احلام فتاة شرقية

اقتباس

استنونى يوم الخميس مع اول فصل منها باذن الله

يعنى هنضحك عليهم ونبيعلهم حلم

خرجت تلك الجملة الساخرة من فمها ليرفع رأسه بصدمة ليفاجئ بتلك الابتسامة الساخرة التى ترتسم على محياها ليقول بصدمة
انتى بتقولى ايه يا توليب

لتجيبه ب استهزاء
بقول الحقيقة احنا بنعمل مصلحة متبادلة احنا بنكذب عليهم ونبيع ليهم حلم مش موجود وهما بيتفرجو عليه ويصدقوه هما عايزين يهربوا من الواقع واحنا بنسهل لهم الموضوع بنرسملهم حلم جميل علشان يحلمو بيه نقولهم ان فيه حب وعشق بس فى الحقيقة مفيش نزينلهم واقع مش موجود

زور ما بين حاجبيه بتعجب يعلم انها مرت بتجربة قد تكون صعبة ولكن ان تفكر ب تلك الطريقة لا لم يتوقع يبدو أن الطريق اليها سيكون صعب بل شائك ولكنه لم يظهر ما يموج داخله ليقول
بس فى الحقيقة فيه حب يا توليب ولولا الحب ما كنش اهالينا يقدرو يكملو

لاتزال الابتسامة الساخرة عالقة على شفتيها بل قد ازدادت اتساعا مع لمحة حزن تموج فى مقلتيها وهى تنفى برأسها قائلة
إللى مخلى اهالينا عايشين مع بعض العشرة مش اكتر، خوفهم من كلام الناس أو لان الناس عايشين كدة او علشان المودة والتفاهم بس الحقيقة مفيش حب

صمتت وكأنها قطعت كلام كانت تود اكماله ولكنها أكملت هاتفة
اصلا الرجالة ماتعرفش تحب لان من الاساس معندهمش قلب

ارتدت رأسه للخلف وكأنه تلقى حجر وأصحابها لذا تراجع للخلف على إثرها خطوتين ان كان ماقد تلقاه فى البداية قد يقال عنه صدمة ف تلك الجملة ماهى الا صاعقة مدمرة
تحدث بصوت متحشرج بالكاد يخرج هاتفا
انتى بتقولى ايه

ابتسمت بألم هاتفة
دى الحقيقة يا استاذ انس الحب ماهو الا كلمة فى القاموس وهم بيجرى وراه البنات اما بالنسبة للرجالة الحب ماهو الا تفاهة من نسج البنات احلام مراهقة مش عاوزة تطلع منها الحب مش موجود فى قاموس حياتهم اصلا الرجالة من الاساس ماتعرفش تحب كويس ان لقيت واحد يود ويعاشر ويرحم مايحاولش يكسر ضلعها علشان تفضل محتجاله وتحت طوعه

قالت كلماتها وتركته ذاهبة اما هو ف نظر فى إثرها هاتفا داخل نفسه
انا عارف انك فقدت الثقة فى الحب والاهتمام بس هو موجود واقسملك انى حبيتك مش بس حبيتك لا عشقتك
اقسم لك بعدد قطرات المطر انى بحبك
اقسم لك بعدد حبات الرمل انى بحبك
وحبك وصل معايا لمرحلة انى مش قادر اتنفس بدونك وقدامك دلوقتى ب قسم قسم شرف ووعد ليكى من واحد عمره ما اخلف وعده لانى هرجعلك ثقتك فى الحياة وفى الحب وبان فيه حد يقدر يعشق وبان فيه أنواع لسة ماشوفتيهاش فى الحياة 
اوعدك انى هرجعلك احلام المراهقة إللى بتقولى عليه إللى هى فى الحقيقة مش احلام مراهقة هى مجرد احلام ل بنت شرقية احلام عادية مش خارقة للطبيعة احلام حلمتها ووعد عليا انى احققها واحدة واحدة
ووعد الحر دين عليه
وانس القاضى عمره ما اخلف بوعد وعده

توليب و انس
#احلام_فتاة_شرقية