#طفلة_بأتزان_العاقلين
الحلقه :الثامنه عشر
بقلم:فاطمه سالم الورفلي
......................................
........
عند هيام :
لحظه لحظه... رجاء ما حدش يلوم عليا.. نار الغيرة والكسرة خلتني ندير هكي.. ومازلت بندير.. انتم مش حاسين بيا.. اي عندكم حق.. بس تعرفو رحيل بن يزيد عني.. واهتمامه لغيري.. وزواجه من غيري.. دمرني كسرني.. كبرني قببل عمررري.. كبرت لدرجة أنه ما عاد دورت ع صديقات
و لا ع ناس يحبوني و نحبهم !
كبرت لدرجة إني بديت نخاف ع أهلي بدل ما نخاف منهم
كبرت لدرجة أنه ما عاد ناقشت لما عرفت إني اصح ، خليت الايام تثبت صحة وجهة نظري
كبرت لدرجة أنه ابتسامة صارت تفرحني رسمتها ع وجه غيري ، و لدرجة أنه الماديات ما عادت هلبا مهمة
كبرت لدرجة ما عاد أثر فيا الكلام الحلو نبي فعل وبس ..
كبرت لدرجة إني لما نشوف حد لبسه مش حلو بالطريق ما عاد تمسخرت بديت نقول ( الله يعين العالم )
كبرت و عرفت أنه المظاهر خداعة يا لطيف قداش خداعة 💔..
-ومش بس هك.. زواجه من غيري.. طفاني.. طفى فيا روح الشغف.. روح الحياة.. الامل خلا بداله اليأس.. دمرني وياريت بس هك.. عشمني بكلامه ومشي.. كيف تبوني نسامحه!.. ادا هو تاني رجل بعد بوي حبيته.. حبيته حتى اكتر من امي وبوي.. حبيته اكتر من روحي.. كنت ليه كل شي.. كنت نسمعله.. ونداري همه.. وننسى همي.. كنت وكنت وكنت.. كنت نهتم بيه اكتر من امه.. كنت نعطي فيه كل شي.. نهتم بيه بحواسي كلها.. واهتمامي وتفكيري كله بيه.. وكل ذرة حب فيا كنيتها ليه..كنت مستعده حتى لو قال لي موتي نموت واني فرحانه لمجرد كلمني وسمعت صوته ... كنت مش قادره نشوف لغيره حتى لو هو موجود.. تجي صورته بين عيوني.. كنت مكتفيه بيه ومعاه.. وكل فيه بعيوبه قبل مميزاته.. اني اذا بنت بس لقيتها تشوفله نكرها ونكرهها في لحظه لي شافاته فيها.. كنت اي كنت وقاعده انانيه في حبي بيه وليه.. كنت نحب بي كل تفاصيله ونبيهن ملكي.. ملكي اني وبسس.. ملكي ومملكتي..وملاكي.. ومن اهم ممتلكاتي.. ومش ح نخليه لغيري ابدااا ابدااا ابداا.. "" الا لو سمي نوصله منه وفيه وكل من ليه وعليه وبيه ..وهدا وعد مني ليه..وعهد على نفسسسي""
.....
...........
عندي اني :
بن يزيد هز راسه :حاضر حاضر بس لين نبرد قلبي ونفش غليلي اصبري عليا بسس
اني استغربت :ليش شن بدير!
بن يزيد حط ايده على راسي وقال :اهدي اهدي.. لكل حادث حديث.. ارتاحي ارقدي توا.. الطريق طويله
اني تنهد وحطيت راسي على كتفه وشبحتله :ما ديرش شي يبعدني عليك
بن يزيد ابتسم :نحاول..
اني نواسي في عطيوه وشديت ايده ...وتنهدت وقلت:ما تحاولش.. اجـــــتـــهــد❤
بن يزيد تنهد :حاضر🍃
اني مديت صبعي الصغير ليه :اوعدني!
بن يزيد ضحك :شن الجو هدا بالله!..
اني عقدت حواجبي.. وشبحتله بأصرار :اوووعـــدنيـي!
بن يزيد بتهكم:بي شنو !..
