SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Second Love 🦋 - 13

Unicode

"ဒီအပြာ​လေးက ချစ်ဖို့​ကောင်းတယ်မလား။ ဒါ​ပေမယ့်ပန်း​ရောင်​လေးပါ ဝယ်ခဲ့လိုက်တယ်။ က​လေးဆို​တော့ ဘာဝတ်ဝတ်ချစ်ဖို့​ကောင်းမှာပါ​နော်။ "

က​လေးစီးဖိနပ်က​လေး​တွေကို ဝယ်လာကာသူ့ကိုပြ​နေတဲ့ Jungkook ​ကြောင့် Taehyung ပီတိဖြစ်ရသည်။ သူထင်ထားတဲ့အတိုင်းပင်။ အရင်က​တော့ Jungkook ကသူက​လေးယူမှာကို တားခဲ့​ပေမယ့် တကယ်က​လေးရလာတဲ့ အချိန်ကျ​တော့ သည်းသည်းလှုပ်ဖြစ်​နေသည်​လေ။

အခုလဲကြည့်ဦး။ မ​နေ့တုန်းကမှ သူ့မှာကိုယ်ဝန် ရှိမှန်းသိတယ်။ ဒီ​နေ့အလုပ်ကအပြန်မှာ က​လေးအသုံးအ​​ဆောင်​တွေ ဝယ်လာတာက တစ်ဆိုင်လုံးသယ်လာသလား ​အောက်​မေ့ရတယ်။ က​လေး​လေးက အခုအချိန်မှာ ultrasound ​တောင်ရိုက်လို့မရ​သေးတဲ့ အ​နေအထားဘဲရှိ​သေးတာ​တောင် အခုလိုဝယ်လာရင်​တော့ ​နောက်ဆိုရင်က​လေးနဲ့ပတ်သတ်တဲ့ ပစ္စည်းတွေက ထားစရာ​နေရာ​တောင် ရှိမှာမဟုတ်​လောက်​ပေ။

"ဒါ​လေး​တွေက တကယ်ချစ်ဖို့​ကောင်းတယ်။ က​လေးနဲ့ပတ်သတ်တဲ့အရာ​လေး​တွေက​တောင် ဒီ​လောက်ချစ်ဖို့​ကောင်း​နေ​တော့ က​လေး​လေးဆိုရင် ဘယ်လို​တောင်​နေမလဲမသိဘူး။ "

"ဟုတ်ပ။ ​တွေးကြည့်ရင်းနဲ့ တကယ်စိတ်လှုပ်ရှား​နေမိတယ်။ က​လေး​လေးရှိ​နေပြီဆိုတာကို သိကတည်းက ရင်ထဲတစ်မျိုးဖြစ်​နေတာ။ အခုထိမ​ပျောက်​သေးဘူး။ "

"ကျွန်​တော်​ရောဘဲ။ "

Jungkook ကကြည်နူးစွာ​ပြော​နေသလို Taehyung က Jungkook ဝယ်လာတဲ့ဖိနပ်က​လေးကို ကြည့်ရင်းမျက်နှာ​​လေးက လင်း​နေသည်။​ ဖိနပ်ဆိုတာက ​မွေးခါစ က​လေး​တွေအတွက် မလိုအပ်​သေးတာကို​တောင် Jungkook ကဝယ်လာတာမို့လို့ က​လေးကိုဘယ်​လောက်ချစ်လဲဆိုတာကို သူခန့်မှန်းလို့ရသည်။

သူ့ဘဝတစ်​လျှောက်လုံးကို စိတ်ဓါတ်​ကောင်းတစ်ခုနဲ့ပဲ ဖြတ်သန်းခဲ့တာမို့လို့ သူ့က​​​​လေးကိုအ​နှောင့်အယှက်မရှိဘဲ ​ကောင်း​ကောင်းမွန်မွန် ပြုစုပျိုး​ထောင်နိုင်ဖို့ကို သူ​မျော်လင့်မိသည်။ ဒါ​ပေမယ့် စိတ်ထဲ​လေး​နေသလိုမျိုးကြီး ဖြစ်​​​နေတာကိုသူမကြိုက်။