قصة : ( حبك حياة ) ل سهيلة سعيد المنجي

الحلقة ٢٣ و ٢٤

قصة : { #حبك_حياة } 🌍🤍

الحلقة الثالثة والعشرون { ٢٣ } 💍

لايرا : اة انا بخير
مراد : شكلك متضايقة !
لايرا : لا لأ تعبانة بس ، انت عارف تجهيزات الفرح وكدة
مراد : من امبارح وانا قلقان عليكي !
لايرا : ليه ؟!
مراد : حسيت إنك بتعيطي وانا بكلمك ، وبعدها لخصتي معايا ف الكلام ، ف استغربت !
لايرا : لا انا تمام متقلقش
مراد : شيلتي الأكستنشن ؟!
لايرا ب استغراب : اكستنشن ايه ؟!
( ميردش مراد باصصلها ب استغراب )
مراد : ولا حاجة !
لايرا : م تيجي نقعد ، انا مليت
مراد : اوك !
( لسة هيروحوا يقعده تشتغل اغنية بنت الجيران ويدخل حسن شاكوش وعمر كمال بيغنوها ، يتفاجئ الكل وينفعله معاهم )
لايرا ب استغراب : ايه دة ، جايب شاكوش الفرح !
مراد : ايوة مش انتي الي طلبتيه !
( تفتكر لايرا اوشة )
لايرا : ايوة اة ، يلا نقعد طيب !
مراد : نقعد ايه احنا ف فرحنا ع فكرة !
لايرا : يعني ايه فرحنا ، يعني البس بدلة رقص واجي ارقص !
مراد : لا نقعد طبعاً !
( تسيبه لايرا وتروح تقعد ، يبصلها مراد ب استغراب ويروح يقعد جنبها بضيق ، ف بيت اوشة ، قاعدة مع اختها )
شيرين : انتي ازاي تعملي كدة ، انتي غلطانة اوي ي اوشة !
اوشة : كنت اعمل ايه يعني ، اخوها ظابط وهددني !
شيرين : كان يولع ولا إنك تتحطي ف موقف زي دة !
اوشة : ايوة انا كان لازم اعافر وارفض واصمم ع رأيي ، انا ندمانة اوي !
شيرين وهي بتطبطب عليها : خلاص ي حبيبتي ، الحمدلله إن الموضوع عدى ع خير وإنك كويسة ومعايا دلوقتي
اوشة ودموعها بتنزل : بس انا مش هشوفه تاني ي شيرين ، مش هشوفه تاني خلاص ، هو مش بيحبها والله دي كانت متكبرة عليه هو بيحبني انا ، المفروض انا الي اكون خطيبته انهاردة مش هي !
شيرين : لا ي اوشة ، اوعي تنسي إنك كنتي البديل مش هي ، دي حياتها وانتي استلمتيها لفترة معينة وخلاص دورك خلص وكل حاجة رجعت طبيعية تاني
اوشة : بس انا اتأذيت اوي ، بس الغلط مش عليهم ، انا الي هبلة واستاهل عشان وافقت
شيرين : انسي ي حبيبتي وإلا هتتعبي كدة
اوشة : انا مبعرفش انسى !
شيرين : بس انتي عارفة م الأول إن كل دة هييجي عليه الوقت ويخلص !
اوشة بعياط : كنت مكملة عشان حبيته ، ودة قمة الغباء ، كان المفروض من اول م حسيت بحبه كنت مشيت ، انا ليه كملت ، انا غبية اوي ي شيرين ليه كملت ، كل حاجة بينا خلصت بس انا هفضل احبه !
( يعدي اليوم ومراد مش طايق نفسه ولا لايرا طيقاه ، تخلص الخطوبة ، يفرمل مراد عند بيتها مرة واحدة يخضها )
لايرا : بالراحة !
مراد : انتي بتعملي كدة ليه ؟!
لايرا : بعمل ايه ؟!
مراد : كنتي كويسة ايه الي جرالك ، منكدة من ساعة م وصلتي الفرح ، حتى المغني مش طيقاه وانتي الي طلبتيه ، انا مفيش حاجة طلبتيها اليوم دة إلا ونفذتهالك ، ايه الي قالبك عليا كدة ؟!
لايرا : بليز ي مراد انا مش فايقة لنقاش ، انا طالعة انام
( تنزل لايرا م العربية ، يبصلها مراد ب استغراب )
مراد : بليز ونقاش !
( تاني يوم ، يطلع الصبح ، ف بيت اوشة ، قاعدة هي واختها بيفطره )
اوشة : اخيراً اتكرمتي ووافقتي تروحي انتي الشركة
شيرين : كلموني تاني ف قلت خلاص بقا هعملهم ايه ، مهي برضو فرصة زي دي مش هتيجي كل يوم
اوشة : عندك حق ، لو مش حابة تروحي وبالفلوس نفتح مشروع سوا نعمل كدة
شيرين : لا لأ انا عاجبني شغلي ف الشركة ، افتحي انتي البيوتي سنتر الي كان نفسك فيه ، انا ماليش ف شغل الكوافيرهرجية دة
اوشة : هههههه ماشي
( تعدي الأيام بين مراد ولايرا دايماً خناقات ومشاكل ، ف الشركة ، قاعد مراد مع عز )
عز : ازاي يعني !
