قصة : ( حبك حياة ) ل سهيلة سعيد المنجي

الحلقة ١ و ٢

قصة : { #حبك_حياة } 🌍🤍

الحلقة الأولى { ١ } 💍

*( شهر 6 ، سنة 2020 )*

( الساعة اتنين بعد الضهر ، ف ڤيلا كبيرة تشبه للقصر ، جواها ناس رايحة وناس جاية ودوشة وزحمة وتوتر ، بنات واقفين بيرتبه ف البيت مع الشغالات )
نيرة : هو احنا كل زيارة نبقا ف الدربكة دي كدة !
دينا : بقيت اكره اليوم الي يقول فيه إنه جاي والله !
فرح : بيبقا البيت زي الفل ولازم قبل م يوصل نعيد كل حاجة كأننا منفضناش من تلاتين سنة مثلاً !
دينا : م انتي عارفة اد ايه هو بيدقق ع كل حاجة كأنه مفتش الصحة !
نيرة : عمك وائل مش طايق نفسه ، كل شوية يتصل ب عز يهزقه عشان اتأخر
فرح بحزن : زمانه ع اخره ي قلبي
دينا بتريقة : ي حنينة !
فرح وهي بتذغدها : بس ي رخمة
نيرة : مش ناويين تتخطبه ؟!
فرح : ايوة بس اما اخلص امتحانات عشان بابا
نيرة : اهااا
( ف مكان تاني ف البيت ، واحد واقف بيتكلم ف الفون )
وائل بعصبية : انتوا فين ي زفت انتاااا !
عز وهو سايق : ف السكة اهو والله

