-ممكن تأخدي الكتالوج وتختاري وتستهدي بالله كده عشان انا خلقي ضيق
-مسم ....ماتيجي تضربني احسن ياعمار ...انا بقولك اني مش هتجوز الاسبوع الجاي ابدٱ ...روح شوفلك عروسه غيري بقا
-نعم ياختي!! ...عروسه غيرك ثم مسح ع وجهه بعصبيه : خديجه هتأخدي الكتالوج وتختاري عشان احنا وقتنا قصير
-واي اللي قصره طيب ...احنا متفقين انه هيبقي بعد شهر اي اللي خلاه بعد اسبوع هل انا مثلاً ههرب منك ...هل هختفي بعد شهر مش هبقي موجوده ماهو ده قرار مش مقنع برضو
-ممكن انتِ تفهميني اي اللي مضايقك جواز وقدمناه فيها اي ..كان ممكن اقولك قبليها بيوم اصلا ولا كنتِ هتقدري تنطقي
-لا انت اتجننت رسمي بجد انا مش فاهمه اي اللي طلع الموضوع ف دماغك كده مره واحده ...انا قولتلهم ده واحد عصبي وخلقه ضيق وضيف عليهم إن عقلك شت منك وده مش طبيعي
-ها واي كمان ياست خديجه ...واني مصلحش للجواز
-اه والمفروض تروح تشوفلك مستشفي امراض نفسيه عشان انت مش طبيعي بجد
-حلو طيب يا خديجه خليكي كده انا هشوف الكتالوجات واختار انا واولعي انتِ بقا
-نفخت بضيق ثم اقتربت منه وهي تضع يدها ع وجنتيه : عمار ياحبيبي ممكن تهدي وتفهمني ليه قدمت معاد الفرح
-عشان بحبك ياخديجه ...عشان انا مش مستحمل ابن عمك الرزل اللي لازقلك ع طول ولاكأنه ابن اختك ...عشان انا عايز نبقي مع بعض ف بيت واحد ف اقرب فرصه ...عشان حاجات كتير اولهم اني بغير ..
-ابتسمت خديجه ثم قرصت وجنتيه : انت بتغيري يابطه !!
-خديجه !!!
-نعم ياروح خديجه !!
-تنهد هو قبل ان يحتضنها ويشدد عليها وكأنه يريد ان يدخلها إلي احد اضلاعه ثم تشمم رائحتها الذي ب عطر الياسمين الذي يعشقه : خليكِ باتي النهارده هنا
-مينفعش انت عاوز بابا يجي يفضحني هنا
-ابتعد عن احضانها وهو يرفع حاجبيه : ع فكره انا جوزك مش شاقطك انا ...اي يفضحني دي
-ممكن تطلع تنام وبكره انا وانت وناهد وكلنا هنختار التصاميم والجرافيكس وكل حاجه لاني خلاص تعبت من شد الاعصاب ده ومش هقدر اركز دلوقتي
-ماهو عشان كده انا بقولك تفضلي هنا ... انا مش هأكلك يعني ولو ع عمي انا هكلمه
-مينفعش ...وكده كده هنتجوز كمان اسبوع يعني هبقي معاك ع طول
-اممم يعني مفيش فايده
-حركت ساعديها بمعني لا : يلا بقا سبني عاوزه انام
-ماهو انا عرضت عليكِ وانتِ اللي رفضتي ..كان ممكن تنامي ف حضني ع فكره واوعدك انك هتصحي مرتاحه
-ابتعدت عنه قليلاً ثم قبلته من احدي وجنتيه: تصبح على خير ياحبيبي
-تنهد ثم شد ساعدها ناحيته حتي التصقت ب صدره وقبل جبهتها :وانتِ من اهل حبيبك !!
# ياسمين فليفل