مراد : مش عارف ، اتقلبت ٣٦٠ درجة ، رجعت تاني زي الأول مش طيقاني ولا انا طايق تصرفاتها ، حتى اسلوبها رجع راقي ولايرا مكانتش كدة م انت كنت شايفها فرفوشة اوي وتحسها جاية من حارة مش بنت ناس ، انا فكرت إن دي شخصيتها وإنها كانت متكبرة عليا وراسمة شخصية تانية ، لكن رجعت دلوقتي بشخصية زمان ، تكونش فعلاً عندها انفصام !
عز : انفصام ايه بس !
مراد بحيرة : اومال مالها طيب ، جرا ايه غيرها كدة من يوم الخطوبة ، في ايه بس !
عز : طب م تقعد معاها وتعرف منها في ايه
مراد : كلمتها كتير بتقعد تتعصب وبليز ومش فايقة ومش وقته وحاجة قرف !
عز : طب بص سيبها متضغطش عليها ، يمكن في حاجة عندهم ف البيت ومش عاوزة تقولك
مراد بتنهيدة : مش عارف بقا ، انا اتخنقت بجد !
عز : والله انت الي متغير مش هي !
مراد ب استغراب : ازاي يعني ؟!
عز : اتحججتلي يوم اري الفاتحة بحجة ف منتهى التفاهه ومجتش ، ومشيت م البيت ومعدناش بنشوفك فيه ابداً ، ولا حتى زيارات ، ولو عوزت تشوف حد بتقابله برة ي اما ف شقتك وعايش لوحدك ، وشغلك شوية وهتسيبه ، في ايه بالظبط ؟!
مراد : مفيش يعني ، حبيت استقر مش اكتر
عز : يرااااجل !
مراد : ايوة
عز : مش مصدقك صراحة !
مىاد : مش مهم ، انا مش فايقلك اصلاً
عز : طب قوم ننزل نتغدى قبل الأجتماع
مراد وهو بيبص ف ساعته : استنى طيب دة هيبدأ دلوقتي ، نخلصه الأول
عز : طب يلا
( ف بيت اوشة ، واقفة ف المطبخ بتغسل المواعين ، يرن فون )
اوشة وهي بتغسل ايدها : ايه دة ، هي نسيت تليفونها !
( تروح تمسك الفون )
اوشة : نسيته الله يخربيتك !
( تدخل تغير هدومها وتاخد الفون وتاخد فونها والمفاتيح وتنزل م البيت ، توقف تاكسي وتركب )
السواق : ع فين ي انسة ؟
اوشة : عاوزة انزل عند شركة ********* 
( يمشي السواق يوصلها قدام الشركة ، تنزل اوشة وتدخل )
الامن : البطاقة ي انسة
اوشة : دي بس اختي نسيت تليفونها ، هديهولها وامشي ع طول
الامن : لازم البطاقة معلش
اوشة : طيب
( تديله البطاقة وتدخل ، تدور ع مكتب شيرين وتطلعلها )
اوشة : عاجبك المرمطة دي !
شيرين : اوشة !
اوشة : جبتلك تليفونك
شيرين : والله مش عارفة اقولك ايه ، دة انا اتهزقت انهاردة كتير بسببه ، عليه ارقام عملاء !
اوشة : طيب يختي امسكي ، وابقي خدي بالك من حاجتك
شيرين : تسلميلي يارب
اوشة : همشي انا
شيرين : اقعدي اشربي حاجة طيب
اوشة : لا عشان معطلكيش ، شوفي شغلك انتي ، يلا سلام
شيرين : سلام ، ع مهلك
( تمشي اوشة ، تاخد بطاقتها م الأمن وتقف توقف تاكسي ، يلمحها مراد وهو واقف عند عربيته مع عز ، يستغرب )
عز : يلا ي بني !
مراد : ايه الي جاب لايرا هنا !
عز : فين دي ؟!
مراد : ثواني ي عز !
( يمسك فونه ويتصل ع فون لايرا )
مراد : الو
لايرا : ايه ي مراد ؟
مراد : انتي فين ؟!
لايرا بصوت كله نوم : ف البيت نايمة ، في ايه بس صحتني !
مراد : ولا حاجة ، روحي كملي نوم !
( يقفل مراد ويقرب ع الأمن )
مراد : انت خدت بيانات البنت الي لسة خارجة م الشركة ؟
الامن : اكيد يفندم
مراد : طب وريهالي حالاً
الامن : حاضر ، اتفضل
( يدخله مكتب الأمن ويفتحله السجل )
الامن وهو بيشاور ع الأسم : هي دي
( يقرأ مراد الأسم )
مراد : اشجان احمد ابراهيم !
( يستغرب مراد )
مراد : اشجان مين !
( يطلع مراد الفون بتاعه ويسجل عليه رقم بطاقتها وبعدين يمشي )
عز : ايه في ايه ؟!
مراد : اركب
( يركبه العربية ويمشوا ، يحكيله مراد ف الطريق ، يوصله عند القسم ويدخله يعمله كشف عن الأسم ويشوف صورة بطاقتها ف يفهم إن دول شخصيتين ويفهم الحوار كله ، يعدي الوقت ، اوشة ف بيتها ، يرن جرس الباب ، تروح تفتح )
اوشة بخضة : مراد !!
( يفضل باصصلها )
اوشة ب ارتباك : انت ، انت عرفت المكان دة منين ؟!
مراد : م البطاقة ، ي انسة اشجان !
( تترعب اكتر )
اوشة : انا ..........................