قصة : ( حبك حياة ) ل سهيلة سعيد المنجي

الحلقة ١٥ و ١٦

قصة : { #حبك_حياة } 🌍🤍

الحلقة الخامسة عشر { ١٥ } 💍

( تتحرج )
اوشة : يعني معدتش بعيدة ؟
مراد : لأ ، بس ع الله ميركبكيش عفريت زمان تاني !
اوشة : لا لا متقلقش
مراد ب استغراب : ايه الي غيرك ي لايرا ؟!
اوشة ب ارتباك : ااا عادي ، هو بس مكنتش واخدة عليك ف الأول
مراد : احنا كنا سوا ٣ شهور قبل كدة ، ازاي مش واخدة عليا ، وحتي لما كنتي واخدة عليا فيهم مكانش دة اسلوبك ولا طريقتك برضو !
اوشة : حسيت إن دة كان غلط ، غلط إن البني ادم ميبقاش بحريته مع الي يحبه ، طب هتكبر وارسمها ع ايه ، انا الي مش هبقا مرتاحة ف الأخر ، لكن كدة انا مبسوطة
مراد : دي اهم حاجة عندي ، إنك تبقي مبسوطة
اوشة بحب : تسلم والله
مراد ب انتباه : ثانية بس ، مع الي يحبه ، قصدك ايه ؟!
اوشة بتوتر : اااا ولا حاجة ، مش قصدي والله !
( يبتسم مراد )
مراد : ماشي
اوشة : طب وانت مبسوط معايا ولا حاسس إني غريبة ؟
مراد : حاسس إنك غريبة طبعاً ، بس رغم كدة مبسوط
اوشة : يارب دايماً ، يلا نمشي بقا قبل الورد م يدبل
مراد : اوك
( يدفع الحساب ويمشوا ، عند ريان ، واقف رايح جاي وعمال يبص ف ساعته ، تدخل امه )
الام : مالك ي ريان ؟!
ريان بقلق : اتأخرت اوي ، مصيبة ليكون عرف حاجة !
الام : لو عرف مش كان جالك او اتصل بيك ؟
ريان بحيرة : مش عارف بقا ، ربنا يستر !
الام : انت واثق اصلاً ف البنت دي ؟
ريان : جداً ، لإنها طيبة وع نيتها
الام : مهي دي المصيبة ي حبيبي !
ريان : بالعكس ، البنت دي ممكن اوي تصلح علاقة لايرا ب مراد لحد م الهانم تعقل وترجع البيت
( اوشة ومراد ف الطريق ، يرن فون مراد )
مراد : الو
عز : ايه ي شبح فينك ؟
مراد : بوصل لايرا
عز ب استغراب : ايه دة كنتوا سوا ؟!
مراد : اة كنا بنشوف القاعة
عز : ربنا معاك بقا ، زمانها قرفت الي جابك
مراد : لا نهائي 
عز : لا ي شيخ !
مراد : والله
عز : لا لما تجيلي بقا انا مستنيك ، انت هتروح ع البيت ولا رايح فين ؟
مراد : اة ع البيت ، اشوفك هناك
عز : اشطاا ، يلا سلام
مراد : سلام
( يقفل مراد )
اوشة : حلوة عربيتك اوي
مراد : دة عشان انتي فيها
اوشة بكسوف : تسلم والله
( يوصله قدام الڤيلا وينزلوا ، تاخد اوشة الورد )
اوشة : يلا تصبح ع خير
مراد : الساعة لسة تسعة !
اوشة : م عشان انا مش هكلمك تاني انهاردة
مراد : ياريت تشوفي حوار الفون دة بقا
اوشة : لا حاضر والله هقول ل ريان
مراد : ماشي
( لسة هتمشي .............................. )
قطة : ميااااااو
اوشة بصريخ : عااااااا !
( تمسك ف مراد تخضه )
اوشة : الحقناااااي !
( تنط فوق العربية )
مراد ب استغراب : في ايه ي بنتي ؟!
اوشة : قطة دي !
مراد : ايوة قطتك !
اوشة بخضة : احيه قطتي اناااا !
مراد : ايوة !
اوشة بخوف : طب طب هشها بالله هشها !
مراد : اهشها !
اوشة : ايوة ابعدها عن العربية ، انا عندي فوبيااااا !
مراد ب استغراب : فوبيا ازاي وهي قطتك ؟!
اوشة : لا دي بتاعة ريان انا مبحبش القطط !
مراد : انتي بتهزي ، انتي كنتي بتقعدي تحضني وتبوسي فيها وصاحبتك الي جيبهالك ف عيد ميلادك !
اوشة بخضة : انااااا !
مراد : ايوة انتي !
اوشة ب ارتباك : اااا اة اة قطتي ايوة !
مراد : انزلي ي هبلة !
( تنزل من ع العربية ماسكة ف مراد واقفة وراه )
مراد : ي بنتي بتعملي ايه ، سبيني طيب !
اوشة : استنى بس عشان مدوسش عليها اجيب اجلهااااا !
( وفجأة ، تجري ع جوة ، يتنهد مراد ويركب عربيته ويمشي ، تخبط اوشة ع الباب جامد ، يجري ريان يفتح ، تدخل بسرعة )
ريان بخضة : في ايه ؟!
( تقوم الأم مخضوضة )
اوشة : في قطة برة !
