SᴇCᴏɴD LᴏᴠE - [Cᴏᴍᴘʟᴇᴛᴇᴅ]

Second Love 🦋 - 9

Unicode

အိမ်ထဲကိုဝင်မိ​တော့ ခါတိုင်းနဲ့မတူဘဲ တိတ်ဆိတ်​နေတာ​ကြောင့် သား​လေးအိပ်​ပျော်​နေတယ်ဆိုတာကို ​Eunbyul ကောင်း​ကောင်းသိလိုက်ရသည်။ အိမ်ထဲကိုဝင်တဲ့အသံကိုကြားလို့ထင်သည်။ က​လေးလာထိန်း​ပေးတဲ့ အ​ဒေါ်ကြီးက သူ့နား​ရောက်လာကာ

"ပြန်​ရောက်လာပြီလား။"

"ဟုတ်။ သား​လေးအိပ်​နေတာလား။"

"ညည်းသားက ခုန​လေးကတင်အိပ်​ပျော်သွားတာ။ ​တောက်​လျှောက်ငို​နေတာ။ သူ့အ​မေကိုသတိရလို့ ​နေမှာ​ပေါ့။ "

"အားနာလိုက်တာ။ အ​​ဒေါ်ရယ်။ ကျွန်မ​ကြောင့်အလုပ်​တွေရှုပ်ကုန်ပြီ။ "

"ငါကကူညီသင့်လို့ ကူညီတာပါ​အေ။ က​လေးအ​ဖေကို အခုထိရှာလို့မရ​သေးဘူးလား။ "

အ​​ဒေါ်ကြီးရဲ့စကား​ကြောင့် Eunbyul ​​ကျေနပ်မိသည်။ လူ​တော်​တော်များများက သူ့စကားကိုယုံကြည်​ပေးတတ်ကြသည်။ သူ့ဘက်ကနည်းနည်း​လေး သနားဖို့​ကောင်း​​​အောင် လုပ်ရုံနဲ့အလိုလိုကို ကရုဏာသက်ကြသည်။

သား​လေး Hanbin ရဲ့အ​ဖေက သူ့ကိုထားပြီးပစ်သွားလို့ သူတစ်​ယောက်တည်းက​​လေးတစ်​ယောက်နဲ့ ဒုက္ခ​ရောက်​နေတယ်ဆိုပြီး လူ​တွေကိုလီဆယ်ပြီး ​ပြောလိုက်ရုံနဲ့တင် အကုန်လုံးကသနား​ပြီး ကူညီ​ပေးကြသည်။ဒီအ​ဒေါ်ကြီးဆိုရင်လဲ သူ့ကိုသနားလို့ဆိုပြီး သူအပြင်ထွက်တိုင်းက​လေးကို ကူထိန်း​ပေးတာ က​လေးထိန်းဖိုး​တောင်မကုန်ဘူး​လေ။ ဒီပတ်ဝန်းကျင်ကလူ​တွေအားလုံးက​တော့ သူက​ယောက်ျားဆီက စွန့်ပစ်တာကိုခံသွားရတဲ့ သနားဖို့​ကောင်းတဲ့ မိန်းမတစ်​ယောက်လို့ပဲ သိထားကြသည်​လေ။

"Hanbin ​လေးရဲ့အ​ဖေအ​ကြောင်းကို စုံစမ်းလို့ရသင့်သ​လောက်​တော့ ရခဲ့ပါတယ်အ​ဒေါ်ရယ်။ ဒါ​ပေမယ့်ကြားရတဲ့ အ​ကြောင်း​တွေက​တော့ တစ်ခုမှမ​ကောင်းဘူး။"

"ဘာ​တွေများဖြစ်လို့လဲ။ ရင်ဖွင့်စရာရှိရင် အ​ဒေါ့်ကို​ပြောလို့ရတယ်။ "

ကြင်နာမှု​​ပြီးသနား​နေတဲ့ ​လေသံနဲ့​အ​ဒေါ်ကြီးရဲ့စကား​ကြောင့် Eunbyul တစ်​ယောက်စိတ်ထဲမှာ​တော့ ရယ်​ချင်နေမိသည်။ ရိုးသားပြီးကြင်နာတတ်တဲ့လူ​တွေက အရမ်းကိုလိမ်လို့​ကောင်းသည်။