Love Bites ||kth:pjm|| (Hiatus)

Episode - 12

(Unicode Version)

"အဲ့တော့ပြန်မလာတော့ဘူးပေါ့"

"...."

" ဘာရယ်.. အပြီးပြောင်းမလို့??"

"......"

"အေးအေး အဆင်ပြေရင်ပြီးရော..
ဒီမှာလူကြီးတွေကို
ကြည့်ပြောထားလိုက်မယ်.."

-တီ-

ဖုန်းချလိုက်သည်နှင့် ဂျီအွန်းသည်
ပြောရခက်နေသည့် မျက်နှာထားဖြင့်သာ
စိတ်ပူနေသော လူကြီးများဘက်သို့ လှည့်ပြီး

" ဂျီမင်းနဲ့ ထယ်ယောင်းက
ဒီညပြန်မလာတော့ဘူးတဲ့.."

" ဟမ်? ဘယ်သွားကြလို့
ပြန်မလာရတာလဲ "

" ဘယ်မှမသွားပါဘူး..
ဆိုးလ်မှာပဲ ရှိတယ်.. ဒါပေမယ့်
ထယ်ယောင်းက ဂျီမင်းကို
ကျောင်းဝင်ကြိုရင်း သူဝယ်ထားတဲ့
ကွန်ဒိုကိုပဲ ခေါ်သွားတယ်တဲ့..
ဟိုမှာပဲ ဆက်နေတော့မယ်နဲ့တူတယ်..
သဘောက ဟို..လေ..
နှစ်ယောက်က အိမ်ခွဲနေမလို့တဲ့.. "

စကားဆုံးသည်နှင့်
စိတ်ကြီးသောဂျီမင်းမေမေသည်
ခေါင်းကိုဖိကိုင်ရင်း ထိုနေရာတွင်
လဲကျလုမတက်..။
အကုန်ဝိုင်းထူမ ပေးပြီးမှ
ဆိုဖာထက်တွင် ပြန်ထိုင်စေသည်။
ထိုနောက် ဂျီမင်းမေမေကပင်..

" ငါ့သားကို သူ့စိတ်တိုင်းကျ
လုပ်ချင်တိုင်းကို လုပ်နေတော့တာပဲ.. "

ထယ်ယောင်းရဲ့ဖခင်မှာမျက်နှာပျက်လျက်။
သို့တိုင် ထယ်ယောင်းမိခင်ဖြစ်သူမှာတော့..

" ဒီမှာ အစ်မ..
စကားကို ဆင်ခြင်ပြော..
ဘယ်သူမှလည်း
အခုလိုတွေမဖြစ်စေချင်ဘူး.."

" နှစ်ယောက်လုံးတော်ကြတော့..!!"

ဂျီမင်းဖခင်ထံမှ ဟိန်းဟောက်သံထွက်လာတော့
အကုန်လုံးတိတ်ဆိတ်သွားကြသည်။
တစ်ဆက်တည်းမှာပင် ဂျီမင်းဖခင်က..

"ဖြစ်ပြီးတာက ဖြစ်ပြီးပြီ..
အခုမှအပိုတွေ ပြောလည်း ဘာမှမထူးဘူး
သူတို့နှစ်ယောက်ဘာသာ
နေချင်ရင်လည်း နေပစေ..
ဒီမှာဆို ကလေးနှစ်ယောက်လည်း
လွတ်လပ်မှာမဟုတ်ဘူး.."

အကုန်လုံးသည် ဂျီမင်းဖခင်၏
စကားကို လက်ခံကြရသည်။
ထယ်ယောင်းဖခင်သည်လည်း
ခေါင်းတငြိမ့်ငြိမ့်ဖြင့်သာ..။
သို့သော် ဂျီမင်းမိခင်သည်
တစ်ခုသော စကားကိုဆို၍
အခန်းထဲ ခြေဆောင့်ကာ
ဝင်သွားလေသည်။