قصة : ( حبك حياة ) ل سهيلة سعيد المنجي

الحلقة ١٩ و ٢٠

قصة : { #حبك_حياة } 🌍🤍

الحلقة التاسعة عشر { ١٩ } 💍

مراد : لا هو زي م انا م فاهم ، وتقريباً الكل عارف إلا انا ، او بمعنى اصح عارف لإنه واضح لكن مجاتش منك ، بس اخر حاجة كنت اتوقعها إنك تخاف عليها مني ، انا مش و*خ اوي كدة عشان ابقا عارف إنك بتحبها وادوس معاها ، وانت عارف كويس جداً إن دينا هي الي كانت مسلمالي نفسها وإن فرح عمرها م كانت زي دينا ، وبرضو كنت عارف حدودي فين معاها ، ولو انت مش واثق فيا ف المفروض إنك اوثق ف الي معاك لإنك معاك واحدة صيناك ، وي سيدي اوعدك إن حتى سلام ربنا مش هسلمه عليها من بعد انهاردة ي عز
( يمشي مراد ، يتنهد عز بضيق ، يطلع مراد عند البنات )
فرح وهي بتقوم : تعالي ي نيرة دقيقة
( تقوم نيرة وفرح يمشوا ، يقعد مراد بتنهيدة جنب اوشة )
اوشة : ايه مالك ؟!
مراد : ماليش
اوشة : طب هو انت هتفضل متكلمش نيرة كتير ؟
مراد : هما لحقوا يحكولك !
اوشة : ع فكرة هي زعلانة اوي من نفسها
مراد بتريقة : طب كويس والله
اوشة بغيظ : تؤ ، متتريقش لما اكون بكلمك ف موضوع مهم ⁦!
مراد : انتي مالك اصلاً ؟!
اوشة ب احراج : انا مالي !
مراد : اقصد يعني مهتمية ليه ؟!
اوشة : ايوة مهي اكمنها بنت هتيجي عليها ، مهو السهم الي انغرس ف احشاء العصفور كان غصناً يغني عليه يوماً ما !
مراد بتشويش : ايه !
اوشة : بجنيه
مراد : ي بت هضربك وربنا !
اوشة : اسمعني بقا وخليك حلو
مراد : ي بنتي الولا دة اكيد بيلعب بيها ووقعها عشان فلوسها !
اوشة : ع فكرة اي بنت بتسيب اي ولد يوقعها عشان بيبقا داخل دماغها مش عشان انت شبح يعني ومفيش منك
مراد : ههههههه جبتي المعلومة دي منين !
اوشة : دي الحقيقة ، ف مش حكاية طمعان والجو دة ، هما بيحبوا بعض بجد
مراد : انا مسكتش ع فكرة وسألت ع الولا دة وطلع ظروفه المادية بسيطة ، هي مش هتقدر تستحمله اسبوع بعد الجواز لإنها متعودة ع مستوى ودة مستوى تاني خلاص !
اوشة : مدام بيحبه بعض عادي ، بيقوله وراء كل رجل عظيم امرأة ، وطلاما في حب حياتهم هتبقا فل والله
( يتنهد مراد )
اوشة وهي بتقرب عليه : عشان خاطري ي مراد متحرمهمش من بعض
مراد : ولو اذاها ي لايرا ، هتيجي انتي تطبطبي عليها وتقوليلها معلش ؟
اوشة : لأ هتطبطب انت عليها وتقولها هتعدي ، زي م كل حاجة بتعدي ، احنا مش منجمين عشان نعرف الي جاي ايه ، م تسيبها لبكرة ، هو ربنا قصر معانا ف حاجة انهاردة ؟
( يسكت مراد )
مراد وهو باصصلها : انتي ازاي كدة !
اوشة بعدم فهم : ازاي كدة ازاي ؟!
مراد : بتعرفي تقنعي
اوشة بفرحة : ايه دة يعني خلاص معدتش زعلان منها ؟
مراد : لأ !
اوشة وهي بتمسكه من خدوده : ي كوكو انت ي كوكو
مراد : هههههه بتعملي ايه بس !
اوشة : ي جميلة انتي ي اطيب حد بالكون
مراد وهو بيمسك ايدها : خلاااااص
( يفضل ماسك ايدها ، تتحرج )
مراد : انا اسف
اوشة : ع ايه ؟!
مراد : ع كل لحظة كنتي فيها معايا ومقدرتكيش او احترمت وجودك ، ع إني ضيعتك من ايدي قبل كدة وانتي متتسابيش ابداً !
اوشة : كل حاجة وليها وقتها ، متستعجلش
مراد : يعني انا مش وحش ف نظرك ؟
اوشة : مين الخنزير الي قال كدة دة انت قمر !
( يبتسم مراد ويبوس ايدها ، تتخض وتتكسف ووشها يجيب الوان )
اوشة وهي بتشيل ايدها منه : بلاش تتمادى ي حمادة احسنلك !
مراد : ههههههه ماشي
( تقرب دينا )
دينا : اجيبلكوا اتنين لمون ولا كفاية واحد ؟
( يتنهد مراد )
اوشة بنية صافية : لا تسلمي ي قمر ، دة اكل طنط يجنن بطني اتملت
دينا وهي بتقعد جنب مراد : لا صحة وعافية ، بس انتي اكلتك كبيرة اوي ومحتاجة تعملي دايت ، مراد مبيحبش الطخان ، مش كدة ي دودي ؟
