قصة : ( حبك حياة ) ل سهيلة سعيد المنجي

الحلقة ١٧ و ١٨

قصة : { #حبك_حياة } 🌍🤍

الحلقة السابعة عشر { ١٧ } 💍

نيرة بزعل : مش طايقني !
عز وهو بيقوم : طب انا هتكلم معاه
( مراد طلع اوضته ، يطلع عز ويدخله )
عز : انت هتنام ولا ايه ؟
مراد وهو بيقعد ع السرير : لا لسة
عز : اومال طلعت ليه ؟!
مراد : تعبان شوية ، هريح
عز : هتفضل مبتكلمش نيرة كتير ؟
مراد بضيق : لا متفتحش الموضوع دة عشان بيخلي عفاريت الدنيا تتنطط قدام وشي لما بفتكر ف بلاش !
عز : ي بني ........................
مراد : عز بالله عليك سيبني انا هصفى لوحدي 
عز بيأس : ماشي !
( يعدي الوقت ، خلصت اوشة تجهيز حاجاتها وقاعدة ع سريرها وماسكة الفون ، تفتح الواتساب ، تلاقي رقم مراد ، تفتح صورته )
اوشة بهيام : اااااااه يما ، ازاي دة يتساب ، لا وتهرب كمان بسببه ، ازاي ميتحبش داااا !
( تفتح الشات وتفضل تهز ف رجليها ب توتر )
اوشة : ايه طيب متبعتي ، بس ريان باشا مقاليش ابعتله ، طب ايه ، وهو هيعرف منين إني بعت
( تبعتله )
اوشة : مساء الخير
( مراد نايم ع سريره ومولع سيجارة وفاتح ال tv ، يرن فونه بالمسچ ، يفتحها )
مراد : مساء النور
مراد :  مين ؟
اوشة : انا ليرا
اوشة  : لايرا
اوشة : سجل رقمي
مراد : لايرا !
مراد : اوك هسجله
اوشة : ماشي اوك 
مراد : عاملة ايه ؟
اوشة : الحمدلله ، وانت ؟
مراد : انا تمام
اوشة : حلوة القاعة اوي
اوشة : متشوقة ليوم الفرح
مراد : بجد عجبتك ؟
اوشة : اوي اوي
مراد : خلاص هانت 
اوشة : ب اذن الله
مراد : هتصل بيكي
( تتخض )
اوشة : لا استنى
مراد : !!
( تقوم تطلع البلكونة )
اوشة : رن خلاص
( يقفل ويرن عليها )
اوشة : الو
مراد : عاملة ايه ؟
اوشة : فل الحمدلله ، انت ازيك ؟
مراد : انا تمام ، مكنتيش عوزاني اتصل ولا ايه ؟!
اوشة : لا مش كدة ، بس كنت قاعدة مع ماما ، مش هعرف اكلمك براحتي قدامها وكدة
مراد : هتقوليلي كلام حب يعني ؟
اوشة ب ارتباك : اااا لا مش قصدي ، بس برضو يعني هتحرج اتكلم قدامها
مراد : اممممم
اوشة : انت نايم ؟
مراد : نايم ازاي وانا بكلمك !
اوشة : ايوة لا قصدي كنت نايم يعني ؟
مراد : لا صاحي
اوشة : بتعمل ايه ؟
مراد : ملان ، كنت بتفرج ع التليفزيون
اوشة : اشطااا
مراد : لايرا تغييرك دة قالقني !
اوشة : ليه بس ، انا ولا متغيرة ولا حاجة والله
مراد : لا متغيرة ، و٣٦٠ درجة كمان ، ودة مش مضايقني بالعكس ، بس قالقني !
اوشة : خلاص هرجع زي م كنت
مراد : لأ ، اوعي ترجعي زي م كنتي ، انا حابك كدة
( تبتسم اوشة )
اوشة : بس احلفلك ب ايه إني بطبيعتي معاك ، صدقني
مراد : عارف ، يمكن الأول كنتي بتحاولي ترسمي شخصية مش شخصيتك !
اوشة : ايوة فعلاً
مراد : طب ليه عملتي كدة ، انا مش وحش والله ، بتاع بنات اة وكل القرف دة بس لما بحب والله بصون ، انا مش وحش !
اوشة : انت مش وحش انا عارفة
مراد : وبعدين انهاردة بالذات حسيت احساس غريب اوي وانا معاكي غير كل مرة ، حتى ف الوقت الي كنا فيه حبايب وسوا برضو انهاردة كان مختلف ، انا شكلي هحبك بجد ⁦!
( تتخض اوشة وتبلع ريقها بالعافية )
اوشة ف سرها : يخربيت ام صوتك وكلامك ، كفاية انا بنهااااار !
مراد : لايرا انتي معايا ؟!
اوشة ب انتباه : ااا اة اة معاك ، لامؤخذة سرحت !
مراد : طب ايه ؟
اوشة ب احراج : ايه ، بقولك ايه روح نام بقا يلا
مراد : بتسربيني !
اوشة : اسربك ليه انت كلب !
مراد : يخربيت دبشك !
اوشة بندم : مش قصدي والله انا اسفة طيب !
مراد : ولا يهمك ، انا عاوز اشوفك
