#طفلة_بأتزان_العاقلين
الحلقه :السادسة عشر
بقلم :فاطمه سالم الورفلي
......................................
........
عند هيام وخواتها :
حياة داهشه وتتنفس بقوه :مافيش حد ولا وااحد.. الدنيا تاكلك فيها الغوله
هيام خافت :تببصري! ... " وهووب يرن تليفونها "
حياة :تليفونك يرن
هيام :هدا مهيب اكيده.. "وشافت الشاشه لقاته رقم غريب استغربت.. وفتحت الخط "
هيام :ايوه من معاي!
:لو تبي اختك عايشه وافقي على شروطي
هيام خافت :من معاي!.. منو انت شن تبي
:لي نبيه ساهل.. وساهل بكل.. خلي بن يزيد ومرته و ولده في حالهم يا هيام خليهم في حااالهمم احسنلك او بلاصح احسن لي اختك
هيام ترعش مع بعضها :انت شنو تبي! .. منو انت بزبط
:عندك 24 ساعه ونظمي امورك فيهن تجيبي مرته في العياده"طوط طوط "
هيام :الو الو "شافت للتليفون لقت الخط فصل .. حطت ايديها على راسها "..
حياة شهقت :تي خيرك؟
هيام تندب وتولول:كله مني يا حياة كله كله مني بسببي بضيع اختي
حياة قربت منها :غر شن في تكلمي!
هيام :فدوى نخطفت نخطفت بسببي يا حياة
حياة عيطت :شنوو شن تقولي انتي!.. تبصري صح؟
هيام تبكي :حي عليا كيف ندير دبري عليا حياة دبري عليا
حياة مشت تجري :بنخبر امي فيك كل البلاوي من تحت راسك يا بلوة
هيام لحقتها وشدتها :تي تعالي هنا.. تعالي ما تزيدينيش على ما بيا.. وما تنسيش انك معاي ايد بيد
-حياة خافت وسكتت
هيام تنهدت وسكتت شوي.. وقالت :اخخ بس هو قال سيبي بن يزيد ومرته جيبيها هنا
حياة نقزت :وفيش تراجي جيبيها هنا هيا
هيام ترعش :به باه.. هاك التليفون اتصلي بي مهيب.. مش قادره ندير شي.. وجيبيلي مايه حسني بندوخ بندوووخ
-حياة :مشش وقتك هيام مش وقتك بكل..."فكت منها التليفون وفتحاته .. وحطت على رقم مهيب وقعدت تبرم وخايفه..وضرب مره اولى التانيه .. مره التالته فتح الخط .. واول ما فتح الخط نفجرت فيه "
حياة :اسمعني مهيب.. اسممعنيي .. توا توا تمشي تاخد ميار وتجيبها للعياده فااهم ولا "وصكرت الخط "
.......
.................
عند بن يزيد :
مهيب :تي بن يزيد مضحكه ههه.. مرته عايشه.. وهو ما عارف شي
: كيف شن تقول انت!.. وخيرك ما تبلغه!
مهيب ضحك : كلا انت احرف منه هههه...تي ماهو..."رن تليفونه ".. استنى استنى شوي
