SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Second Love 🦋 - Final

Unicode

6 months later ~~~

"တစ်ပတ်ပဲသွားမှာပါ အစ်ကိုရာ။ Taebin ​လေးအပြင်ကို​ရောက်မလာခင် ကျွန်​တော်ပြန်​ရောက်လာမှာဘဲကို။ "

Jungkook တစ်​ယောက်အလုပ်ကိစ္စ​ကြောင့် နယ်ဘက်ကိုခရီးသွားဖို့ အ​ရေးကြုံလာတာကို သူတား​နေတဲ့ကြားထဲက သွားတယ်ဆိုပြီး စိတ်​ကောက်​နေတဲ့ Taehyung ။Taebin ဆိုတဲ့သူတို့ရဲ့ဗိုက်ထဲက က​​လေး​လေးထွက်မလာခင် အမီပြန်လာပါ့မယ်လို့ ကတိ​ပေး​နေတာကိုလဲ လက်မခံ​ပေ။ အမှန်​တော့ စိတ်​ကောက်တာထက် စိတ်ပူ​နေတာဆို ပိုမှန်လိမ့်မည်။ 

"ဟိုတစ်​ခေါက် မ​တော်တဆဖြစ်ပြီးကတည်းက မင်းကား​မောင်းတာကို မကြိုက်ဘဲ​နေခဲ့တာ။ အခုလိုနယ်​ဝေးကြီးသွားမယ်ဆို​တော့ ငါကစိတ်ပူတာ​ပေါ့။ ပြီး​တော့တစ်ပတ်ကြီးများ​တောင်။ "

"ကျွန်​​တော်လဲ တစ်ပတ်ကြီးများ​တောင် အစ်ကိုနဲ့​ရော၊ ကျွန်​တော့်က​လေး​တွေနဲ့​ရော ခွဲချင်ပါ့မလား။ အစ်ကိုက ​မွေးဖို့အရမ်းရက်ကပ်​နေတာကို ကျွန်​တော်ကသွားချင်မယ်ထင်​နေလား။ မသွားလို့မဖြစ်လို့​လေ။ "

Jungkook ​ပြောတာကလဲဟုတ်သည်။ ဒီအ​တောအတွင်း အ​ဖေက​အကြာကြီးနေမ​ကောင်းဖြစ်သွားတာ​ကြောင့် ကုမ္ပဏီမှာ နည်းနည်းဂယက်ရိုက်သွားသလို Jungkook ကလဲအများကြီး ပင်ပန်းခဲ့ရသည်။ အခု​တော့ အ​ခြေအ​နေ​တွေက ငြိမ်သွားပြီဆို​ပေမယ့် အ​​ဖေ့​ရောဂါ​ဝေဒနာ​တွေက အရှင်းမ​ပျောက်​သေးတာမို့လို့ ရှင်းစရာကိစ္စ​တွေက တစ်ပုံတစ်ပင်ကျန်​သေးသည်​လေ။

မသွားမဖြစ်တဲ့ ကိစ္စဆို​ပေမယ့် Jungkook ကသွားရမှာစိတ်မ​ဖြောင့်သလို Taehyung ကလဲလုံးဝမသွား​စေချင်နဲ့ နှစ်​ယောက်သားအခက်တွေ့​နေကြသည်။

"ကျွန်​တော်အခုသွားတယ်ဆိုတာ ကျွန်​တော်တို့ရဲ့ မိသားစု​လေးအတွက် သွားတာဘဲ။မြန်မြန်ပြန်လာခဲ့မယ်။ စိတ်မပူနဲ့​နော်။ "

Taehyung ရဲ့နဖူး​လေးကို နမ်းရင်း Jungkook ​ပြောမိ​​သည်။ Taehyung က​တော့သက်ပြင်း​​သေးသေးလေးတစ်ချက်ချပြီး

"ငါနားလည်ပါတယ်။ အခုက က​လေး​မွေးခါနီးမို့လို့ မသွား​စေချင်​နေတာ။ အမြန်ဆုံး​ရောက်​တော့ ပြန်လာခဲ့ရမယ်​နော်။ "