#طفلة_بأتزان_العاقلين
الحلقه :السادســةه
بقلم :فاطمه سالم الورفلي
......................................
...............
وقعدنا نمشو نمشو نمشو.. طررريييق طووووويله.. وكل شوي يدير في تليفون.. ويسبس.. ما بيتش نكلمه بكل.. ولا هو كلمني.. لين هو درس السياره.. و شبحلي.. ونفخ الدخان وقال..
بن يزيد :انزلي
-اني شبحت للمكان ولقيت فدوى وهيام وحياة.. تخيلوو.. قاعده مش مصددقه بجد... التفتت وشبحتله..
بن يزيد :هيا انزليي..
اني :شن لي قاعد يصير بزبط؟
بن يزيد تنهد ونزل.. واني قعدت بروحي..شوي سمعت تطقطيق على الروشن.. التفتت.. لقيت فدوى.. فتحت الباب..
فدوى :خيرها العروسه.. تبيش تنزل؟.
حياة :الباين هكي يا فوفا
بن يزيد يضحك وفاتح الكوفني وينزل في الشناطي:خلاص توا انتن مش وقتكن
هيام حاطه ايديها في جيوبها وتشبحلي في شبحات من فوق للوطا :شني زيزو.. هددت امها السحاره يعنيي
شبحتلها فدوى وتفنص فيها وعيطت:هياام .. وياة تخبط في روحها وتضحك
هيام ضحكت :زيزوو هيا احكي.. جيبها على بلاطه
بن يزيد شبحلي وبلع ريقه وقال :هيااام تحشممي
هيام برفعه حاجب :تي شن نتحشم ... كلنا عارفين لي هناك ههه.. ولا يا حيوو
-حياة تفنص وتخبط.. وتتحلف فيها
بن يزيد قرب مني.. وشدني مع كتفي :تعالي ميار
هيام :ايوه ايوه بعتنا من توا يا زيزوو
بن يزيد:صكري ام فمك هيام قاعد محترمك.. لان بنت عمي.. اقصري الشر
هيام تتكلم كيف الدجاجه المخنوقه زبطتو هداكا الصوت 😂😂..في محاوله دلع وتقبل وجه الزينقو المهزبه:الشر معاك يا زيزووو
بن يزيد عاقد حواجبه:حياة شدي اختك.."ومشي واني وراه .... يكر فيا معاه.. لين فتح الباب وخشينا للحوش قابلونا زوز نساوين..وحده كبيرة عزوز وتانيه في مقتبل عمر الخمسينات.."
ام بن يزيد :مني هيا هدي.. مني .. ريتي ريتي يا زمزم اهياا جابهولي.. ابصر بنت شكون.. طلع كلام بناتك حق
زمزم :غر صلي على النبي يا ورده.. بلكي شغاله..
بن يزيد تنهد :لا مرتي هدي يا عمتي زمزم
ام بن يزيد قعدت تعيط وتلالي :يا حليلي يا حشمتي يا حشمتي.. وحيدي تزوج.. بنت برانيه لا نعرفو لها اصل لا فصل.. يا شماتة الناس فيا.. ووه عليا ريتي يا زمزم ريتي بالله عليك ريتي.. بدل ما نفرح بيه.. وندير عرس بسبع ليالي.. ونوازيله بنيه بنت ناس وعز تناسبنا.. "و شبحتلي ".. مش زي هدي لي ابصر من وين جايبهالي.. اشبح لابدة ساتر عليها ولا ابصر شن مدايره.. بعد امها سحاره كملت عاد
