#طفلة_بأتزان_العاقلين
الحلقه :احدى عشر
بقلم :فاطمه سالم الورفلي
.......................................
...........
-وبي هكي.. خشينا لي الجـزئيه الثانـيهة..او المرحلة الثانـيةه.. لي ح تكون عميقه.. و عميقـه جدا.. وكلعـادة.. ح نكتب بأنغام فيروزيـةه هادئـةه ناعمـةه.. مع مرارة القهوه في تذوقها وحلوها في عمقها ورائحتها 🍃.. مثل قصة ميار تماما.. بمرارة قصتها.. وحلوها في حكمتها ورحلتها ونهايتـها لـربمـا🍃🖤..تعالو نكملو مع بعض الحكـايه.. ونشوفو شن صاير🌸
..
........
هيام :تو لازم نقرو.. باش نتعلمو لغه تركيه.. ونعرفو سكن بن يزيد الجديد وين !
فدوى :به كيف بنديرو باش نعرفو هدا ولد منو.. ونقطعو الشك باليقين!
هيام :باش نعرفو.. لازم نديرو خطة.. ولي هي مع الوقت ح نقوللكم عليها..
....
...........
-اني خفت.. وقعدت نشوف لي ولدي.. لي راقد بهدوء.. بي هدوء روحه وسلامها.. وبرائتها.. وهم يخططو يقتلوه.. باش يقهروني.. ويقهرو بن يزيد.. رفعت راسي.. وشبحت لي بن يزيد "اللوم على الكل.. على بن يزيد بدرجه الاولى.. وهيام بـدرجة الثانيه.. لان لولا بن يزيد ما عشمهاش.. ره ما صارش هدا كله ابدا.. واني لازم يصبح الصبح.. طول نطلع من هنا.. بسس قال بن يزيد ح نسكن فوقهم!.. اوك عادي مش مشكله.. المهم بعيده عنهم.. وعلى الاقل نقدر نتحكم في الحوش براحتي.. بس معاش قدرت نرقد..خايفه .. كل ما ينعسني النوم.. نوض كيف المخلوعة.. نشوف لي ولدي.. نلقاه راقد.. ونتلفت نلقى الباب مصكر بالمفتاح.. نتنهد براحه.. شوي نضت حطيت ولدي على الفراش.. اني لازم نطلع غدوا نشري له حاجات .. بس كيف! .. بن يزيد صرف هلبا في العياده.. وشراله حاجات هو.. وفوقها بياخد دار تانيه!.. مصاريف هلبا.. خلي يوم تاني نشريله.. وقعدت كل شوي نشوف لي عطيوه.. ونفكر.. مره نقول لما بيتزوج ح نزوجه لي يحبها.. ومره نقول.. ح ندلل مرته.. بس بعدين نقول ح ندللة هو اكتر 😂.. وكل شوي نقول في حاجه.. لين صبح الصبح.. وناض بن يزيد يتكسـل..
بن يزيد يتاوب:اخخ قداش الساعه!
اني غمضت عيوني بقوه وفتحتهن.. رفعت راسي شفت الساعه.. :الساعه 6:40
بن يزيد مسح على وجهه بيده :اخخ افف رقدت واجد.. هي نوضي وتي روحك.. خلي ناخدو دار على قدنا ..ومعاها حمام حشاك.. لين يفتحها المولى
اني تنهدت:اسمع راهو امس هيام وخواتها.. طول الليل وهن يحوسن ويخططن.. وشاكات ان عطيوه ولدي.. ولي قلته انت كدب.. ويبن يعرفن.. واني ما نبيهنش يعرفن وين نسكن.. على اقل ما تقوللهنش على رقم الدار..
بن يزيد زفر :صبح باهي.. نوضي هيا وتي روحك
اني :به ما تنوضش العيل.. خلي نطلعو واحني ساكتين.. ما نبيهمش يحسو بينا
بن يزيد:تي به غر سقدي روحك.. وتو نفطرو برا
-اني سكتت.. عرفته والعتله.. نضت واني ساكته.. وخشيت للحمام حشاكم..وطلعت.. .. طلعت حوايجي .. وكل ما ناخد شنطه.. او كيس.. نتفكر ماما.. لين تنزل دمعتي.. ونمسحها بدون ما يحس بن يزيد
