قصة : ( حبك حياة ) ل سهيلة سعيد المنجي

الحلقة ٢١ و ٢٢

قصة { #حبك_حياة } 🌏🤍

الحلقة الواحد والعشرون { ٢١ } 💍

اوشة : انا كمان بحبك اوي
مراد : هو انا لو حضنتك هتلمي عليا الناس ولا عادي ؟
اوشة : لا عادي
( تحضنه ، يتفاجئ بحضنها وبعدين يحضنها ويبتسم ب ارتياح ، يعدي الوقت ويوصل مراد اوشة البيت ، تاني يوم ، تروح اوشة مع مراد عشان يشتروا فستان الخطوبة ، اوشة ف البروڤا ، تلبس الفستان وتظبطهولها البنت )
............ : مظبوط كدة
اوشة بحماس : حلو اوي ، عاوزة اطلع اوريهوله
............ : بلاش عشان يبقا مفاجأة يوم الفرح
اوشة : لا عادي عادي هوريهوله
( تطلع اوشة ، مراد قاعد ب ارتياح وماسك الفون )
اوشة وهي بتقف قدامه : ايه رأيك ؟
( يبصلها ، لابسة فستان احمر توب ومنفوش وكله جليتر ، يقف مراد )
مراد ب اعجاب : حلو اوي
اوشة : بالله عجبك ؟
مراد بحب : اي حاجة عليكي بتعجبني ⁦⁦
اوشة بفرحة : الله يخليك يارب ، هروح اغيره بقا
مراد : اوك
( تدخل اوشة تغير الفستان ، تاني يوم ، ف بيت مراد ، عز واقف ف البلكونة بيتكلم ف الفون )
عز : انا مستنيه ينزل اهو عشان اكلمه
مراد : اول م تخلص طمني عملت ايه ، انا جاي ف الطريق
عز : اشطا ماشي ، ادعيلي 
مراد : مالك يلا ، هو يطول يجوزك بنته !
عز بتوتر : خايف اوي !
مراد : لا اجمد كدة
عز : طب اقفل احسن نزل ، هكلمك بعدين باي 
( يقفل عز ، يقرب عمه عصام يقعد ف الأنتريه ، يقرب عز يقعد قصاده )
عصام : خير ي سي عز ، موضوع ايه الي عاوزني فيه ؟
عز : انا كنت كلمت بابا إني عاوز اخطب وكدة
عصام : طب دة كويس ، هتتلم وتتأهل اخيراً !
عز بتوتر : اة ، فاااا ، كنت عاوز اطلب ايد فرح ، بابا قالي افاتحك ف الموضوع بيني وبينك الأول
عصام : فرح بنتي ؟!
( فرح واقفة ع جنب بتتصنت هي ونيرة )
عز : اة
عصام ب استغراب : واشمعنا فرح بالذات يعني ؟!
عز : عادي بس يعني هي بنت عمي وكدة ، واحنا مش غرب عن بعض يعني ، وانا عارفها كويس وهي كمان عرفاني
عصام : بص ي ابن وائل ، انا بنتي تشيلها من دماغك خالص ، فاهم ⁦؟
( يتخض عز وفرح تبص ل نيرة بخوف )
عز بخضة : طب ليه ، انا عملت حاجة ضايقتك ؟!
عصام : دة انا اجوزها لأي حد ف الدنيا دي إلا انت !
عز : ليه ي عمي طيب ؟!
( يوصل مراد البيت )
عصام : متصاحبلي ع الصايع مراد ولاففلي وراه ف كل حتة ، م الكباريه دة للشقة دي وعاوزني اجوزك بنتي ، دة انت بتحلم !
( تنزل دموع فرح )
فرح بصوت واطي : مش هيوافق خلاص مش هيوافق !
نيرة : اصبري بس
( يقرب مراد )
مراد للبنات بصوت واطي : ايه الدنيا ؟
عز : والله مفي الكلام دة ، انا م البيت للشغل والعكس ، والله م بروح حتت تانية اكتر م النادي ، حتى مراد من ساعة م خطب وهو كمان كدة
عصام : ايوة دافعله يخويا كالعادة
عز : والله م بدافع انا بقول الحقيقة
عصام : بص انا قلتهالك ، جواز فرح منك انسى ي عز
عز : طب ايه الي يرضيك وانا اعمله طيب ؟
عصام : ايه هيرضيني يعني ، انا لو اطول اتبرى منه هعملها
( يتخض مراد من كره عمه ليه ولسة هيقرب تمسك دراعه نيرة )
نيرة : استنى بالله متعقدهاش اكتر !
( يقف )
عز بزعل : ي عمي بالله عليك بلاش كدة !
عصام : والله دي نتيجة افعالك اتحملها بقا ، عشان تبقوا تبطلوا صياعة وسرمحة ، وتبقا تدافعله كويس ي باشا
عز : طب .........................
عصام : خلصنا بقا متخوتنيش ، قلتلك جواز ومش هيحصل
( يقوم عصام ، تقرب فرح )
فرح : بس انا بحب عز وعيزاه
عصام بخضة : نعم يختي !
فرح : بابا بالله عليك توافق ، عز ملهوش دعوة بحياة مراد ولا افعاله ، كل واحد حر ف تصرفاته
