قصة : ( حبك حياة ) ل سهيلة سعيد المنجي

الحلقة ٣ و ٤

قصة : { #حبك_حياة } 🌍🤍

الحلقة الثالثة { ٣ } 💍

فرح : حبيبي وكل حاجة ف حياتي ⁦
عز : كدابة
فرح : انا !
عز : اة انتي ، انا بسمع عنك بلاوي تخصك ومن برة ، عمرك م جيتي حكتيلي حاجة !
فرح : انا ببقا مش عاوزة كل شوية اجيبلك مشكلة بس !
عز ب انفعال : هو انا بنت اختك متعصبنيش انا راجل ، ولا انتي مش شيفاني كدة ولا ايه بالظبط !
( تنزل دموعها )
عز : شايفة إني مش هقدر اجيبلك حقك ؟
فرح : مش قصدي والله ي عز !
عز : اومال ايه قصدك ، بتخبي ليه ؟!
فرح ودموعها بتنزل : مش حابة كدة ، مش حابة إن يبقا كل الي جاي من ورايا مشاكل ، وانا مشاكلي كتير بسبب طولة لساني ورد فعلي ، انا اسفة
( يتنهد عز ويقرب يمسح دموعها )
عز : خلاص بطلي عياط ، انا مش قصدي ازعلك انا خايف عليكي بس
فرح : انا عارفة ، بس والله انا عشان بحبكوا مش عاوزة اجيب لحد فيكوا مشاكل ، لكن لو دة هيزعلك مني والله كل يوم هجيبلك مشكلة
عز : ي ستي هاتلنا انتي المشاكل بعد كدة وملكيش دعوة
فرح : طب متزعلش مني بقا
عز : خلاص مفيش حاجة
فرح : اوك
عز : ايه الي حصل بقا ؟
فرح : مفيش ، هو حب يستظرف ف شتمته لما اتمادى ، ف قام شاتمني قمت ضرباه بالقلم
عز : بس كدة ؟
فرح : اة بس
عز : م الموضوع بسيط اهو !
فرح : شفت بقا مش مستاهل والله
عز ب انفعال : الله يحرقك ي شيخة ويحرق معرفتك !
فرح بخضة : ايه في ايه ؟!
عز : وربي لو كان مد ايده عليكي ي فرح لكنت قتلته !
فرح بخوف : اهو بص بقا انت بتخوفني ازاي وعاوزني ابقا احكيلك !
عز ب انفعال : عشان انتي غلطانة ، مفيش بنت هتضرب شاب بالقلم ف وسط ناس ويسكتلها ، انا مش عارف هو سكتلك ازاي !
فرح : خلاص بقا ي عز هو صحابه حاشوه وجدك بيقول إنه اتصرف
عز : بالله عليكي متتصرفيش تصرف إلا اما تحسبيه الأول ⁦
فرح : حاضر والله
( يتنهد عز بقلق منها ، بعد شوية ، الكل قاعدين )
الجد وهو بيقوم : انا طالع اوضتي انام شوية ، لما اصحى ياريت الاقيك عشان الموضوع الي عاوزك فيه
مراد بقلق : اوك !
( يمشي الجد )
عصام ل مراد : انت هببت ايه يالا انت ؟
مراد : يالا !
عصام : اة م انت مبيجيش من وراك غير المصايب ، انطق !
( يبصله مراد بجمود وبعدين يقوم يمشي )
عصام ب انفعال : شوف قلة ادب ابنك ، بكلمه يسيبني ويمشي !
مالك : مهو شحط قدامك وبتقوله يالا ، انت الي بتجيب لنفسك الكلام وترجع تشتكي منه !
( يقوم ابوا مراد يطلع اوضته )
عصام : تربية وس*ة !
( تبصله ام مراد بغيظ وزعل وتقوم ويقوموا وراها البنات ، تدخل ام مراد اوضتها )
كارولين ب انفعال : اخوك دة معندوش ريحة الزوق !
مالك : متاخديش ع كلامه
كارولين : عيب عليه يشتم ع تربية ابني وانا قاعدة !
مالك : معرفش ماله ومال مراد ، كأنه عدوه مش ابن اخوه !
كارولين : ولا بيطيقه ولا بيطيق ولاد وائل اكمن هو مخلفش غير بنات ، ف شايف إن الولاد هي الي مكوشة ع كل حاجة وعياله لأ !
مالك : دي حاجة بتاعة ربنا ، هو جاي يعترض دلوقتي !
كارولين : بانت كل حاجة من ساعة م عمي مسك مراد الشركة ، من وقتها وهو بيتعامل معانا اسوء معاملة !
مالك : اسمعي كلامي وطنشي ، انا فهمت مراد وبيطنش ، لما ميعجبكيش الكلام سيبيه وامشي زي م مراد بيعمل وانا مش هلومك ساعتها
كارولين : لا ي مالك ، المرة الجاية لو معجبنيش الكلام هرد عليه وهتبقا مشكلة كبيرة ساعتها ، عشان يكون عندك علم بس ⁦
( مراد واقف ف الجنينة بيشرب سجاير ، تقرب عليه دينا )
دينا : انت كويس ؟
( يشاورلها ب اة )
دينا : متزعلش من بابا
مراد وهو بينفخ دخان سيجارته : مش زعلان من حد