( تتخض اوشة )
مراد : ينفع تجيلي البيت بكرة ؟
اوشة ب انفعال : اجي فين ي عنياااا !
مراد : انتي فهمتي ايه ، هعزمك ع الغدا واعرفك ع اهلي
اوشة بفهم : ااااه بيت اهلك !
مراد : ايوة
اوشة : اة ماشي ماشي ، بكرة هكلمك
مراد : تمام اوك
اوشة : تصبح ع خير
مراد : وانتي بخير
( يقفله )
اوشة : وبعدين بقا ف درجة حلاوته الي عدت درجة غبائي دي !
( تفتح صورة البروفايل تاني وتفضل تتفرج عليها بحب وتعمل زوم ، تاني يوم الصبح ، تروح اوشة تعيش ف بيت لايرا ، ف بيت مراد ، مكان كله زرع وشجر وواسع اوي ، راكب مراد ع حصان ووراه فرح وماشي بسرعة جداً )
فرح بخوف : بالراحاااااااا هقع والله ، وقاااااااااف !
( يكمل مراد جري وهو بيضحك ، ينط الحصان من فوق جزع شجرة كبير )
فرح بصريخ : ي مراااااااد !
( يبدأ يهدي السرعة ويقف )
مراد : ايه الصريخ دة كله !
فرح : ااااه !
مراد : بتركبي ليه طلاما كل مرة هتصرخي كدة !
فرح : وانت كل مرة تقولي همشي بالراحة وتستغفلني !
مراد وهو بيضربها ع دماغها : اجمدي كدة ابت
فرح :  ي عم اوعا مش راكبة معاك تاني ابداً
( تنزل من ع الخيل ، يرن فونها )
فرح : الو
عز : انتي فين ي فرح ، ملقتكيش ف اوضتك !
فرح : برة ف الأرض
عز : طب يلا تعالي عشان نفطر
فرح : اوك جاية
( تقفل فرح )
مراد : يلا نرجع ؟
فرح : بس انا مش هركب تاني ⁦
مراد : هترجعي مشي يعني ؟!
فرحة : اة مش مهم
مراد : اركبي والله همشي بالراحة
فرح : انت حلفت ⁦!
مراد : والله حلفت خلاص
فرح : ماشي
( يركبه الحصان تاني ويرجعوا ، يوصله قدام البيت ، عز واقف مستني فرح ، يشوفها راكبة ورا مراد ، يتضايق ، ينزل مراد من ع الحصان ويسند فرح ينزلها )
مراد وهو داخل : صباحوو ي شبح 
عز بضيق : صباحو
( يدخل مراد ، تقرب فرح ع عز )
فرح : ايه مالك ؟!
عز : ياريت متركبيش مع مراد تاني !
فرح ب استغراب : ليه ، في حاجة ؟!
عز : كدة وخلاص
فرح : انت بتغير من مراد ي عز ، دة اخويا !
عز ب انفعال : ممكن تسمعي ام الكلام انا ع اخري !
فرح بتوتر : طب اهدى طيب لحد يسمعك !
عز : ادخلي
فرح : حاضر !
( يعدي الوقت ، تلبس اوشة فستان ابيض مشجر ف اسود نص كم وطويل فيزون مفتوح من قدام شوية وواخد وضع جسمها الكيرڤي بفاتحة صغيرة تحت من ورا وصندل كعب اسود بسيط وشنطة سودة وميكب نود وترفع شعرها كالعادة عشان ميبانش طوله ، يوصل مراد قدام البيت وينزل م العربية ويمسك الفون ، يرن فون اوشة )
اوشة : الو
مراد : انا قدام البيت
اوشة : انا خلصت اهو وطالعة
مراد : اوك
( يقفل مراد ويستنى ، تاخد اوشة شنطتها وتنزل تاخد السلم جري وتطلع برة البيت ، تشوفه واقف ساند ع عربيته لابس بنطلون چينز تلجي كاتنج وقميص ابيض باز عضلاته ورافع الكم وكوتشي ابيض ، تاخد اوشة نفس طويل وتقرب عليه مندفعة ف مشيتها كالعادة )
اوشة ب ابتسامة عريضة : ازيك ؟
مراد وهو بيبصلها : الحمدلله ، ايه الحلاوة دي !
اوشة : الله يخليك والله انت الي حلو 
مراد ب ابتسامة : تسلمي
( يفتحلها باب العربية ، تركب ويركب ويمشوا ، ريان واقف ف الشباك شايفهم ، يمسك الفون )
ريان : الو ، مفيش اي اخبار عنها ، لسة ، شد حيلك شوية طيب ، ماشي ، سلام
( ف بيت مراد ، البنات ف المطبخ مع الشغالات وامهاتهم )
دينا : انا مش عارفة عزومة ايه وبتاع ايه ، مش لما يبقوا يتخطبه الأول !
ام دينا : وفيها ايه مهو مقري فتحتهم !
ام عز : كدة احسن عشان تاخد علينا
ام مراد : بس اسمع من مراد إنها متكبرة اوي ! 
دينا : ايوة ، واصلاً مش طيقاه !