قصة { #حبك_حياة } 🌍🤍
الحلقة الثالثة عشر { ١٣ } 💍
سما : كل حاجة وليها حل ، خلي بالك انتي من نفسك بس وحرصي منه البني ادم دة ، لحد م نشوف هنعمل ايه
لايرا : حاضر
( تيم برة بيتكلم ف الفون )
تيم : ايوة ي زفت
علي : مالك بس ي عم ؟!
تيم بصوت واطي : البت مش جاية معايا خالص ، انا خلاص مش قادر استحمل اكتر من كدة
علي : انت لسة كل دة ، دة انا فكرتك مقضيها !
تيم : مقضيها ايه بس ، بقولك متنشنة جامد ع امي وكل شوية تاخد جنب وتعملي حوار لو قربتلها !
علي : بقولك ايه ، دي مهما كانت بت وانت الراجل هنا ، وكدة كدة انت اصلاً مش هتتجوزها ، يبقا خد الي انت عاوزه حتى لو بالعافية وارميها ف اي داهية ، والي انا متأكد منه إنك مهما عملت هتفضل معاك طبعاً لإنها ملهاش غيرك دلوقتي
تيم بتفكير : انت شايف كدة !
علي : والله حاول مرة كمان بالزوق ، منفعش بقا يبقا اتكل انت بس ومتقلقش ، وابقا طمني ي معلم
تيم بتنهيدة : ماشي
( تاني يوم ، توصل اوشة بيت لايرا وتغير هدومها وتلبس من هدوم لايرا بنطلون كاتينج رمادي وعليه بادي سماوي اوف شولدر وكوتشي ابيض وترفع شعرها )
ريان : هو اتصل بيا من عشر دقايق ، قرب ع البيت
اوشة : ماشي ، انت هتيجي معانا صح ؟
ريان : اكيد لأ
اوشة بخضة : ايه لأ ليه طيب ؟!
ريان : واحد وخطيبته رايحين يشوفوا قاعة فرحهم ، اروح انا اعمل ايه معاهم !
اوشة : انا هخاف اروح لوحدي
ريان : متخافيش بقا واتصرفي عادي ، بطلي التوتر دة عشان خنقتيني ، وامسكي البسي دة ، كويس إنه مخادش باله من ايدك امبارح
( يديها خاتم اري الفاتحة تلبسه )
ريان : اوعي يضيع منك او تقلعيه ابداً
اوشة : حاضر
ريان بقلق : ربنا يستر
( يرن فون ريان ، تتخض اوشة )
ريان : الو ، طب تمام ، هقولها تطلع ، سلام
اوشة : ايه ؟
ريان : اطلعيله ، مستنيكي برة
اوشة : ماشي
( تاخد نفس طويل وتعدل هدومها وبعدين تخرج ، تلاقيه فاتح السقف وقاعد ف العربية ولابس نضارة شمس ومستني ، تبصله ب هيام وبعدين تبلع ريقها وتقرب عليه بهدوء ، يبص ف ساعته ، يمسك الفون ، تقرب اوشة تفتح باب العربية ، يبصلها مراد )
اوشة بتوتر وهي بتقعد : انا جيت
مراد وهو بيمدلها ايده : ازيك ؟
( تبص لأيده وتتوتر وتفتكر سلام امبارح )
اوشة وهي بتبص لأيده : ممكن مسلمش ، اصل انا متوضية !
مراد : نعم !
اوشة وهي بتسلم عليه : بهزر بهزر ههههه ، روش كدة
( يبصلها ب استغراب ، تشيل ايدها منه بسرعة وتبص قدامها )
اوشة : مش يلا ولا ايه
( يسوق مراد ويمشي ، طول الطريق اوشة قاعدة مش ع بعضها متوترة وعمالة تفرك ف ايدها وف الكرسي ومراد ملاحظ )
مراد : عاملة ايه انهاردة ، شكلك لسة تعبانة !
اوشة بصوت واطي وهي بتبص للشباك جنبها : منهارة وحياتك !
مراد : ايه !
اوشة : ااا لا انا زي الفل ، كويسة خالص
مراد : اممممم ، هو فعلاً فونك بايظ ولا انتي الي مش عاوزة تردي عليا ؟
اوشة : ومش هعوز ارد عليك ليه بس ؟!
مراد : عشان دبستك ف الجوازة مثلاً
اوشة ب استغراب : دبستني !
مراد : اهااا
اوشة : ان .......................
مراد : ع العموم انا بقول الي فات مات يعني
اوشة : ايوة انا برضو بقول كدة ، احنا نفتح صفحة جديدة مع بعض
مراد بشك : اممممم ، فيكي حاجة غلط !
اوشة بخضة : ايه ي عم مالي ؟!
مراد : عم !
اوشة : ااا ي حبيبي
( يفرمل مراد مرة واحدة يخضها )
مراد : حبيب مين ؟!
اوشة : في ايه ي مراد مالك ؟!
مراد : مالك انتي ي لايرا ؟!
( تتوتر اوشة )
اوشة : انا تعبانة والله ومش مركزة ، معلش استحملني اليومين دول معلش !
مراد : والله انا معنديش مشكلة ، بس تفهميني بتعملي كدة ليه !
اوشة : فيك من يكتم السر ؟
مراد : اكيد !
اوشة : انا اكتشفت إني عندي انفصام ف الشخصية
مراد : والله !