دينا : تفتكر جدو عاوزك ف ايه ؟
مراد بتنهيدة : مش عارف
دينا : امممم
مراد وهو بيرمي السيجارة ف الأرض : انا رايح النادي ، ابقي قولي ل عز يحصلني
دينا : خليك شوية طيب ، انا مبلحقش اقعد معاك !
مراد : لما ابوكي يحل عن نافوخي ابقا اقعد
( يروح مراد يركب عربيته ويمشي ، تدخل دينا جوة )
دينا : فين عز ؟
نيرة : ف البلكونة
( تقرب دينا ع البلكونة )
دينا : عز بيقولك مراد هو رايح النادي لو جاي
عز : طيب ماشي
( تمشي دينا )
فرح : نادي ايه السعادي بقا !
عز بتوتر : عادي يعني
فرح بقلق : انا بصراحة مش بطمن لما بتخرج مع مراد !
عز ب استغراب : ليه كدة ؟!
فرح : عشان كلنا عارفين مراد واستهتاره ، وانت ملازمه ف كل حتة ، ودة مش مريحني ع فكرة ! 
عز : متقلقيش انا عارف حدودي كويس
فرح : ماشي ي عز
( يبوس دماغها ويمشي ، يعدي الوقت ، جوة night club ، يوصل مراد ، قاعدة لايرا ع ترابيزة وماسكة الفون بتاعها ، يشوفها مراد ، يقرب عليها )
مراد وهو بيقعد : اتأخر اوي مش كدة ؟
( تبصله لايرا بملل )
لايرا : نعم ؟
مراد : ينعم الله عليكي ، منفضلي ليه كدة ي عم !
لايرا : عم !
مراد : اة سوري ، لايرا هانم حضرتك مش عاوزة تكلميني ليه ؟
لايرا : انت عارف إني مرتبطة !
مراد : وانا قلتلك فكك م الولا دة هيجيبك ورا
لايرا : مراد إذا سمحت ملكش دعوة ، واتفضل عشان لو جه وشافك قاعد كدة هتحصل مشكلة ، وبلاش الأسلوب دة معايا !
مراد وهو بيحط رجله ع الترابيزة وبيقعد ب ارتياح : ايه دة بجد ؟
لايرا : لا انت مصمم فعلاً تعمل مشكلة !
مراد : الي يشوفك دلوقتي وانتي عوزاني امشي ميشفكيش زمان اما كنتي بتجري ورايا وهتموتي وتكوني معايا !
لايرا : كنت مفكراك بني ادم كويس لحد م عرفت علاقاتك القذرة وعدم احترامك للبنت الي معاك ، دة انت كنت بتعاكس البنات قدامي عادي وتجاملهم وعايش حياتك فل كأن مش موجودة فيها بني ادمة اسمها حبيبتك !!
مراد : اديكي قلتي بجامل
لايرا : مراد خلاص انسى إننا نكون سوا تاني ، انا بحب البني ادم الي يحترمني
مراد وهو بينزل رجله من ع الترابيزة وبيسند ايده عليها : وتيم بقاااا بيحترمك ؟
لايرا : اة ب ........................
تيم : انت ايه الي مقعدك هنا ؟!
( تتخض لايرا )
مراد وهو بيتجاهله : كنا بنقول ايه ي ريري ؟
تيم ب انفعال : انا مش بكلمك !
مراد وهو مازال متجاهله : اة بنتكلم عن الأحترام وكدة ، ي ستي خلاص هحترمك لو دة هيبسطك
تيم : انت .....................
( يلمس كتف مراد بس يكون قام مراد بحركة سريعة مسك دراعه ولواه )
تيم بوجع : اااه !
لايرا بخضة وصريخ : مرااااد سيبه خلاص !
مراد وهو بيغمزلها : عشانك بس
( يسيبه مراد ويمشي مع دخول عز )
مراد وهو بيحط ايده ع كتف عز : تعالى تعالى
عز : ايه في ايه ؟!
مراد : هسهرك سهرة عنب
( يطلعه م المكان )
عز : ي عم واخدني فين ، جدك ف البيت وهينفخنا !
مراد : انجز بس ، هيفكر إننا لسة ف النادي
( يركبه العربيات ويمشوا ، يعدي الوقت ، يركنوا قدام عمارة وينزله م العربية )
عز وهو بيبص ع العمارة بقرف : ايه المكان القذر دة !
مراد : اثبت انت بس ع نظرة القرف دي لما نطلع
عز : هثبت حاضر ⁦!
( يطلعوا العمارة ، يخبط مراد ع شقة ، تفتحله بنت مش متظبطة خالص )
البنت بدلع : اتفضل
( يدخل مراد ويفضل عز واقف متنحلها وهي بصاله ب اعجاب )
مراد وهو بيشد عز : خش ي عم !
( يدخله الشقة ، يلاقي بنات كتير ورجالة كتير وباين عليها شقة مشبوهه ، تقرب واحدة ست )
........... : مراد باشا دة ايه النور دة !
مراد : لولا عاملة ايه ؟
........... : بخير طول م انت بخير ي باشا ⁦