كفرصقر2
حلقات خاصة ( السادسةوالأخيرة )
................................🌹
بسم الله ونصلى ونسلم على رسول الله .
لم يجد فارس مفر سوى الإنصياع لرغبة ألماس فى الخروج من الغرفة ،فهو لا يستطيع أن يتواجد رغما عنها ولكن نفسه تأبى أن يفارقها ولكن ما باليد حيلة فليغادر إذا .
ابتسمت ألماس ابتسامة ممزوجة بالقهر عند خروجه قائلة.........روحلها يلا وأتهنى معاها بس لو قدرت ثم ضحكت على تخيل هيئتهم وهم يفركا بجسدهما جراء البودرة التى نثرتها على الفراش .
ولج فارس لغرفة مريم فوجدها تفرك فى جسدها بكلتا يديها بشدة حتى تحول جسدها إلى خطوط حمراء .
فارس بدهشة......مالك يا ست مريم ، عندك جرب ولا إيه ؟
مريم بألم من الحكة ...جرب ايه ، ده أنا أنضف وحدة فى الدنيا .
بس مش عرفة شكلى كده أخدت عين من مراتك بس عين قوية شوية .
فغضب فارس مردفا...مراتى أنا تبصلك أنتِ على إيه .
روحى روحى خدى دش ونزلى الكلخ اللى جسمك ده بدل منتى عمالة تتنططى زى القرود كده .
مريم بغيظ.......أنا قردة ، طيب هتنطط عليك .
فوجدها فارس فى لحظة قد تعلقت برقبته وباغتته بقبلة فى وجنتيه ثم ابتسمت وغادرت للمرحاض قبل أن يُعنفها .
شعر فارس بالنفور من قبلتها فأخذ يفرك وجه بيديه ثم تناقلت الحكة لجسده.
فارس بغضب .....يا بنت اللذينة ، شكلك عدتينى منك لله .
ثم لاحظ اثار مادة بيضاء على الفراش .
فأقترب فوجدها بودرة ففطن أن تكون هذا مقلب اخر من مقالب إخوته البنات وألماس ، فنظف سريعا الفراش ثم خرج ليأخذ لينظف نفسه هو الأخر .
ثم تسلل لغرفة ألماس فوجدها نائمة ،فتأملاها لبعض الوقت وود لو أدخلها بين أضلعه حتى لا تغيب عن عينيه ولو للحظة واحدة .
وكأن عينيه تقول ""
( اه لو تعرفى بحبك قد إيه ؟
اه لو تعرفى بعدك معذبنى قد إيه )
............
ظل فارس شاردا فى حب عمره ألماس حتى سمع همهمة من غرفة مريم .
فتحرك بخطوات خفيفة كى لا يشعر به أحد ، حتى أقترب من الباب فسمعها تتحدث مع والدتها التى جاءت لزيارتها للتطمئن على حالها .
سامية......قلبى يا بنتى ، والله عشت وشوفتك متهنية ومجوزة واحد الناس كلها بتحسدك عليه .
فنكست مريم رأسها بخزى هامسة ...بيحسدونى !
سامية متعجبة....ومالك كده زعلانة ؟
مش هو ده الراجل اللى كنتِ هتموتى وتجوزيه ، وعملتى الفيلم الهندى ده عشان كده .
أخرج فارس هاتفه سريعا ليسجل حديثهما فقد أوشكت برائته على الظهور .
مريم.......ايوه كنت هموت وأجوزه عشان أعيش حياة العز دى ، بس لما شوفت قد ايه هو بيحب مراته الحب ده كله غرت اوووى وتمنيت إنه يحبنى كده بس للأسف هو مش شايفنى خالص مهما حولت أغريه أو أتكلم بسهوكة عشان أقرب منه .
فعلا الراجل ده يعتبر اخر الرجال المحترمين ، مشفتش ولا هشوف زيه ، لدرجة أن قلبى بقه يوجعنى .
سامية....هو فعلا محترم وبيحب مراته اووى وأنا قولتلك مصدقتنيش .
مريم بإنكسار.....صدقت بس بعد فوات الاوان.
سامية .....ازاى يا بنتى ؟ اوعى تقولى إنك حبتيه ؟
مريم ودموعها بدئت تتدفق من عينيها...ومين ميحبش فارس ؟
راجل بجد ، حنين فوق الوصف ، قلبه أبيض ، محترم ، وفي ومخلص .
