طفلة بأتزان العاقلين

التاسعه عشر

#طفلة_بأتزان_العاقلين
الحلقه :التاسعه عشر
بقلم :فاطمه سالم الورفلي
....................................
......
عند هيام :
مرت عليا اشهر صعبه.. و مستغربه كيييف بن يزيد عرف!.. احني ما درناش ولا غلطه.. ولا خليت اني بصمات.. ولا في حد غيري اني وخواتي ومهيب.. اذا اني ما قلتش لحد!.. ولا حتى خواتي!.. ولا حتى مهيب!. زعما من بيكون؟!.. امممم مهييب!.. زعما يكون مهيب معقوله!.. شكله هك.. "نضت من مكاني.. خديت تليفوني من على الطاوله وفتحته التليفون .. وفتحت على جهة الاتصال واني اعصابي خلاااص والعتلي.. وربي لو يكون مهيب مش ح نرحمممه مش ح نرحمممه نهاااائيي.. واتصلت بيه.. وقعد يرن ويرن.. ماردش!.. زادو اعصابي نحرقت.. والشك لعب بيا.. شوي خشت حياة..

حياة تبكي :هياام

هيام رفعت راسي شبحتلها :خيرك؟

حياة :لتوا مافيش اخبار على فدوى

هيام تنهدت :لا مافيش.. مافيييش حيااة خلاااص خلااص بالله عليك ما تزيديهاش عليا الله يربحك

حياة نهارت بالبكي :كله منك ومن افكارك السوده كلللة..

هيام خنقتني العبرة:خلاص حياة ريحيني .. وبعدين مش اني بس ماتنسيش حتى انتي وفدوى معاي.. وبعدين  ما تحطيش اللوم عليا

حياة عقدت حواجبها وتمسح في دموعها :كيف ما نحطش اللوم عليك هادي!.. تي كيف يا فالحه كان نسيتي نفكرك بأن خالتي بسببك قاعده بين الحياة والموت قاعده في غيبوبه ناضت منها ولما قالنالها على بن يزيد مرته توفت خشت في غيبوبه.. وامي على شوي قريب جتها الجلطه لما عرفت بي فدوى نخطفت وقاعده في العياده.. مالا كان تعرف بي العملة لي درناها شن بيصير يا حسرة بس شن بيصير؟

هيام بعصبيه :ترا ما تقلبيش الطاوله عليا ترا.. ريحيني.. وبعدين اصلا لو انتن خوات بالصح ره نصحتني مش طاوعتني وتوا جايه انتي حاطه اللوم عليا

حياة تريش في شعرها  ومنهاره:هيييامم ما تخششينيش في عقل مش عقلي.. ياما نصحتك وقتلك يا هيام انسيه وياما فدوى قالتلك فوتيه بس انتي مصكره راسك عليه

هيام تلاطع بيديها :والله!.. كملي شن صار بعدين ترا!.. شن صار؟!.. لي صار بعدين طاوعتني ههه طاوعتني يا خوات العازة  ... وتوا جايتيني تلومي فيا!.. يا واالله حاله

حياة تنهدت :والله عندك حق قالو يا فرعون شن فرعنك؟!.. قال مالقيت من يردني " وطلعت حياة صكرت باب الدار عليها "

.....
..........
-وخلتني اني في حيرة حياة.. خلتني في دوامه.. قعد عقلي ياخد ويجيب وخايفه.. خايفه بن يزيد زي ما عرف وشاف ميار حية.. يعرف ان اني السبب في كل شي .. ولا زعما غير صدفه جمعاته بيها؟.. حطيت ايدي  على راسي.. وحاسه راسي بينفجر من التفكير.. وقعدت نرن ونعاود على مهيب على امل يرد.. وقعد يرن ويرن.. لييين في الاخر رد