طفلة بأتزان العاقلين

اثنى وعشرون والاخيرة

#طفلة_بأتزان_العاقلين
الحلقه :اثنى وعشرون والاخيرة
بقلم :فاطمه سالم الورفلي
.................................................
........
حلقه حاسمه والجزء الثاني ربما ح يطول شوي بس ح يكون بعنوان مختلف ولي هو #ولدتني_مجرمة .. ح يكون البطل عطيوه والبطلة حزوره👀❤.. ويلا نبلش 🤤❤
......
عندي اني :
بن يزيد :هيا نوضي

فدوى ناضت وقربت مني :حسبي الله فيك يا بن يزيد

بن يزيد:انتم بديتو بالنار تحملو ما يجيكمم

فدوى :انت لي سيبت هيام انتت وما تنساش انه بوي سيبنا.. كيف تبي هيام تسكتلك..

-اني فتحت عيوني.. ولقيت بن يزيد مهناش.. لميت شعري.. وحولت شعري من على وداني.. شوي سمعت صوت بن يزيد وفدوى!.. اوووف صبح وهم شي ما يسكتو.. خلي نوض نشوفهم.. نضت حولت البطانيه.. وغطيت عطيوه.. وطلعت من الدار .. نسمع في اصواتهم عاليه.. قربت من داره فدوى.. وحطيت ايدي على المانويلا.. جاني احساس انتابني..ان ما نفتحش البـاب...شوي نسمع فيهم قالو...

.....
..
بن يزيد قرب منها وصكر فمها :اسكتي

فدوى وخرت وحولت ايده وتبكي : ما نيش ساكته على العار لي درته مانيييش خصوصا بعد قهرتها.. وعرفت ان ميار اختنا.. ومشيت تزوجتها

......
..
-اني.. جمدت في مكاني.. شن لي قاعده نسمع فيه!.. هيااااام اختييي؟ .... حطيت ايدي على راسي.. ومش قادره نستوعب لي سمعته.. وقعدت نتفكر ان..

-فلاش باك
.. كنت يومها ناجحه.. ونبي نوريي صحيفتي لي امي وبوي.. روحت من المدرسه.. ولقيت الباب الحوش مردود.. واصوات ماما وبابا عاليه..

امي :شن ضمنلي انك مش ح تتزوج عليا زي ما تزوجت على ورده؟

بوي:ساالمه ما طلعينيش من طوري.. قتلك مش ح نتزوج خلاص قتلك

امي :شن يضمنلي هاا قول لي شنو

بوي :استغفررر الله مخليلك الحوش اقعدي فيه

-وطلع بابا....اني شاده صحيفتي ونبكي ...وطلع بدون ما يشوفلي حتى.. ومن اليوم هداك معادش رجع .. ونصبنا الخيمه ودرنا العزي

-انتهى فلاش باك

.......
-قعدت نبكي.. و مصدومه.. وحاسه قلبي وكأنه فيه نار تلهلب.. وزادت لهلبت بعد سمعت..

فدوى :وح تسحرك بنت السحاره.. زي ما امها سحرت بوي وخلاته يتزوجها

بن يزيد:تعرفي كان ما تقصري حسك نخلخلك في الحبوس مع خواتك فااهمه ولاا

فدوى :اي اي خايف ميار تسمع ولا خايفها نسمع بدنائتك وتسيبك؟.. خايف تسمع ان قهرت اختي بيها وكانت مجرد وسيله ولا ولا؟ .. هههه طول عمرك هكي حقييير نذذل

بن يزيد طارتله ومعاش قعد يشوف قدامه.. وصرفقها كف

.....
-قعدت نبكي.. وحاطه ايدي على فمي خايفه يسمعني بن يزيد.. صح صح كان قاسي معاي.. و مستحيل ننسى كيف كان يهدد في امي