-طب نتناقش بهدوء ونحترم رأي الآخر ....انتِ عاوزه تكملي معايا ولا لا
-ابتلعت ريقها وردت بتوتر : لا
-فا استطرد بجديه اضحكتها وكأنه لم يسمع ردها : وانا عايز، يبقي هنكمل انا عارف مصلحتك اكتر منك وبعدين انا بتحاسب ع كل واحد بيشوفك وبتتنيلي تسرقي قلبه
ثم ظهرت ملامحه الحقيقيه محتده،شرسه تستوطنها الغيره وهو يردف : وبعدين تلاته اي اللي هيموتوا عليكي ، ده انا هخلي التلاته يترحموا عليكي دلوقتي !!!
-وجهت له اصابعها: عمار احنا قولنا هنحترم الآراء
-ده لما يكون رأيك عاجبني اصلا ...وبعدين انتِ مراتي رسمي ممكن تفهميني اي التلاته اللي معجبين دول
-لم تعطيه اي اهميه وهي تعدل من جديلتها وتبتسم : مش انت اللي قولت احنا مننفعش ل بعض سيب غيرك يتحرك احنا كده كده هنطلق
-نعم ياروح خالتك !!!
ضحكت هي ع ملامحه المحتده ولكن لم تبين له حتي لا تغضبه اكثر : اي روح خالتك دي ماتحترم نفسك ياعمار فيه اي
-ده انا برضو ...خلي ف بالك الفرح الاسبوع الجاي عشان تبقي تقوليلي هنطلق كويس
ثم ذهب دون ان يضيف كلمه اخري حتي لم ينتظر إن يسمع المزيد وهو يزرع الارض بغضب شديد وهي ورأه تضحك بشده ع خطتها الناجحه!!!!
# ياسمين فليفل
