قصة : { #حبك_حياة } 🌍🤍
الحلقة السابعة والعشرون { ٢٧ } 💍
الدكتور : إن شاء الله هيطلع ، بس هيحتاج شوية وقت
( يطمن مراد ، ف بيت لايرا ، ريان قاعد مع ابوه )
الاب ب انفعال : عاجبك كدة ، اديك اتفصلت من شغلك ، بتتصرف من دماغك ليه !
( ميردش )
الاب : مرجعتليش تسألني ليه ، م ترد !
ريان : انا عملت كل دة عشانا ، وعشان سمعة العيلة ، انت ازاي جاي تلومني !
الاب : عيلة ايه ي استاذ م خلاص بقت سيرتنا ع كل لسان ، وحضرتك مستقبلك ضاع !
ريان : كله بسبب بتك ، هي الي فضحتك مش انا ، حاسبها هي
( يمشي ريان ، يعدي الوقت ، يوصل مراد اوشة تحت بيتها )
اوشة : مش هطول عليك ف الكلام لإن باين إنك مش طايق تسمع صوتي ، بس لو وجودك انهاردة شفقة او عطف ف انا مش محتاجة دة منك ي مراد
( تنزل م العربية ، يتنهد مراد ويمشي ، تعدي الأيام وتفتح اوشة البيوتي سنتر ، يفتح مراد شركته الخاصة وياخد شيرين يشغلها معاه ، لايرا تسافر تكمل دراستها برة ، بيروح مراد وقت استشارات اوشة يوصلها المركز عشان العلاج بس من غير كلام معاها ولو هي اتكلمت بيتجاهلها )
*( بعد مرور شهرين )*
( ف شركة مراد ، شيرين ف مكتبها هي وكذة موظف ، يدخل مراد ، يقفوا الموظفين ، يشاورلهم يقعده ، يقرب يقعد ع مكتب شيرين )
شيرين بصوت واطي : ي عم انت بطل تنطلي كل شوية ، شككت الموظفين فيا !
مراد : فكك منهم ، عاملة ايه ؟
شيرين : كويسة ي سيدي
مراد بفضول : وهي ؟
شيرين : بدل م بتسألني انا كل يوم اسألها هي !
مراد : اخلصي وبطلي رغي
شيرين : كويسة والله ، متقدملها عريس ع فكرة
مراد بخضة : نعم ، عريس ايه ؟!
شيرين : واحدة من زباين الكوافير عجباها وعاوزة تجوزها ابنها
مراد : وهي موافقة ؟
شيرين : لأ
( يرتاح مراد )
شيرين : بس انا بحاول اقنعها
مراد ب انفعال : نعم يختي !
( يبصوله الموظفين )
مراد بصوت اوطى : انتي عاوزة تشليني !
شيرين : مهو الي انت بتعمله دة مينفعش ، انت بتسألني عليها كل يوم ، ف ي تروح تصالحها ي تسيبها تشوف حياتها بقا !
مراد : وانا الي عملتك صاحبتي ، اتاريكي واطية شبه اختك !
شيرين : هههههه تشكر ي سيدي
مراد : قومي ي بت روحي انتي مطرودة انهاردة
شيرين : اخلع بقا عاوزة اشوف شغلي
مراد بتنهيدة : ماشي
( يمشي مراد ، يعدي الوقت ، عند اوشة ف الكوافير ، قاعدة عروسة واوشة بتلبسها الحلق )
العروسة : من وقتها مشفتهوش تاني ؟
اوشة : لأ خلصنا الأستشارات بقا
العروسة : طب مش اختك شغالة معاه ، م تروحيلها الشغل بحجة إنك تشوفيها وشوفيه
اوشة : هي شغالة عنده مش معاه ، يعني هي ف مكان وهو ف مكان تاني خالص شركته كبيرة ، يعني بالصدفة لو شفته ، دة إذا حصل
( تخلص وتمسك الطرحة تلبسهالها وتظبطهالها )
العروسة : طب هو خطب تاني او اتجوز ؟
اوشة : وهو لو خطب تاني او اتجوز انا هحكيلك ليه ، ركزي معايا ي عروسة !
العروسة بحيرة : مش عارفة والله ، اصل الموضوع مكعبل اوي !
اوشة : هو انا محكيش لحد ويقولي خلاص انا هتصرف !
العروسة : ههههه معلش
اوشة : قومي يختي ، قومي عقبالي
العروسة : يارب ي قلبي
( تدخل فرح ونيرة )
فرح : قلتلك هو !
اوشة بفرحة : ايه دااااااا !
( تجري عليهم تحضن فيهم )
نيرة : وحشتينا اوي
اوشة : وانتوا بالأكتر وربنا ، فيكوا الخير والله
فرح : لفينا كتير عقبال م عرفنا العنوان
اوشة : اخس عليا معلش ، تعالوا تعالوا
( تقعدهم )
اوشة : بت ي صابرين ، روحي هاتي اتنين حاجة ساقعة بسرعة
صابرين : عنيا حاضر
( تجري صابرين )
اوشة : كنزات هاااا متستخسريش
صابرين : حاضررررر
اوشة بفرحة : منورني وربنا منورين
فرح : احنا معطلينك ولا حاجة ؟
اوشة : لا لأ دة انا لسة مخلصة
نيرة : م تيجوا نطلع برة ، ريحة السيشوار خنقتني معلش !
اوشة : اة ي حبيبتي تعالوا
( يطلعه يقفوا برة )
اوشة بتردد : اااا مراد عامل ايه ؟
نيرة : كويس الحمدلله
اوشة : وانتوا عاملين ايه ؟
فرح : احنا تمام ، المهم طمنينا عنك انتي
( بعد دقايق ، تركن عربية ع جنب وينزل منها تيم ويقرب عليهم )
اوشة : اديكوا عرفته العنوان بقا عشان تبقوا ............................
