#طفلة_بأتزان_العاقلين
الحلقه :التاسعه
بقلم :فاطمه سالم الورفلي
.....................................
......
اني استعبطت باش نعرف القصه من البدايه لان شاكه في شي..فا قلت :اها اوك.. ايي ما حكيتوليش؟.. احكولي على بن يزيد!... شخصيته.. حياته.. بما انكن ههه صحباتي وقريبات من بن يزيد هلبا
-حياة وفدوى شبحن لبعض وضحكن.. وينخصن في بعـض
فدوى برفعه حاجب:والله شن بنقولك الحق.. اختي..كانت تبيه ويبيـها
اني هزيت راسي :اها! .. تو ربي يبعتلها نصيبها معلش..
فدوى شبحتلي بهزوه:ايي.. هههه وجيتي انتي اهو يعنيي خربتي عليهم عصافير الحب
اني عصبت :لو كان يبيها ره تزوجها!
فدوى شبحت لي حياة.. وشبحتلي برفعه حاجب :ايييي للاسف يعني تزوجتي واحد عيل
اني هزيت كتوفي: عاجبني.. "ونضت خشيت لي داري.. نسمع فيهن قالن..
فدوى :هادي مزال لين تحمل وتجيب؟
حياة :باش نقتلها هي ولي في بطنها
فدوى :اصلا هيام ناويه على شي
"خفت منهن بكل..وقعدت حابسه روحي في الدار..من حمام للدار..وكان جعت ندير نصاف ولا طبيخه عاديه..ولا مكرونه بصالصه..حاجات عاديه..وفاتو خمسه اشهر.. عاديات جدا.. ما نطلعش من داري.. وبن يزيد قعد دنيتي كلها.. مدللني.. وحنون فـيا....وطبعا حاسه بي ان اني حامل هدا ليش ناكل في الخـفيف..ولي يطيبوها ما ناكلش فيها..ناكل في الفواكه والجاف خالي من بهارات المنشطات لما يرقدو نتفادى فيهـم.. ونلبس في الفضفاض الواسع..عن يعرفو بحمـلي..خايفه بجد..وما قلتش لي حد اكيد طبعا الا بن يزيد..وحلفته ما يقولش لي حد..خايفه من فدوى وهيام وحياة...وفاتت الايام واصبحت اشهر روتينيه بنسبه ليا..اما هن كل ليلة نسمع فيهن يخططن..واني نحاول بقدر الإمكان نبعد عنهن باش ما يقدرنش يديرنلي شي..بس ان احني في تركيا جي في صالحي هدا الشي..لان ما يعرفن شي في تركيا..بس في يوم من الايام في ليلة من الليالي قعدت بطني توجع فيا لين خلااص "
اني :بن يزيد نوووض.. نوووض بسسسرعه
بن يزيد :همم شنوو
اني نضرب فيه على كتفه :نوووض.. فيسع نوووض
بن يزيد فتح عيونه.. ومد ايده خدي تليفونه من على كمدينو وفتحه :عارفه الساعه كم يافالحه توا؟.. راهي الساعه اربعه الفجر ارقدديي!
اني نتوجع :بن يزيييييد نووض قتلك نوض.. حس بيا
بن يزيد ناض عاقد حواجبه:خيرك شن في؟.. شن تبي!
اني :نوووض بطني بنمووت منها نووض
بن يزيد ناض راعش حتى من عيونه منفخه:باهي باهي البسي بسرعه
