Filed Up Feelings (Charity Series #2)

• Nine •

Catalina Konan

°°°

Naging sunod-sunod ang pasok ng guests na aabalahin ko dahil kay Tiara. Nakapag-send na 'ko ng email sa mga iyon at sa ngayon, si Sir Dennis palang talaga ang makakausap ko para sa meeting na mangyayari sa 'min.

Kinakabahan ako kagaya ng mga una kong nararamdaman at... hindi ko rin maiwasang mag-alala ng malala lalo't wala akong makakasama.

Huling kita namin ni Gavin ay 'yung bumisita kami sa Shiloh. Hanggang ngayon, hindi pa rin siya nagpapakita.

May nasabi ba akong mali? Hindi ko siya maintindihan. Hindi niya ako pinapansin kahit sa messenger...

"Well, I think it’s all good," kumento ni Tiara sa ginawa kong outline, "Sang-ayon din ako sa party setting and maganda ‘yung purpose. You were great to consider a little entertainment, too!"

Ngumiti ako rito, "Salamat."

"Sabi ko naman sa ‘yo, e. Kaya mo ‘to! Maniwala ka magiging successful ‘to."

Habang nakatitig ako sa kan'ya, naiisip ko na gusto ko siyang yayain para samahan ako sa first ever guest meeting ko pero agad na may kumukontra sa isip ko. Ang alam ko ay marami siyang ginagawa, parang si Hailey. Isa pa, dapat palagi siyang nakatutok kay Zen dahil siya ang manager nito.

Saka ayoko namang mapilitan siyang sumama sa 'kin sa kabila ng pagka-busy niya.

Nawala ako sa iniisip nang may kumatok sa pintuan ng office at sumilip do'n ang isang lalaki na sa tingin ko'y body guard na kasama ni Tiara kanina pag-akyat niya rito.

"Ma’am Betina, nandiyan na po si Zen sa baba at hinihintay kayo," aniya.

Tumayo si Tiara sa upuan at nginitian ako, "I gotta go, Konan. Don’t worry, I don’t see any problems with your work."

Tumango naman ako sa kan'ya, "May pa-body guard ka pa ah..." biro ko.

Lumiit ang ngiti sa kan'yang labi at tinungkod ang dalawang kamay sa lamesa ko upang makalapit siya ng kaunti sa 'kin, "Habulin talaga ako ng kapahamakan. Recently, I just got a weird text from someone saying words I don’t understand. Kaya nagpadala ulit ng body guards sa ‘kin si Claudius," anito na siyang kinagulat ko ng bahagya.

Body guards galing kay Sir Claudius?

"T-Talaga? Who could have been?"

"Hindi ko alam. Pero may hinala kami na ‘yung lalaking muntik nang kumuha sa ‘kin dati sa apartment. But don’t worry, I’m sure he will not harm you. It’s me who he wants."

Teka, apartment? Doon sa tinutuluyan ko? May nagtangka sa kan'yang kumuha?

Pagtalikod ni Tiara sa akin ay siyang pagpasok naman ni Sir Claudius. Nagkatinginan sila ni Tiara, napatitig naman ako sa ekspresyon niyang may bahid ng pagka-gulat.

"Betina..."

Huminga ng malalim si Tiara, "I’m sorry for another trouble. Hindi ko akalain na babalik sa ‘kin ang body guards mo."

"No it’s fine," mabilis na sagot ni Sir Claudius, "I wanted to see you, glad I caught you. Are you okay?"

"Of course I am. With your body guards and Zen," nakangiti niyang sagot na dahan-dahan tinanguhan ni Sir Claudius.

Umiwas ako ng tingin at tinuon na lang 'yun sa monitor ko. Hindi ko talaga maiwasang isipin na baka may pagtingin si Sir Claudius sa kan'ya. Hindi sinasadya, bumalik ang paningin ko kay Sir Claudius na marahang nakatingin sa nagsasalitang si Tiara.