(Unicode Version)
"တိုက်ဆိုင်လိုက်တာ...
အကုန်လုံးကို တစ်ပြိုင်နက်တည်း
လာတွေ့ရတယ်လို့.. "
ညစ်ကျယ်ကျယ်အပြုံးဖြင့် ရယ်သံသဲ့သဲ့လွှမ်းရင်း ပတ်ထရစ်ကဆိုပေမယ့် ထယ်ယောင်းနှင့် ဂျီမင်း၏အစ်မဖြစ်သူ ဂျီအွန်းတို့ကတော့ ထိုနေရာမှာပင် အငွေ့ပျံချင်သွားသကဲ့သို့ပင်။
ထယ်ယောင်းက အကုန်ပြောပြဖူးထားသည်မို့ ဂျီအွန်းလည်း ပတ်ထရစ်နဲ့ပတ်သတ်ပြီး သိသင့်သလောက်တော့ သိထားပါသည်။ ယခုအခြေအနေသည် ရှောင်လွှဲရန်အတွက် မည်သို့မျှ မဖြစ်နိုင်ပေမယ့် ရင်ဆိုင်ဖို့ကလည်း အဆင်မပြေ..။
အစ်မဖြစ်သူ၏ပျက်ယွင်းသွားသောမျက်နှာ၊ ထယ်ယောင်း၏ ထိတ်လန့်နေသည့်မျက်နှာနှင့် ပတ်ထရစ်၏ ညစ်ကျယ်ကျယ်အပြုံး..။ ထိုအရာသုံးခုက ဂျီမင်းအား စိတ်ရှုပ်စေသည်။ ထိုအခြေအနေကို နားမလည်နိုင်ခင်မှာပင် ဂျီမင်းသည် ပတ်ထရစ်အား စိတ်ကွက်စပြုလာပြီပင်ဖြစ်သည်။ ထိုအချိန်မှာပင် ပတ်ထရစ်က ဂျီအွန်းအား ဦးတည်ပြီး..
" မတွေ့ရတာ
ဘယ်လောက်တောင် ကြာပြီလဲနော်.."
ပတ်ထရစ်သည် မိမိအား ဦးတည်ရင်း
ပြောလိုက်သည်မို့ ဂျီအွန်းသည် လက်ဖျားခြေဖျားများပင် အေးလာရသည်။ ချက်ချင်းသည် အကူအညီတောင်းခံသည့်ပုံစံဖြင့် ထယ်ယောင်းကို လှည့်ကြည့်လိုက်တော့ ထယ်ယောင်းကလည်း ထိုနည်းတူစွာ။
"ပတ်ထရစ်က မမနဲ့လည်း သိတာလား.. "
မြင်နေရသောအခင်းဖြစ်ရပ်ကြားတွင် နားမလည်နိုင်ဖြစ်လွန်းရသည်မို့ ဂျီမင်းက မေးလိုက်တော့ ပတ်ထရစ်က ဂျီမင်းဘက်ကို လှည့်လိုက်ပြီး..
" အို.. ဂျီမင်း အစ်မလား...
အဲ့တာကြောင့် ရုပ်ဆင်ပါတယ်ထင်နေတာ..
ထယ်ယောင်းက
ရွေးလည်းရွေးတက်တယ်နော်..
ကိုယ်တို့က သိပ်သိတာပေါ့...
ထယ်ယောင်းဆီမှာ ကိုယ်လည်း
ဟော့ဒီက အန်နစ်.."
" ပတ်ထရစ်... လာ.. ငါတို့တစ်နေရာမှာ
စကားပြောဖို့လိုပြီထင်တယ်.."
ပတ်ထရစ်လက်ကို အတင်းဆွဲကာ ဆိုင်ပြင်ခေါ်ထုတ်သွားသောကြောင့် ထိုနှစ်ယောက်အား မျက်မှောင်ကြုံရင်း မျက်စိတဆုံးလိုက်ကြည့်နေမိသည်။ စိတ်ထဲတွင် အလိုမကျမှုတို့ကလည်း အပြည့်။
YOU ARE READING
Love Bites ||kth:pjm|| (Hiatus)
Fanfictionmy own creation hope you guy will enjoy it ♡ fic cover by - dalumii
