ابعدي عني ياهمس عشان مش طايقه نفسي دلوقتي
-جلست بجانبها ثم نغزت خصرها: مالك بس ياقطتي اي اللي حصل
-اخوكِ هيجبلي الضغط قريب ...يعني اي هيخطب صفاء الحربايه دي
-رفعت همس منكبيها ك علامه ع اللامبالاة: مايخطب ياستي انتِ زعلانه ليه ده حتي هيريحنا منه
-ماهو طبعا البعيده معندهاش دم زي اخوكِ تمام ...يعني اي مايخطب اومال انا روحت فين ده انتوا بتعاملوني زي كيس الجوافه
-ايوه انتِ اي مزعلك دلوقتي انا مش فاهمه ...ده حتي عمار بيقول انه معجب بيها
-تخصرت فريده ف وقفتها وهي تقول : معجب ب مين ياعنيا ..صفاء ام شعر احمر دي ده يابنتي بتستحمي ف الاسبوع مره دي ريحتها طلعت ولسانها طويل كلها غلط ف غلط اصلا
-ضحكت همس بشده : اي يابنتي ف اي هو حر ف اختياره إن شاء الله يتجوز قرعه احنا مالنا
-صح انتِ عندك حق مايولع انا مضايقه ليه ...انا هنزل انام كتكم القرف عيله تغم
ضحكت همس حتي لم تستطع أن تقف ع قدميها وكادت أن تقع ولكن دخول عمار هو من اوقفها
-اي يابنتي مالها بنت عمك واخده ف وشها ده كان ناقص تخبط فيا وعماله تبصلي كده ب نظرات مش فاهمها
-مفيش انا بس قولتها انك هتخطب صفاء وهي قيمت الدنيا مقعدتهاش
-طيب انا نازل اشوف مالها ...لو اتأخرت ابقي اطمني عليا ده مش بعيد تحدفني ب مياه نار
نزل عمار إلي الاسفل وطرق الباب وفتحت له هي ونظرت له بغضب ثم دخلت إلي غرفتها وتركته ع الباب لا حول له ولاقوه حتي انتبهت له زوجه عمه
-اي يابني مالك واقف ليه كده ماتدخل
-الا قوليلي يامرات عمي هي مالها بنتك
-اهي عندك شوف مالها
قالتها ثم دخلت إلي المطبخ وطرق هو ع غرفه فريده ولكنها لم تجيب ثم طرق مره ثانيه وكاد إن يطرق الثالثه ولكن هي فتحت الباب ف هذه اللحظه
-عقدت يديها وهي تنظر له : نعم !!
-مالك يافريده اللي حصل همس بتقولي انك متعصبه ف اي .. انتِ زعلانه مني ف حاجه
-ابتسمت فريده ببرود وهي تقول : هو انت بتعمل حاجه عشان ازعل ده انت نسمه يابني ملاك كده وسطينا
-هتقولي مالك ولا اطلع واخبطي رأسك ف الحيط بقا براحتك
-وماله ياخوايا محدش غصبك اساسا تنزل
-رفع عمار حاجبيها : فرييييده
-انت صحيح هتخطب البت ام اربعه واربعين دي
-رفع عمار ياقه قميصه وكأنه بهذا يغيظيها: اه اي رأيك لاقين ع بعض صح
-حله ولقت غطاها والله العظيم ثم همست : دي علاقه قذره
-اه ما انا عاوزك بقي تقوليلها كام كلمه كده حلوين ف حقي مش انا ابن عمك
-ده ف عينك يابتاع صفاء عندك اختك اهي إن شاء الله تولعوا مع بعض انا ماليش دعوه
-يعني انتِ رأيك ادخل البيت من بابه واطلبها وكده
-طبعا
-يعني انتِ مش غيرانه ؟؟
-انا !! وتغير عليك انت ليه هي البلد مفيهاش غيرك ولا اي
-يابت لسانك الدبش ده هقصهولك ف مره
-مش خلاص اتكلمت ورغيت ممكن قفاك بقا عشان عاوزه انام
-بتطرديني يافريده
-اعوذ بالله دي مش اخلاقي بس انا عاوزه انام
-طب بحبك
-وماله انا برضو عاوزه انام ...نعم انت قولت اي
-اقترب منها عمار حتي كادت المسافه ان تنعدم بينهما وهمس لها : بحبك ياديده
-طب وصفاء
-ياشيخه صفاء اي بقا انا كنت بعمل كده عشان اشوف رد فعلك بس عجبتيني ...هي صفاء هتغير عليا كده ...انا بحبك انتِ ياجميل
-تصدق وتؤمن پالله هتصدق بإذن الله انت واحد لا تطاق
-الله يكرم اصلك يا اصيله يابنت الاصله
-بس بتنيل ع عيني بحبك هعمل اي ف حظي الهباب
-غمز لها عمار : طب ماتجيبي بوسه مشبك
-اتلم يامحترم ويلا من هنا بدل ما اناديلك محمد
-لا وع اي امشي انا ...هتجوز شاويش ياربي !!
-عندك مانع ياولا
- لا ياروح ال ولا ده انتِ اللي ف القلب
# ياسمين فليفل
