" بعد كتب الكتاب "
-بحبك
-براحه عليا عشان انا قلبي رهيف ومش هيستحمل كلامك ده
-ياواد يارهيف انت
-عمار
-نعم ؟
-انت عيونك حلوه اوي
-وانتِ احلي واحده شافتها عيني ...عارفه اول مره قابلتك فيها ساعه لما دلقتي النسكافيه بتاعك ع قميصي الابيض اللي بتحبيني البسه
-ياااه ده انت قلبك اسود اوي ...بس انا جبتلك بعديه قميص اسود ك اعتذار ع اللي حصل كده انت معندكش حاجه عندي ياعم
-القميص الاسود اللي خايف البسه عشان ريحتك اللي لمسته متروحش ...بعد كده صاحبه البرفيوم هتبقي جمبي ...هتصدقيني لما اقولك ان ريحتك عامله زي المسك ... بعشق كل تفصيله فيكِ ...صوابعك اللي بتحركيها لما بتوتري ...ايدك اللي بتفضل تتحرك طول ما انتِ بتكلميني ع موضوع مهم ...مسكت صوابعك للقلم ...عيونك اللي بتدمع من اقل حاجه ...فرحتك لما اجبلك شكولاته رغم انها بتبقي بسيطه بس انتِ بتحسسيني اني جبتلك حاجه كبيره ...حاجات كتير ... امي الله يرحمها كانت قالتلي هتجيلك اللي هتشيلك ف عنيها ياولدي وتصونك وتبقي احسن ام ل ولادك ..وصدقت ...انتِ حلم جميل كنت بدعي ف كل صلاه انه يتحقق
- طب سلام عليكم انا عشان انا مش قد كلامك ده واجيلك وقت تاني تكون خلصت حسك المرهف
-ضحك عمار بشده مما جعل رأسه ترتد إلي الوراء: يافصيله ...نفسي اكمل جمله للاخر ...المهم هاتي ايدك
-ليه ؟
-متخافيش مش هأكلها ...انا بس عاوز احس انك جمبي وبقيتي مراتي ونتمشي ع الكورنيش اجيبلك كوز دره ...غزل بنات حاجات المخطوفين اللي حرمتيني منها طول الخطوبه ولا اي
-وهتجبلي سينابون ؟؟
-اجيبلك احسن حاجه المهم تبقي معايا
وصوت عظيم ويارا قرماز جاي من بعيد بيقول " مشي معي ع دنيا حب مافيها الا الغرام واحلي الايام ...خدني حبيبي اكتبني قصيده مافيها كلمه ملاذ كلها غرام " وهو شابك ايده ف ايدها
# ياسمين فليفل