ريان ب استغراب : قطة !
اوشة : ايوة ي عم ، طلعتلي وانا عندي فوبيا م القطط وبيقولي بتاعتي !
ريان بتنهيدة : اة هبقا امشيها
اوشة : ايوة ، لو ممشتهاش انا مش هاجي هنا تاني !
ريان وهو بيبص للورد ف ايدها : ايه دة ؟!
اوشة : دة ورد جابهولي
ريان : كنتوا فين كل دة ؟!
اوشة : خدني اتغدينا برة ، كنت جعانة اوي
ريان بخضة : انتي قلتيله إنك جعانة ؟!
اوشة : لا طبعاً هو انا قليلة الزوق ، هو الي عزمني
ريان : امممم ، ماشي ، اعملي حسابك من بكرة هتكوني هنا ، يعني تقولي لأختك إنك مسافرة بكرة
اوشة : طيب ماشي
ريان : امسكي دة تليفونك ، وفي خط رقمه معايا ، وسجلتلك عليه رقمي ورقم مراد عشان تبقي تكلميه
اوشة ب اندهاش : دة ايفوووون !!
ريان : ايوة ، نفس الي كان مع لايرا
اوشة بفرحة : ماشي ماشي
ريان : روحي دلوقتي
اوشة : سلااام
( تطلع اوشة راسها م الباب تبص ع القطة يمين وشمال متلاقيهاش ، تطلع تجري ع برة مرعوبة تمشي ، عند مراد ، سايق عربيته وبيفكر ف اليوم الي مر بيه ، وف اوشة الي ف اعتقاده لايرا ، هي ازاي بقت كدة ، لايرا المتكبرة الي مبتطقهوش ازاي بقت مرحة كدة ونظرتها ليه كلها حب وحنية ، يفتكر مواقفها العفوية ، يبتسم وضحكتها وخفة دمها يغطوا ع شكه إن في حاجة غلط ، يرن فونه )
مراد : ايه ي دود
هايدي : قلب الدود
مراد : عاملة ايه ؟
هايدي : فل ي قلبي ، انت اخبارك ؟
مراد : اهو ماشي الحال
هايدي : واحشني وعاوزة اشوفك ، فاضي بالليل ؟
مراد : افضالك ي مزة
هايدي : قلب المزة ، هستناك
مراد : اشطاا
( ف بيت مراد ، نيرة بتتكلم ف الفون )
نيرة : هو بس عشان لسة ف اول الموضوع
حسام : اوله ايه واخره ايه ي نيرة ، هو ليه بيعمل كدة !
نيرة : هو مراد طبعه صعب ي حسام ، م انا مفهماك م الأول الكلام دة
حسام : يعني لما اتقدملك هيرفض ؟!
نيرة : اكيد لأ ، هو بس الموقف زعله
حسام : طب لحد امتى ؟
نيرة : مش عارفة والله ، بس إن شاء الله ينسى يعني
حسام : ماشي ي نيرة
نيرة : متقلقش ، ساعتها انا هتكلم مع بابا لو هو فضل كدة
حسام : ماشي
( عند لايرا ، نايمة ف اوضتها ، يدخل تيم ، يقرب عليها ، يقعد جنبها ويحط ايده ع شعرها ، تقلق لايرا وتفتح عيونها ، تشوفه تتخض )
لايرا بخضة وهي بتبعد : قولتلك ميت مرة خبط ، ازاي تدخل كدة !
تيم : امممم ، طب بقولك ايه ، انا عمال اسايس وادادي فيكي من ساعة م جيتي هنا وانتي مبتحسيش !
( تقف لايرا )
لايرا بقلق : مبحسش ب ايه ي تيم ؟!
( يقرب تيم يقف قصادها )
تيم : عمالة تصديني وانا ساكت ومستحمل ، بس دلوقتي لأ ، كفاية عليكي كدة بقا عشان انا زهقت
( تفهم قصده )
لايرا وهي بترجع لورا بهدوء ودموعها بتنزل : انت جايبني هنا عشان كداااا !
تيم : اومال عشان سواد عيونك مثلاً ؟
( هو يقرب وهي تبعد )
لايرا بخوف : لو قربتلي هموتك والله !
تيم : انا الي لو اطريت اموتك هموتك ي لايرا ، بس هعمل الي جبتك عشانه برضو
لايرا : ليه كدة حرام عليك ، دة انا وثقت فيك وبعدت عن الكل عشانك !
تيم : مهي دي مشكلتنا ، بنثق ف الناس الغلط بقا
لايرا بصريخ : الحقونيييييي !
تيم : محدش هيسمعك هنا
( تجري ع باب الشقة تفتح فيه مبيفتحش )
تيم ببرود : مقفول ي قلبي ، متتعبيش نفسك
لايرا بعياط : عملتلك ايه علشان تعمل فيا كدة حرام عليييييك !
تيم بتريقة : اة معندكش اخوات بنات معندكش رحمة ، ولا سعاد وحياتك
لايرا : طب سيبني امشي من غير مشاكل بالله عليك 
تيم وهو بيقعد وبيحط رجله ع الترابيزة : اسيبك ايه بس بتهزري ، مش بعد كل القرف الي اتحملته معاكي دة اسيبك تمشي كدة بسهولة ، وربنا م يجيب مشاكل ي قلبي
لايرا : تيم ، لو اخويا عرف هيموتك ⁦!