𝑨 𝑳𝒊𝒆 || 𝑲𝑻𝑯 & 𝑲𝑱𝑵

'ڕۆژە سەختەکان بەڕێوەن'

تەنھا لەبەر ئەوەی کە ھەمووی لەناو ناخم ھەڵئەگرم...
مانای ئەوە نییە کە ھیچ ئازار و قوڕساییەکی نەبێت بۆم...!

دەرگای بەرزکەرەوەکە خەریک بوو ھەمووی ئەکرایەوەو تێھیۆنگ لەگەڵ پیاوەکە ئەھاتنە دەرەوە تێیدا.
ئەو ھێشتا منی نەبینیبو و سەیری پیاوەکەی ئەکرد کە قسەی بۆ ئەکرد.

کەواتە ئۆتۆمبێلەکە ھی ئەوە کە جوھەن ڕووداوی پێکردووە!
ئەی خوایە..
نابێ! ئەوەندەش نا!
چی بکەم ! چی بکەم!؟
ئێستا ئەمبینێ..ئێستا ئەمبینێ و ئەزانێ کە من خوشکی ئەو چاککەرەوەم و درۆکەم ئاشکرا ئەبێ!
نابێ بەو شێوەیە ئاشکرا بم... نەخێر!  ئێستا نا!

جێنی: بـ-باوکە من پێویستە بچم بۆ توالێت.

ووتم و بێ ئەوەی یەک چرکەیتر بە فیڕۆ بدەم ڕووم سوڕاند و چومە توالێتەکەی بەرامبەرم و دەرگاکەم داخست.

خوایە چی بکەم...
توشی چ بەڵایەک بووم..
بۆ واتکرد جوھەن بۆۆ...!
چی ئەگەر ئێستا باوکم بانگم بکات و ناوم بێنێ!؟
خوایە یارمەتیم بدە..

بە نیگەرانیەوە وەستابووم و سەرم بە دەرگاکە کرد تاکو بتوانم گوێم لێیان بێت و بزانم چی ڕووئەدات.
گوێم لە دەنگی پیاوەکە بوو کە سەرزەنشتی تێھیۆنگی ئەکرد.

ھیچول: بەم بەیانیەوە ئەبێ بە کێشە و بەڵای تۆ خەریک بین!

تێھیۆنگ: ببورە باوکە بەڵام بیرمچوبوو کە نرخی ئۆتۆمبێلەکە لە من زیاترە لات!

ئۆ!
کەواتە ئەمە باوکیەتی لەگەڵی
کیم ھیچول
ئەو پیاوەی کە خاوەن یانەی 'ھیلس'ە
وە لە گەنجێک زیاتر پلەیبۆیترە!

ھیچول: جوان قسە بکە لەگەڵم! گەر ئۆتۆمبێلەکەت لای کەسی وا بێنرخ بەجێ نەھێشتبا ئەمە ڕوینەئەدا!

تێھیۆنگ: باشە بۆ ھەموو خەتاکە ئەخەیتە سەر من ھا؟ من تەنھا بردم لای چاککەرەوەیەک دامنا، لە کوێ بزانم کابرا ئۆتۆمبێلەکە ئەدزێ!؟