#طفلة_بأتزان_العاقلين
الحلقه :السابعه عشر
بقلم :فاطمه سالم الورفلي
.....................................
.........
ملاحظه :قبل كل شي خلي نشرحلكم.. في لي ما حبش استرجاع احداث السابقه.. طريقه الاسترجاع ديما ندير فيها في حالة البطل هو تفكر شي.. وبالطريقة هدي نحب نعيشكم تفاصيل الاحداث الدقيقه.. باش تفهمو حتى انتو كل شي.. وتوا خلي نبدو حلقتنا ونقولو بسم الله 🍃❤...
...................................................
عندي اني :
مهيب واقف ويشبح فيا:تعالي
لوزيتا قربت منه خايفه :نعم
مهيب :غطي عيونها وهيا معاي
لوزيتا :حاضر استاد
-خدت لوزيتا كتانه من الدولاب.. وقربت مني وحطتها على عيوني.. وربطتها على الخفيف يعني ساهل اني نحولها
مهيب :ربطتيها كويس ولا
لوزيتا :اي استاد
-مهيب تنحنح وقرب مني .. وشحط الكتانه على عيوني لين وجعتني
مهيب :شغلك بلهون يا لوزيتا انتبهي احسنلك
لوزيتا خافت :حاضر استاد
مهيب :هيا الحقيني بيها
-وطلع مهيب.. ومعاه اني ولوزيتا.. ورختلي الكتانه عن عيوني.. قداش حبيتها البنت هادي مستحيل ننسى معروفها معاي.. وسمعت فتحة الباب.. وريح جت عليا.. الله ياااقداااش ليا على نسمه الريح.. تنفست بعمق.. شوي حسيت بأنظار عليا.. وقلبي رف.. حسيت في شي.. مش عارفه.. بجد
....
........
عند بن يزيد :
داير الليل صفر :اوووف دوه واجده.. شوف بعينك بس
-بن يزيد.. التفتت وشفت شي صدمني.. صدمه عمري.. شفت شي خلاني نفتح الباب.. وجيت بننزل.. لولا داير الليل ره نزلت
داير الليل شادني:مهبول طول عمرك اهبل .. هك بضيع حقك يا خايب .. افرض يكلم هيام وياخدو ولدك؟.. اهفت.. المهم توا.. اسمع
بن يزيد شبحتله .. ونتنفس بقوه :شن في اكتر من هكي!
داير الليل:ههه اسمع من تليفون توا مش مني.. "وفتح تليفونه.. وسمعلي التسجيلات.. يا سمعلي تسجيلات خلني قريب نكفر استغفر الله.. شن لي صار بزبط.. تي شن هدا.. قعدت نهز في رجلي.. وخايف ننزل ندير شي نبتلي بيه طول عمري.. بس داير الليل دبر عليا "
داير الليل خله مهيب يتبعد شوي و حرك السياره وقعد يسوق..ويدخن:هدي هدي
بن يزيد:جيب الدخان جيب..
داير الليل عطاني دخان و ولاعه :اسمع توا
بن يزيد ولعت طرف دخان.. وشفطت منه لين راسي اصندل :همم ادوي!
داير الليل:توا بتسجيلات هديم يجيبو اخرتهم.. بس خود مرتك و ولدك واسقد اسقدد.. برا لي اسطنبول.. مابين رتبتلك اوراقك وطلعتلك جواز سفر وبعدين اطلع حتى من تركيا
