طفلة بأتزان العاقلين

تانيه

#طفلة_بأتزان_العاقلين
الحلقه :التانيه 
بقلم :فاطمه سالم الورفلي
.....................................
..........
اني فرحت بجد .. حاسه بجسمي كله مدقدق.. وهن قعدت يتحلفن فيا..

مريندا :تو نوروك.. غر نطلعو من الاداره

-واني نرعش مع بعضي.. شوي خشينا للاداره.. وياريتنا ما خشينا.. لقيت نفس ولد ... لي كسرتله روشن سيارته.. اي اي نفسه.. جمدت في مكاني.. نشوفله الراجل... شاد قلم.. ويوقع في الورقه..

الابله :استاد بن يزيد

بن يزيد رفع راسه وشبحـلها:ها ايوه نعم يا ابله..

-اني طول.. طبست راسي.. ودرت روحي نواسي في وشاحي ..

الابله :راهن هذين مدايرات عركه من صبح ربي

بن يزيد وجه نظره لينا :اياااه.. وخيركن! ... خيرك يا حياة وريم!

حياة العملاقه :يا استاد.. ماهو اا

بن يزيد رفع ايده فوق بمعنى اسكتي :لا ماهو لا شي اسكتي.. اكتر من بنت تشكي منك طول هالسنتين..وانتي توا شهاده ومزلتي مش مبطلة مشاكل.. جييبي رقم بوك خليه يجي يديرلنا حل معاك... وانتي يا ريم شني!

ريم :هي بدت الاولى؟

بن يزيد قعد يدور بعيونه:وينها هي!.. يا ودي ما ظني هي لي بدت!.. لي لتوا ما سمعناش حسها ههههه

الابله :حولن يا حياة وريم.. وانتي يا بنيه قدمي وكلمي الاستاد..

-اني قعدت نطربق في صوابعي وخايفه .. وقدمت خطوتين.. وحاسه عيونه بيخترقني

بن يزيد :شن اسمك؟

اني رفعت راسي :ميار عبد الحميد

بن يزيد ضحك ورفع حواجبه:اياااه هدي انتي صار!..لا انتي لازم تجيبي بوك يا سمحه كان مش العيله كلها عاد ههههه

الابله ضحكت :شن في يا استاد

بن يزيد حط ايده على لحيته.. وايده تانيه يحرك فيها بمعنى "هدي البنت شوق ما دارت 😂" وقال :هاتي رقم بوك ولا خوك ولا عمك.."التفت يمينه ".. حياة ريم

حياة &ريم :نعم استاد

بن يزيد:انتن جبتنلي مجرمه.. اعتبرن روحكن سنه هدي ناجحات

حياة ضحكت فرحانه وشبحتلي بشماته:لييش شن في استاد؟

بن يزيد:قولي شن ما فيش.. غر امشن امشن افطرن فطوركن

-ومشن يجارن عن الاثنين ويضاحكن بلعاني...

بن يزيد:ايي هاتي رقم بوك

اني :بوي ما عنداش رقم

بن يزيد:شن ما عنداش هدي..! ما عنداش ولا مش قادره تقوليله كسرتي روشن سياره المدير؟

الابله شهقت: حييي ان شاء الله هي لي كسراته

بن يزيد ضحك ويتحلف فيا بيده:يااعيني.. سنه هدي وراك وراك بالمرصاد اني