SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Second Love 🦋 - 5

Unicode

မှန်ထဲမှာမြင်​နေရတဲ့ ပုံရိပ်ငယ်ကိုအရင်ကထက် ကြည့်​ကောင်းလာ​အောင် Taehyung ပြင်ဆင်လိုက်သည်။ Jungkook က​တော့ညတုန်းကညည့်နက်တဲ့ထိ အလုပ်လုပ်ထားတာမို့လို့ အိပ်​​မောကျနေတုန်း။ ဒီ​​နေ့ကပိတ်ရက်ဖြစ်​နေတာ​ကြောင့်လဲပါမည်။

အခုအချိန်မှာ သူက​လေးယူမယ့်အ​ကြောင်းကို Jungkook ကို​ပြောသင့်နေပြီလို့ ​တွေးမိတာ​ကြောင့် ဒီ​နေ့အဲ့အ​ကြောင်း​ကို ပြောဖို့ဆုံးဖြတ်ထားသည်။ အ​မေ​ပြောတာမှန်တယ်။ ဒီလိုကိစ္စမျိုးဆိုတာ အချင်းချင်းတိုင်ပင်​​ဆွေး​နွေးပြီး အတူတူလုပ်​ဆောင်သွားဖို့က အ​ရေးကြီးတယ်​လေ။

မ​နေ့ညတုန်းက Jungkook သူ့ကို​ပြောခဲ့တဲ့ စကား​တွေကိုသူ့အ​နေနဲ့ တစ်ခွန်းမှပြန်မ​ပြောနိုင်​ခဲ့။ Jungkook ရဲ့အ​တွေးထဲမှာ သူကနားလည်မှုမရှိတဲ့လူတစ်​ယောက်ဖြစ်သွားမှာကို စိုးရိမ်မိသည်​လေ။ ဒါ​ပေမယ့် Jungkook ကသူ့ကိုစိတ်မဆိုးဘူးလို့ ​ပြောခဲ့တယ်မလား။

အဲ့အစားသူ့ကို အရင်ကထက်ပွင့်လင်းဖို့ကိုပဲ ​ပြောခဲ့သည်​လေ။ မ​နေ့ကဖြစ်ပျက်ခဲ့တဲ့ အ​ကြောင်းအရာ​တွေထဲက​နေ သူသိလိုက်ရတာက သူတို့နှစ်​ယောက်ကြားထဲမှာ ဒီ့ထက်ပိုပြီး ပွင့်လင်းသင့်တယ်ဆိုတာကိုပင်။

အရင်တုန်းက ခွင့်မပြုခဲ့တဲ့အရာကို အခုအချိန်မှာခွင့်ပြု​ပေးဖို့အတွက် Taehyung ​တောင်းဆိုရ​တော့မည်။ သူ့ဆန္ဒကို Jungkook ကလိုက်​လျော​ပေးရင် အရမ်း​ပျော်မိမှာ။ ​ကျေးဇူးပြုပြီး ငါ​တောင်းဆိုတာကို ခွင့်ပြု​ပေးပါလား Jungkook ရယ်။

"Morning အစ်ကို။"

အိပ်ယာကနိုးနိုးချင်းမှာတင် သူ့ကိုအ​နောက်က​နေ သိုင်းဖက်ပြီး​ပြောလာတဲ့ Jungkook ။ Jungkook ရဲ့မျက်နှာက အရင်ကထက်ပိုပြီးကြည်လင်​နေတာ​ကြောင့်

"ဘာ​ပျော်စရာရှိလို့လဲ။"

"ဒီအတိုင်းပဲ အစ်ကို့ကိုချစ်လို့။ "

Jungkook စကား​ကြောင့် Taehyung ရဲ့ပါးမို့မို့​လေး​တွေ ရဲလာရပြန်သည်။ Jungkook ​ပြောတဲ့ "ချစ်တယ်"ဆိုတဲ့စကားက ဘယ်အချိန်ကြားကြား သူ့အတွက်ပထမဆုံး ကြားရတဲ့စကား​လေးလိုပင်။