اوشة ب احراج : بجد ي مراد ؟!
مراد : بس لايرا مش طخينة !
دينا : لا طخينة ، انت مش شايف ولا ايه !
مراد : انا شايف واحدة زي القمر وعجباني ، ع الأقل لما احضنها مش هحس إني حاضن واحد صاحبي !
( تتكسف اوشة وتتحرج دينا لإنها رفيعة )
دينا : امممم ، بس الرفيع بيطخن بعد الجواز ، اما الطخين دة ب .........................
اوشة : بقولك ايه ، م قالك عجباني ، اطلعي منها بقا
دينا : اطلع منها !
اوشة : اة اطلعي منها ، لما تتجوزي ابقي اختاري واحد بيحب المعضمين
مراد : ههههه احم
( تبصلها دينا بغيظ وتقوم تمشي )
اوشة : مالها سيد خشبة ؟!
مراد : هههههه فكك منها
اوشة : مش طيقاني ليه من ساعة م جيت !
مراد : اكمنك احلى منها
( تبتسم اوشة بكسوف )
اوشة وهي بتبصله بحب : والنبي انت الحلو
مراد : هههههه 
( يعدي اليوم والكل مبسوط وتمام ومتظهرش دينا تاني تفضل ف اوضتها ، ف المستشفى ، قاعد تيم ف اوضة ومعاه صاحبه )
تيم : م انت السبب ب ام افكارك الداهية !
علي : وانا ايش عرفني إنها هتبقا عنيفة كدة وإنك مش هتقدر عليها !
تيم : كنت اعمل ايه يعني ، اغمى عليا ف ساعتها !
علي : خلاص بقا فكك منها
تيم : ايه ي حبيبي ، افكني ، انت بتحلم ، دة انا هطلع روح اهلها بس اعرفلها طريق ، والي عاوزه هاخده برضو
( ييجي الليل ، ف بيت هايدي ، تمسك فونها وتتصل )
هايدي : الو
زين : الو
هايدي : عامل ايه ؟
زين : الحمدلله ، وانتي ؟
هايدي : انا تمام ، بقولك ، م تيجي عاوزة اشوفك شوية
زين : عملتي الي اتفقنا عليه ؟
هايدي : هيجيلي قريب ، انا عاوزة اشوفك انت ، هتيجي ولا ايه ؟
زين : ماشي ، هجيلك
هايدي : هستناك
( نيرة مع مراد قاعدين ف جنينة الڤيلا )
نيرة : والله ي مراد صدقني هو بني ادم طيب اوي
مراد : مبقولكيش إنه وحش ، بس حوار مسك ايدي وحضني والجو دة لو اتكرر صدقيني هتبقي انتي الخسرانة ، اولاً هقطعلك رقبتك ساعتها ، ثانياً هيفكرك سهلة ، مهو ولا خطب ولا ارى فاتحة !
نيرة : لا والله مفيش بينا الكلام دة ، دة هو محترم جداً معايا ، بس ممكن عشان يبين ل فرح اد ايه هو بيحبني بس
مراد : انا حذرتك ي نيرة عشان اقسم بالله المرة الجاية هيكون فيها كلام يزعلك ، دة لو وقتها اتكلمت معاكي اصلاً
نيرة وهي بتقرب عليه وبتحضنه : لا خلاص والله اخر مرة متزعلش
مراد : خلاص مفيش حاجة
( تقرب اوشة )
اوشة : هييييي خيانة ، بتحضنه بعض ف العراء كدة !!
نيرة : ههههه عليكي لغة غريبة اوي !
اوشة وهي بتغمزلها : هبقا اعلمهالك
نيرة وهي بتقوم : ماشي
( تمشي نيرة وتقعد اوشة جنب مراد )
اوشة : اتصالحته ؟
مراد : اة
اوشة : الحمدلله
مراد : قوليلي صحيح ، انا اقترحت ع الأوتيل يجيب حماقي او عمرو دياب ، انتي بتحبي مين فيهم ؟
اوشة ب اندهاش : اييييه دة ، انت هتجيب مغني ؟!
مراد : اة
اوشة بحماس : يبقا شاكوش طبعاً
مراد : شاكوش !
اوشة : ولو تتم جميلك ويبقا معاه عمر كمال وبنت الجيران بقا وهنولعها
مراد بضحك : هههههخخهههخخ ي بنتي بقولك حماقي تقوليلي شاكوش وبنت الجيران !
اوشة : بيفرفشني ، بالله ي مراد بالله بالله بالله
مراد : طيب خلاااااص حاضر هشوف !
اوشة : لا اوعدني هتجيبه بالله 
مراد : والله حاضر هبقا اكلم الأوتيل اقوله
اوشة : حبيبي والله حبيبي وابوا عيالي وسيد الناس
مراد : طب مفيش حاجة ل ابوا عيالك ع كل الي عاوزة يعملهولك دة ؟
اوشة : لما نتجوز هشهيصك
مراد وهو بيقرب عليها : ايه دة بجد ؟
اوشة وهي بتصده ب ايدها : ي شبح اهدى ، بقول لما نتجوز !
مراد : طب م نخلي الخطوبة كتب كتاب انا اقسم بالله اعملها 
اوشة بخضة : اييييه حيلك حيلك ، انت عاوز تجري الشريط ومسمعش انا باقي الأغنية واتدبس فيك بقا !