اوشة : ايوة ، ساعات ببقا شخصية غريبة كدة زي الي انت شايفها دلوقتي دي ، ف بخرب الدنيا وببوظها ، وربنا هبوظها !
مراد بعدم اقتناع : اممممم ، واضح !
اوشة : شفت بقا ، انا مكنتش عاوزة اقولك عشان متزعلش عليا
مراد : انتي بتستهبليني ي لايرا ، هو الي عنده انفصام لما بيتغير بيبقا عارف إنه عنده انفصام وإنه متغير !
اوشة ب ارتباك : ااا لا انا بهزر معاك ، انفصام ايه وبتاع ايه ي عم ربنا يعفينا يارب
( يفضل باصصلها وميردش )
اوشة : م تمشي بقا ، ولا هنفضل واقفين كدة ولا ايه !
مراد : لا هنمشي
اوشة : طب يلا عشان ورايا حاجات
مراد : حاجات ايه ؟!
اوشة : حاجات بنات ، ابقا اقولك لما نتجوز
مراد بصدمة : ايه !
اوشة : يلا ي عمييييي
مراد وهو بيشغل العربية : لا كدة كتير وربنا !
( يسوق مراد ويمشوا ، ف كافيه ، زين قاعد مع صاحبة مراد )
هايدي : امممم ، بس انا مقدرش اعمل كدة ف مراد !
زين : خمسين الف جنيه يخلوكي تقدري ؟
هايدي : هههههه خمسين الف جنيه ، دة انت مبذر اوڤر ي باشمهندس ، دلوقتي عرفت ليه انت دايماً بتخسر قدامه ، اتاريك طلعت بخيل اوي ، مراد اكرم منك بكتير مع الناس ع فكرة !
زين بنفاذ صبر : عاوزة كام خلصي
هايدي : ربع مليون
زين بخضة : نعممم ، ليه يعني ، اومال لو قلتلك اقتليه هتاخدي كام !
هايدي : والله ساعتها نبقا نتحاسب ، ودة تمنه غالي اوي
( يبصلها ب استغراب ع ردها )
زين : هما ٢٠٠ الف موافقة موافقة مش موافقة انا هتصرف
هايدي : موافقة
زين : تمام ، نتكلم ف المهم بقا
هايدي : طب مش نتكلم ف البيت احسن ؟
زين ب ابتسامة : نتكلم ف البيت
( يوصل مراد واوشة قدام الأوتيل ، يركن مراد وينزله ، تلف اوشة وهي مش متوازنة مع الكعب وف نفس الوقت مندفعة ف مشيتها كالعادة ، تتكعبل وهي بتقرب ع مراد يسندها )
اوشة بخضة : احيه لامؤخذة !
مراد : بتلبسوه ليه لما انتوا مش قده !
اوشة : والنبي يخويا م اعرف
مراد : ي بت انتي فيكي حاجة غلط اقسم بالله !
اوشة : م خلصنا بقا م انا زي الفل قدامك اهو ، ولا انت حابب ارجع متكبرة زي الأول ومش طيقاك ، لو حابب كدة اوك اي دونت مييين
مراد : مين !
اوشة ب ارتباك : اااا مان باين !
مراد : بس ي لايرا ، بس امشي !
اوشة : اوكااااي
( يدخله الأوتيل )
اوشة ب اعجاب : الله واكبر ايه الحلاوة دي
( يبصلها ب استغراب )
مراد : عجبك ؟!
اوشة : اوي اوي ، دة يجنن
مراد : طب كويس !
( يقرب عليهم راجل )
يونس بترحيب : مراد بيه اهلاً بحضرتك ، نورت المكان
مراد : الله يخليك
يونس وهو بيمسك ايد اوشة : نورتي ي لايرا هانم
( يبوس ايدها ، تتخض وتشد ايدها منه )
اوشة ب انفعال : ايه يابااااا ، انت فاكرها مهلبية ولا ايه ، ايدك ي حبيبي لمتشوفهاش تاني !
( مراد ويونس يبصولها بصدمة )
يونس ب ارتباك واحراج : اااا انا اسف ي هانم ، انا بس برحب بحضرتك ، انا اسف !
اوشة : معلش كدة ، ترحب من بعيد احسنلك
مراد ب احراج : لايرا خلاص !
اوشة : خلاص عشانك بس ماشي
( تسكت )
يونس : ااا اتفضلوا يفندم نشرب حاجة ف مكتبي
مراد : لا معلش خلينا نشوف القاعة عشان مستعجلين
يونس : الي تؤمر بيه حضرتك اتفضل
( يدخله القاعة ، تتصدم اوشة من جمالها )
اوشة ب اندهاش : اللهم صلي ع النبي
مراد : ايه رأيك ؟
اوشة بفرحة : مش مصدقة إننا هنعمل هنا الخطوبة ، جميلة اوي مشاء الله ، تجنن
يونس : ممكن نغير ال ......................
اوشة : لا لا متغيرش ايوتها حاجة ، هي كدة زي الفل
أنت تقرأ
قصة : ( حبك حياة ) ل سهيلة سعيد المنجي
Roman d'amour_متدورش ع الي يشبهك ف تفاصيلك ، دور ع الي يطلعها ، كتير ميشبهوناش وعننا مختلفين بس وجودهم هيكملنا وهنكون متفقين .
