيه حاجه اسمها احساس
-طب يابتاعه الاحساس ...بعد كده لما تعوزي حاجه اطلبيها مني انا مش حسام ....وبعدين اي حكايه العربيه دي كمان
-اي عاوزه اجيب عربيه بدل م انا باجي معاك الكليه كل يوم
-ده انتِ بتبعدي بقلب جامد بقا ...طب ياحلوه مفيش عربيات ...ومفيش قعاد مع اخويا تاني ...وهتروحي وتيجي معايا ....هلزقلك ف حياتك كده
-وده من اي ده
-سميها زي ماتسميها بقا ...يلا عشان اروحك
-مش هروح دلوقتي اناجعانه
-نعدي ع اي مطعم نأكل ياسلام مش هغلب يعني
-اصل انا بص ....
-اخذها من يديها وفتح لها الباب الذي بجانبه حتي تجلس وقفل بابها ثم التف حتي يجلس هو الآخر كل هذا تحت نظراتها المذهوله : بلا بص بلا مبصش تعرفي تسكتي شويه
- طب ممكن افهم فيه اي
-اصلي بغير ع اشيائي
-اشيائك !!!
-اه انتِ
قالها ثم قبلها ع جبهتها ووجهه نظره إلي الطريق اما هي ف بقيت تنظر إليه بذهول ع حديثه الذي لا تفهم منه شئ او حتي حركاته ثم انتبهت ع مسكه ل يديها ف حاولت أن تفلتها ولكن هو لم يعطيها الفرصه واحتضن كف يديها بشده وهو ينظر إليها كل دقيقتين ويبتسم لها !!!
# ياسمين فليفل
