11😍Unicode
"ဒါနဲ့ ခင်ဗျားနဲ့ကျွန်တော် ဘယ်မှာတွေ့ဖူးတာလဲ"
"ကိုယ့်စင်တာထဲက အိမ်သာရှေ့မှာလေ"
"ဟမ်.."ဘယ်လိုကြီးလဲဟ။
"ကိုယ်နဲ့ဝင်တိုက်ပြီး...ကိုယ့်ကိုရန်တွေ့တာလေ...ချစ်လေးက"
"အမ်"ဘယ်လို...အဲ့နေ့က လူကြီးလား..။အံသြနေတုန်း ...အခန်းခေါက်သံကြားလိုက်တယ်။
"ဒေါက်...ဒေါက်....အစ်ကိုလေး deliရောက်နေတယ်။"
"ဟုတ်...ကိုဝေလာပြီ"ဖုန်းယူပြီး ဆင်းလာခဲ့လိုက်တယ်။
ခြံရှေ့ရောက်တော့ တွေ့လိုက်ရတာ နှင်းဆီစည်းကြီးနဲ့ Phooအရုပ်ကြီးနဲ့ကောင်လေးတစ်ယောက်။လက်မှတ်ထိုးပြီး ပစ္စည်းတွေနဲ့ကိုလက်ခံလိုက်တယ်။ပန်းစည်းနဲ့အရုပ်ကိုမနိုင်မနင်းသယ်ပြီး ဧည့်ခန်းထဲမှာ ပစ်ချပြီးထိုင်မိတယ်။မောလိုက်တာ.....
"ဟူးးးး"ကိုဝေကလဲ လှစ်ခနဲဆိုပျောက်သွားတယ်။အရုပ်နဲ့ပန်းဆိုတော့ သေးသေးပဲထင်လိုက်တာ။ဒီလူကြီးက အံသြအောင်အမြဲလုပ်တယ်။
Phooအရုပ်ကလဲအကြီးကြီးပဲကြိုက်လိုက်တာ။နှင်းဆီနီ၆၆ပွင့်ကိုအမဲရောင်ပါကင်စလေးနဲ့ထုပ်ပိုးထားတယ်။နှင်းဆီနီကြားထဲမှာ အမဲရောင်စာအိပ်လေး။Milk Tea လေးသောက်ရင်း...စာကိုယူဖတ်လိုက်တယ်.....မိန့်မိန့်ကြီးနဲ့ပြုံးပြုံးနဲ့ပေါ့....။
========================
အချစ်ကလေးရေ.....
နှင်းဆီ၆၆ပွင့်ရဲ့ အဓိပ်ပါယျက...
ငါ့ရဲ့အချစ်က မင်းတွက်ဆိုရင် ဘယ်သောအခါမှ ပြောင်းလဲမှာ မဟုတ်ပါဘူးတဲ့။
ဒီလိုပဲ ကိုယ့်ရဲ့အချစ်ကလဲ မင်းအပေါ်မှာ သက်ဆုံးတိုင်ထိ ပြောင်းလဲမှာ မဟုတ်ပါဘူး...အချစ်လေးရေ။
========================
စာလဲဖတ်ပြီးကော နှုတ်ခမ်းကစိမရတော့ဘူး။သွားတွေတောင်အအေးပက်တော့မယ်။ပိတိဂွမ်းဆီထိနေတာ.....
အယ်....ငါက ဘယ်လိုတွေတောင်ဖြစ်နေရတာလဲ။ နွားပွဲစားလိုပဲ....ဒွခပဲ မသိမသာ ကွေးနေပြီးလားဟ......
ငါ့ရဲ့ သံချောင်းပမာ..အဖြောင့်စိတ်တွေကလေ.....ဘုရားကယ်ပါ။
"အား......ဒီလူကြီးကတော့....တော်တော်တက်တယ်"
လူကိုအမျိုးမျိုး ခြွေနေတာ...ငါ့သံချောင်းပမာ အဖြောင့်ကြီးကတော့ ကွေးတော့မယ်။
"ဦးတိုးရေ...ဦးတိုး.."
"လာပြီး အကိုလေးရေ"
"သားကိုဒါတွေအခန်းထဲပို့ပေးပါဦး"
"ဟုတ်ကဲ့အစ်ကိုလေး"
ဦးတိုးကိုပြောပြီး မီးဖိုချောင်ထဲဝင်လာခဲ့တယ်။
ရေသောက်ရင်း..."အန်တီတင် ဒီနေ့ဘာချက်" မေးလိုက်တော့။
"အော်.... သားပိုင် ပုဇွန်ထုပ်ဆီပြန်ရယ်၊သရက်ချဥ်သုပ်ရယ်၊အရွက်ကြော်မယ်လေ...သားစားချင်တာရှိလား"
"မရှိပါဘူး အန်တီတင်...သားအကြိုက်တွေပဲကို"ဟုတ်တယ်လေ...အမြဲကိုယ်ကြိုက်တာပဲချက်နေတာကို။
"အန်တီတင် သားကို လက်ဖက်သုပ်ပြီး အပေါ်ပို့ပေးပါလား"
"ဟုတ်ပီး သားလေး ပို့ပေးမယ်နော်"
"ဟီး..ကျေးဇူးပါ အန်တီတင်" အန်တီတင်ကိုပြောပြီး အပေါ်တက်လာခဲ့တယ်။
အခန်းထဲရောက်တော့ Phooလေးက ကုတင်ပေါ်မှာအခန့်သား။ပန်းစည်းလေးကိုယူပြီး ပြုံးမိသေးတယ်။
စားပွဲပေါ်တင်လိုက်ပြီး စာအိတ်လေးကိုတော့ ဘီဒိုရဲ့အောက်ထက်က ပုံးလေးထဲထည့်လိုက်တယ်။အရင်ကနှင်းဆီခြောက်လေးတွေ၊စာအိတ်လေးတွေနဲ့အတူပေါ့။
DU LIEST GERADE
💞 I love Being Yours💞 ( complete )
RomantikUnicode ကိုယ့်ရဲ့အချစ်က မင်းဆိုတဲ့မင်းကြောင့်ဖြစ်တည်လာတာပါ... ထက်ဦးထွဋ် ညီ့ရဲ့ ဂျစ်တစ်တစ်အချစ်ဟာ ကိုကိုတစ်ယောက်ထဲအတွက်ပဲ.... ဇွန်ထက်ပိုင် Zawgi ကိုယ့္ရဲ႕အခ်စ္က မင္းဆိုတဲ့မင္းေၾကာင့္ျဖစ္တည္လာတာပါ... ထက္ဦးထြဋ္ ညီ့ရဲ႕ ဂ်စ္တစ္တစ္အခ်စ္ဟာ ကိုကိုတစ္ေယာ...
