SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Second Love 🦋 - 8

Unicode

"ငါးဟင်းကြီး မစားချင်ဘူး။ တခြားတစ်ခုခု လုပ်​ပေးပါ​နော်။"

"​​အစ်ကို​လေးပဲ နေ့လည်တုန်းက ငါးဟင်းစားချင်တယ်ဆိုလို့ ကျွန်မတို့ငါးဟင်းချက်ထားတာပါ။ ပြီး​တော့တခြားဟင်း​တွေလဲ ချက်ထားတယ်​​လေ။ အခုညစာစားဖို့ အကုန်ပြင်ပြီးကာမှ မစားချင်တော့ဘူးဆို​တော့ ဘာလုပ်​ပေးရမှာလဲဟင်။ အစ်ကို​လေးက ငါးဟင်းမစားချင်တာဆို ငါးဟင်းကိုဖယ်ထားလိုက်မယ်​​လေ။ "

"မသိဘူး။ အခုအချိန်မှာ​တော့ ငါးဟင်းမစားချင်ဘူး။ ဒါ​ပေမယ့် ဖယ်ထား​တော့ကျ Jungkook ကငါးဟင်းစားချင်တယ်ဆိုရင် ဘယ်လိုလုပ်မလဲ။" 

ခါတိုင်းဒီလိုမျိူး တစ်ခါမှမဖြစ်ဖူး​ပေမယ့် မသိမသာရစ်​နေတဲ့ အစ်ကို့​ကြောင့်အိမ်​ဖော်​ကောင်မ​လေး ကြည့်ရတာအခက်​တွေ့​နေတဲ့ပုံ။ Jungkook ဘာဝင်​ပြောလို့ ​ပြော​ပေးရမှန်းမသိ။

"ကျွန်​တော်က ဘာပဲဖြစ်ဖြစ် အဆင်​ပြေတယ်။ အစ်ကိုမစားချင်လို့ ငါးဟင်းကိုဖယ်ချင် ဖယ်လိုက်​လေ။" 

"မင်းအဲ့လို​ပြောလာ​တော့ကျ ငါးဟင်း​ကိုစားချင်လာပြန်​ရော။ "

"အဲ့ဒါဆိုလဲ စား​ပေါ့။"

"သိပြီ။ Yuji ​ရေ။ ကြက်​ဂျင်ဆင်းကန်ကို လာဖယ်​ပေးပါ။ ငါစားချင်စိတ်မရှိ​တော့ဘူး။ "

စကား​ကြောင့် အိမ်​ဖော်​ကောင်မ​လေးက စားပွဲနားကို တစ်​ခေါက်လာပြီး ဖယ်​ပေးရပြန်သည်။ ကြက်​ဂျင်ဆင်းပန်းကန်ကို ဖယ်ပြီးရုံရှိ​သေး

"​​​နေဦး Yuji"

"ဟုတ်။ အစ်ကို​လေး။ ကြက်​ဂျင်ဆင်းကိုပြန်ပြီး စားချင်လာလို့လားဟင်။ "

"မဟုတ်ပါဘူး။ ကြက်ဥ​ကြော်ခိုင်းမလို့ပါ။ မြန်မြန်​လေး​ကြော်​ပေး​နော်။ "

"ဟုတ်ကဲ့။"

ကြက်ဥ​ကြော်​ပေးပြီးပြန်​တော့ကျလဲ ​ကြော်​ပေးထားတဲ့ကြက်ဥ​ကြော်ကို ထိရုံ​လေးသာထိပြန်သည်။ ဘာဖြစ်လို့မှန်းမသိ ဂျီကျကာတစ်ခုခုထူးဆန်း​နေတဲ့အစ်ကို​ကြောင့်

"အစ်ကို​နေ​ကောင်းရဲ့လား။"

Taehyung ရဲ့နဖူး​လေးကိုစမ်းကာ ​Jungkook မေးမိသည်။