*( ملحوظة .. عز عنده ٢٤ سنة ، يبقا ابن عم البنات ، ليه اخ اسمه اسلام اصغر منه )*

وائل : كل دة ليه يعني !
عز : ي بابا قربت خلاص ، انا عند .................
وائل : بس انت لسة هتشرحلي ، يلا جدك ف الطريق
عز : طيب حاضر
وائل : اخلص
( يقفل وائل )
اسلام : لسة بيزعق ؟
عز : انت عارف ابوك لما يكون جدك جاي لازم يوتر امنا ويخنقنا ! 
اسلام : حظه قمر الدنيا زحمة اوي انهاردة !
عز : هنعمله ايه بقا
( ف البيت )
عزة : م تهدى ي وائل متتعصبش ع الولا كدة !
وائل : ي عزة بقالهم سنة ف السكة !
عزة : الله مش سايبين شغلهم لما اتصلت بيهم وجايين !
وائل : انتي عارفة لو بابا وصل وملقاش الكل ف استقباله هيفكر بنقلل من قيمته ومش هيعديها ، وانا مش عاوز نكد من اول الزيارة كدة !
عزة : معلش اكيد في حاجة معطلاهم ف الطريق انت عارف الزحمة ، ولو عمي وصل قبلهم نبقا نتحجج ب اي حاجة تغطي ع غيابهم ، بس متتعصبش ع عز كدة ليعمل حادثة ب اخوه ولا يجرالهم مصيبة دول لسة مدخلوش دنيا !
وائل : ي ستار ع فالك انتي كمان ، روحي شوفي الي وراكي يلا ، استعجلي الشغالين ف الغدا خلصي
عزة : ماشي
( تمشي عزة ويقربوا اتنين رجالة )
عصام : ايه مالك ؟!
مالك : حصل حاجة ؟!
وائل : لا مافيش حاجة ، الولاد اتأخروا بس !
عصام : طب انا لسة متصل ببابا وقال قدامه نص ساعة بالكتير
وائل : استغفر الله العظيم ، يارب يلحقوا ، انتوا عارفين ابوكوا بيحب الكل يبقوا حواليه وبيدقق ع التافهه !
مالك : لا هيلحقوا إن شاء الله ، متقلقش انت بس ومتوترناش 
( يدخل عز واسلام )
وائل : اخيراً شرفته ي اساتذة !
عز : والله السكة زحمة اسأل اسلام
اسلام : اة والله زفت اوي
وائل : طيب يلا بلاش رغي كتير اطلعوا غيروا هدومكم واجهزوا يلا
اسلام وعز : اوك ماشي
مالك : استنوا ، اومال فين مراد ؟!
( يتخض الكل ويبصوا لبعض كلهم )
مالك : فين مراد ؟
عصام : منزلش ليه ؟
اسلام ب ارتباك : مراددددد ..................
مالك بزعيق : انت هتمئمئ انطق !
عز بتوتر : مهوووو ، مراد مجاش الشركة انهاردة !
مالك بخضة : يعني ايه مجاش !!
وائل : هو مش بينزل معاكوا ي بني كل يوم ؟!
عز بتوتر : ايوة بس احنا خبطنا ع اوضته ياما الصبح ومحدش رد ومتربس الباب ، ف نزلنا احنا ع الشركة ، ومجاش هو
عصام : طيب اهي كملت بقا ي عم كملت !
( يمسك مالك الفون بسرعة يتصل بيه )
الصوت : الهاتف الذي طلبته غير متاح حالياً
مالك : مقفول
( يجري ع فوق يخبط ع باب الأوضة ويفتح الباب مبيفتحش )
مالك بزعيق : مراااااد ، انت ي زفت افتح !
وائل : مبيردش ؟
مالك : لأ
عصام : هاتوا اي مفتاح احطياطي خلينا نفتح
( يجري اسلام يجيب مفتاح ويفتحوا الأوضة ويدخله )
مالك : مافيش حد ، اومال راح فين دة !
( يطلع وائل البلكونة )
وائل : عربيته تحت 
عصام : يبقا اكيد ف البيت !
اسلام : ايوة مهو رجع من اللل ، احممم !
( يحط عز ايده ع وشه )
مالك : انتوا عارفين ايه بقا ومخبيينه ؟!
وائل ب انفعال : انطقوا جدكم زمانه جااااي !
اسلام : مهو اصلاً مش ف البيت ، من امبارح بالليل ف ال night club ، منعرفش جه امتى ولا مجاش اصلاً
عز ب انفعال : يخربيتك م تخرس بقااا
عصام : صح لازم يخرس ، م انت الي بتداري ع مصايبه ومعاه دايماً !
عز : انا ....................
مالك : خلصناااا ، دوروا عليه بسرعة ، اكيد سكران الأستاذ ومخمود ف اي حتة ف البيت طلاما عربيته تحت
( عز واسلام يبصوا لبعض )
مالك : يلا بسرعة
( يجري اسلام وعز يدوروا ف الأدوار الي فوق وينزلوا تحت )
دينا : في ايه ؟!
فرح : بتجروا كدة ليه ، جدو جه ؟!
عز : لا دوره ع مراد بسرعة مش لقيينه
نيرة بخضة : احيه !
( يجروا يدوره عليه )
اسلام : عز اجري قول ل ابوك يتصل بجدك يسأله بقا فين دلوقتي
عز : اوك
( يلف عز بسرعة يخبط ف فرح )
فرح : اااه !
عز : معلش ي قلبي !
فرح بحب : ولا يهمك ي وزتي
نيرة : انتوا لسة هتتغازله يلاااا !
دينا : م تنجز ي عز الله !
عز : ايوة ايوة
( يجري عز يقرب ع بباه )
عز : بابا اتصل شوف جدي فين
وائل : لسة عمك مكلمه قرب ع البيت
مالك : ملقتهوش ي عز ؟
عز : لا لسة
( يمشي عز )
مالك بغيظ : اقسم بربي م هعديهالك ي مراد !
عصام : ادي نتيجة دلعك انت ومراتك فيه ، مش معنى إنه الكبير إنك تسيبله كدة !
مالك بضيق : بالله عليك ي عصام انا مش ناقص تقطيمك دلوقتي !
( يمشي مالك )
وائل : م تهدى ي عصام انت مش شايفه متعصب ، بتسخنه اكتر ليه !
عصام : اسكت دة عيل صايع وكل يوم يرجع البيت سكران ويلففنا وراه ، دة مشوه سمعة العيلة ي عم !
وائل : انت بتحكيلي عنه كأني معرفهوش يعني م انا عارف الي بيحصل
عصام : يبقا متقوليش اهدى بقا
وائل : لا اهدى عشان ابوك زمانه ع وصول ومش ناقصين المصيبة تزيد مصيبتين !
عصام : مهو لو اخوك يتشجع مرة كدة ويعرف ابوك بلي ابنه بيعمله كان زمانه ادبهوله ومشاه ع العجين ميلغبطوش ، لكن ازاي يضايق المحروس ابنه يسيبه يطيح ف الدنيا احسن
وائل بزهق : طب قفل بقاااا
( تطلع دينا تدور ف الجنينة ، تلف ورا الڤيلا تلاقي مراد نايم نصه ف البُول ونصه برة )
دينا بخضة : يخربيتك ي مراد !
( تقرب عليه بسرعة وتزق فيه )
دينا : مراد ، مراااااد ، قوم ي بني انت !!
( ترش ماية ع وشه ، يفتح عيونه ويبتسملها )
مراد : مزتي