#طفلة_بأتزان_العاقلين
الحلقه :الخامسه عشر
بقلم :فاطمه سالم الورفلي
.....................................
.........
عند هيام وخواتها:
هيام تمضغ في المستكه:همم داير الليل!.. اسم حلوو
فدوى شهقت:حييي شوفي شوفي شن قالي شوفي
هيام قلبت عيونها :هممم شنوو
فدوى :قالي نتلاقو
هيام حطت رجل على رجل.. وحطت ايدها على خدها :وبه تلاقو وين المشكله يعني
فدوى حطت ايدها على راسها وتفكر :قولتك هكي!
هيام ابتسمت :غبيه.. تلاقو حتى توا!.. اصلا فرصتك توا بما ان احني في العياده
فدوى فرحت :ايييي والله صح ماخطرتش عليا تصدقي!
هيام ضحكت وهزت راسها يمين ويسار :غباااء غباء عااارم
فدوى :غر اسكتي توا.. باهي شني شكلي حلو!
هيام دارتلها بيدها علامه لايك : beautiful ..
فدوى عقدت حواجبها :تيي شني تكلمي كويس!
هيام طربقت المستكه :هو يلقى زيك يعني!.. جميله جممااال مالوش مثال يا عنيا انتي
فدوى ضحكت:نجك لي.. خلاص مالا نقوله
هيام تنهدت وخدت تليفونها:اووك نظمي امورك حبي "وفتحت تليفونها.. اتصلت بي مهيب "
مهيب :نعم
هيام :شن نعم هادي!
مهيب:اخخ شنو يا هيام نعم!
هيام استغربت :خيرك تدوي هكي
مهيب :شي شي غر شن في!
هيام قلبت عيونها :اوووف منك.. شنو شن في هدي!.. قول لي شن صار معاك
مهيب :تي مش قلتي نراجو يومين!.. خير بصلتك محروقه
هيام برفعه حاجب :غريب ها البن يزيد.. كيف باهي وين مشي.. و بسرعه هكي!..
مهيب :اوووف هيااام.. توا انتي شن تبي بزبط!.. مش تبي نراجو يومين
هيام بعصبيه :اووف نهدرز معاك اني خيرك معاي؟
مهيب :به باه اني مش فاضي توا تشاو
هيام جت بتكلم.. التليفون.. طوط طوط.. شبحت لشاشه لقاته صكر عليها :ريتي المعفن ريتي
فدوى تضحك ومش مركزه مع هيام.. وتشبح لتليفون
هيام ضربت برجلها على الوطا:فدوووى
فدوى لا رد..
هيام بعصبيه :فدددوى نكلم فيك اني
فدوى نخلعت: تييي هااا خيرك نفخ
هيام :الحق فيا مش فيك..
فدوى :اووف ها خيرك باهي!
هيام تهز في رجلهها:الزفت مهيب