تيم : كنت متأكد إنك مسافرتيش !
( يبصوله ب استغراب )
اوشة : نعم ؟!
تيم وهو بيمسك ايدها : تعالي معايا ، عاوز اتكلم معاكي
اوشة ب انفعال : ايدك يابا لقطعهالك !
تيم : بقولك تعالي دقتين !
اوشة : اجي فين هو انا اعرفك !
فرح : انتي متعرفيهوش ؟!
اوشة : ولا عمري شفته !
تيم : نعم ، هتستهبلي ي لايرا !
اوشة بفهم : اااه لا انا مش ليرا دي ي حبيبي انا اوشة
تيم بضحك : اوشة اخت مليجي ههههه
اوشة : اااه دة الحلو جاي يهزر بقا !
تيم : اومال اسيبك تهزري لوحدك ؟
فرح : ي استاذ انت دي مش لايرا بجد دي واحدة شبها
تيم : حلو اوي الفيلم دة ، بس برضو هتيجي معايا
( يشدها من ايدها ع العربية )
فرح بخضة : ايه دة سيبهاااا !
اوشة بصريخ : اوعا يالاااااا !
( يركبها العربية بالعافية والبنات يحوشوه يزقهم ويركب ويمشي )
نيرة : دة خدها ومشي ، هنعمل ايه ؟!
( تمسك فرح الفون )
فرح : الو ، عز الحقنا
( بعد شوية ، ف نفس المكان ، واقف مراد وعز مع البنات )
فرح : وطويل كدة وشعره خفيف
مراد بخضة : ينهار اسود ، دة تيم !
نيرة : تيم مين ؟!
مراد وهو بيمسك الفون : حبيب لايرا
فرح بخضة : احيه يعني ممكن يعمل فيها حاجة !
مراد : رد بقااا ، الو ، ريان عاوز رقم اختك ، ايوة رقم اختك الي ف امريكا وبسرعة
( يشاور ل عز إنه يطلع تليفونه )
مراد : 00*********
( يكتبه عز ، يقفل مراد )
مراد : اتصل بسرعة
( يتصل عز ويديله الفون )
لايرا : الو
مراد : لايرا انا مراد
لايرا ب استغراب : عاوز ايه ي مراد ، وجبت رقمي منين ؟!
مراد : مش وقته ، انا عاوز اي عنوان ل تيم ، بيته او اي حتة تخصه
لايرا ب استغراب : ودة ليه ؟!
مراد : تيم خطف اوشة ومفكرها انتي ومنعرفش هما فين
لايرا بخضة : بتهزر !
مراد : مبهزرش وربنا ، خلصي ابوس ايدك
( تقوله عنوان بيته ، عند بيت تيم ، قدام الڤيلا ، يركن تيم واول م يقف تفتح اوشة باب العربية وتجري ، ينزل تيم ويجري وراها يمسكها )
اوشة وهي بتزقه : اوعاااااا !
تيم : ي بنتي اصبري هتكلم معاكي في ايه !
اوشة : وحياة امك انا مش هي ، وربنا م هيااااا !
تيم : متخافيش مش هعملك حاجة ، هندخل نتكلم ونتفاهم ، انتي عارفة إني بحبك ي لايرا
اوشة بزعيق : ي بني انت انا مش ام زفتاااااااا !
تيم : يعني انتي مش عاجبك الزوق ، تمام نمشيها عافية بقا
اوشة : عافية مين يالا ، دة انا كنت شوهتك ، لو قربتلي هطلع عين ..........................
( وفجأة ، تلاقي قلم نزل ع وشها )
اوشة بصريخ وخضة : عااااا ، طب نتفاهم طيب حضرتك !
تيم بغضب : امشي قدامي احسنلك ، انا جبت اخري منك !
اوشة : طيب حاضر بالراحة طيب !
( تمشي قدامه وبعدين تلف وتطلع تجري ، يجري وراها يمسكها من هدومها يتقطع البادي وتقع ف الأرض ، يقرب عليها تقوم تجري منه ، يمسكها تضربه بالقلم ، يضربها وهي تضربه ، وفجأة ، تديله شلوت تحت الحزام ، يقع تيم ع الأرض م الوجع )
تيم بوجع : ااااااه !
اوشة : م قلتلك مش هي ، لازم كنت اثبتلك يعني !
( يدخل مراد وعز )
اوشة وهي بتضربه بالشلوت : عاوز تغتصبني ي بن الجزمااااا !
مراد بصدمة : هي دي الي جاي انقذها !
عز : منظرك بقا وحش اوي !
( تلمحه اوشة )
اوشة وهي بتجري عليه : مراد الحقني !
مراد : الحق مين فيكوا ؟!
اوشة : دة عاوز يغتصبني الحيوان !
عز : دة انتي الي مغتصباه ، دة الولا قطع الخلف !
اوشة : اومال اسيبه يهكر عرضي !
مراد : قصدك ينتهك عرضك ؟!
اوشة : اياً كان
مراد : عدي قدامي ي اوشة عدي !
( تركب اوشة مع مراد وعز يركب عربيته ويمشوا )
اوشة : وقف شوية معلش
( يبصلها )
اوشة : وقف
( يركن ع جنب )
اوشة : انت ليه جيت ؟!
أنت تقرأ
قصة : ( حبك حياة ) ل سهيلة سعيد المنجي
Roman d'amour_متدورش ع الي يشبهك ف تفاصيلك ، دور ع الي يطلعها ، كتير ميشبهوناش وعننا مختلفين بس وجودهم هيكملنا وهنكون متفقين .