عصام : لأ ليه ، وبعدين انتي ازاي تدخلي اصلاً !
فرح : عشان حرام عليك الي بتعمله دة ، ليه تشيله ذنب مش ذنبه !
عصام وهو بيضرب فرح بالقلم : انتي بتردي عليا ي كلبة !
فرح بخضة : ااااه !
( يتخض الكل ويقف بينهم عز )
عز : عمي خلاص !
( يقرب مراد ونيرة ، تعيط فرح )
عصام : اوعا يلا من قدامي !
نيرة : ي عمو خلاص بالله ! 
فرح بعياط : حرام عليك ليه بتعمل كداااا !
عصام : انا هوريكي الحرام بجد !
( يجيبها من شعرها تقع ف الأرض )
فرح بصريخ : اااااه !
( يحوشه مراد وعز )
عصام بزعيق : اوعوااااا
( يقربه الستات )
ام مراد : في ايه ؟!
ام فرح : في ايه ي عصام ؟!
عصام : وربي لربيكي من اول وجديد ي بنت الكلب انتي !
ام فرح : في ايه عملتلك ايه ؟!
عصام : قومي ع اوضتك قدامي
( تسندها نيرة تقومها ويبصلها عز بحزن )
عصام : ع فوق ي هانم ، انا هغور بيكوا م البيت دة
( يتخض عز )
ام مراد : حصل ايه بس لكل دة !
( وفجأة ، يغمى ع فرح )
ام فرح بصريخ : بنتيييي !
( يعدي الوقت ، ف اوضة فرح ، الدكتور عندها ومعاها مامتها والباقي مستني برة ، يطلع الدكتور ، يقربه عليه )
الدكتور : اطمنوا بسيطة إن شاء الله ، هي بس جالها انهيار عصبي ، لكن هتبقا بخير ، حاولوا بلاش الزعل عليها حالياً
ام مراد : حاضر ي دكتور
مالك : شكراً ي دكتور
الدكتور : العفو ، عن اذنكم
( يمشي الدكتور )
عصام ل دينا : اطلعي لمي هدومك وهدومها يلا
( يتخض الكل )
مالك : ايه الي انت بتعمله دة ي عصام !
عصام بحدة : ماللللك ، لو سمحت محدش ليه دعوة ، يلا اطلعي
( تطلع دينا )
عز : ي عمي خلاص والله م عاوز اتنيل اتجوز بس خليكوا !
عصام : اخليني اة ، عشان تبقا تحت عين حضرتك !
وائل : انت ليه عامل كل دة ، دة انا الف بنت تتمنى ابني !
عصام : روح جوزه للألف بنت لكن بنتي انا لأ
( يسيبهم عصام ويطلع اوضته ، الكل يبصوا لبعض )
وائل : سيبك منهم ، والله من بكرة لاكون مجوزك ست ستها
( يمشي عز وهو خلاص دموعه هتنزل ، يطلع مراد فوق ، يقرب ع اوضة يخبط ويدخل )
مراد : للدرجة دي بتكرهني !
عصام : واكرهك ليه يخويا متجوز مراتي ؟
مراد : عز ملهوش زنب بلي مكرهك فيا !
عصام : لأ ليه ، عشان داير وراك ف كل حتة
مراد : طب وافق واي حاجة انت عاوزها هعملهالك
عصام : مش هوافق ي مراد
مراد : انا الي هسيب البيت وامشي
( يبصله )
مراد : مش هتشوف وشي هنا تاني غير ف المناسبات او المصايب دة إذا شوفتني ، هبعد خالص ومش هختلط ب عز تاني نهائي اكتر من شغلنا ، ولا حتى هكلمه ف التليفون
عصام : وتسيب الشركة
( يتخض مراد )
مراد : موافق !
عصام : تقول لجدك إنك مش مرتاح وعاوز تتنقل اي مكان تاني ، وتقترح عليه إني اجي مكانك
مراد بفهم : ماشي !
عصام : يبقا اتفقنا ، تمشي من دلوقتي ، حتى اري الفاتحة متحضرهاش ، ولا حتى اشوفك ف فرح ، ماشي ؟
مراد : تمام ، في اي حاجة تاني ؟
عصام : لا يخويا ، بالسلامة انت
( يمشي مراد وخلاص دموعه هتنزل ومش عشان شركة او شغل بس عشان اتحرم من إنه يحضر اي فرحة تخص ابن عمه وصاحب عمره ، يطلع اوضته ويلم هدومه وينزل )
مالك ب استغراب : انت رايح فين ؟!
مراد : يومين كدة وجاي تكون الأمور هديت
مالك : وانت مالك انت م يولعه ف بعض !
مراد : معلش بالله عليك سيبني انا هرتاح كدة
مالك : براحتك ي مراد ، بس اقلها استنى جدك
مراد : هروحله الشركة الصبح ، كدة كدة كنت عاوزوا 
مالك : ماشي
( يمشي مراد ويوصل عمارة فيها شقة بتاعته ، يطلع يحط شنطته ع جنب ويدخل الأوضة يترمي ع السرير ، يمسك الفون ، اوشة ف البيت ، يرن فونها ، تلاقيه مراد تبتسم )
اوشة : حبيبي