قصة : ( حبك حياة ) ل سهيلة سعيد المنجي

الحلقة ٧ و ٨

قصة : { #حبك_حياة } 🌍🤍

الحلقة السابعة { ٧ } 💍

لايرا : جاية وراك
( يمشي ريان ، تقوم لايرا تاخد نفس طويل وتنزل ، يشوفها مراد ، يفضل باصصلها ، تقرب تسلم ع جده وبباه وتروح تقعد جنب بباها )
الجد : مشاء الله زي القمر ي لايرا
لايرا بكسوف : تسلم ي عمو
مالك : طب نسيب العرسان مع بعض شوية بقا
الجد وهو بيقوم : ورينا جنينتك ي غريب 
ابو لايرا : اة اتفضل ي باشا
( يمشوا الأهل )
مراد ل لايرا : اظن مفيش احترام اكتر من كدة
لايرا : لو مفكر بلي عملته دة بتغصبني ف انت بتحلم !
مراد : انا معملتش حاجة وحياتك ، انا قاعد ف امان الله لقيتهم عاوزين يجوزوني وليكي بالتحديد ، ف بعد تفكير طويل وافقت إني اجي اتقدملك
لايرا : كماااان ، يعني مش جاي بمزاجك !
مراد : مش بمزاجي ، بس مش غصب عني
لايرا : برضو انسي إني اوافق عليك
مراد : اومال ايه الي مقعدك معايا دلوقتي ؟!
لايرا : عشان خاطر بابا مش اكتر
مراد وهو بيغمزلها : طب وعشان خاطري ؟
لايرا وهي بتضير وشها : استغفر الله العظيم يارب ، بطل اسلوبك دة !!
مراد : انتي قاعدة قدام كافر م تهدي كدة وصلي ع النبي ونفتح صفحة جديدة
لايرا : انسى
مراد : لا دة تيم طلع مسيطر اوي !
لايرا : اوي يعني
مراد : انا مبتهدش ع فكرة ، وعندي استعداد اخلي تيم الي انتي فرحنالي بيه دة يتصل بيكي حالاً ويقولك مش عاوز اشوف وشك دة تاني ويشتمك بالأم كمان
لايرا : كرهني فيك اكتر ي مراد !
( يقرب ريان )
ريان : ايه ي شباب ، ايه الأخبار ؟
مراد : لا تمام اوي
ريان ل لايرا : انا ومراد صحاب من زمان ، بس شغلي بقا خدني م الصحوبية دي
لايرا : اممممم
مراد : هشوفك كتير بقا الفترة الجاية
( تبصله لايرا )
ريان : اكيد
( يبصلها ويبتسم ، تضير وشها ، يعدي الوقت ويمشي مراد واهله بعد م يحدده الخطوبة بعد شهرين ، لايرا قاعدة مع اهلها )
لايرا : بص ي بابا ، دة لو اخر بني ادم ع وجه الأرض انا مش هتجوزه ⁦
الاب : ليه ي لايرا ؟!
لايرا : كدة ، دة بني ادم فاسد وبتاع بنات !
ريان : لما تتجوزه هيتعدل ويتلم
لايرا : لا لما نتجوز هيخوني ، وانا مش عاوزة اعاني بعد كدة ! 
ريان : وانتي يعني خلاص قررتي إنه لما يتجوزك هيخونك !
لايرا ب اصرار : انا قلت لأ يعني لأ
ريان ب انفعال : طب ايه رأيك بقا هتتجوزيه
لايرا ب انفعال : مش هتغصبني ي رياااان !
الاب بزعيق : بس انتوا الأتنين ، قوليلي سبب واقعي اقوله للناس ، انا مش هروح اقولهم اصل ابنكم بتاع بنات وهيخون بنتي لما يتجوزها !
لايرا : بس دي الحقيقة انا مش بكدب !
الاب : بس لو قلتها فيها اهانة ليهم ، انا مينفعش اقول كدة ، ومينفعش ارفض نسب زي دة !
لايرا : يعني ايه ؟!
الاب : يعني في حاجة اسمها فترة خطوبة تقدري وقتها تقرري او ع الأقل تلاقيلي سبب تاني اقدر اقوله لجدو
( متردش لايرا وتطلع اوضتها ع اخرها )
ريان : تصرفاتها هتودينا ف داهية ، قاسم بيه مش هيسكت لو رفضت حفيده ولبسبب زي دة حتى لو كان صح ، ومتنساش إن في بينكم شغل
الاب : عارف
( يعدي الوقت ، ف بيت مراد ، يوصل هو واهله ويدخله ، الكل قاعدين )
الجد وهو بيقعد : باركوا للعريس ، خطوبته بعد شهرين
( تتخض دينا )
الكل : مبروك ، الف مبروك
مراد : الله يبارك فيكم
عصام : ع الله ربنا يهديك بقا وتتلم كدة
مراد : إن شاء الله
( تقوم دينا تمشي وهي خلاص هتعيط ، يبصلها مراد وفرح ونيرة يبصوا لبعض ، تاني يوم ، لايرا ف اوضتها نايمة ، تدخل مامتها )
الام : لايرا اصحي الكلية هتفوتك
لايرا : معنديش انهاردة
الام : طب قومي افطري
لايرا : مش جعانة
الام : وبعدين ف عِندك ده !
لايرا : انتوا الي بتعاندوا مش انا
الام : ابوكي عمره م قال كلمه ومتنفذتش ، وكمان اخوكي مقتنع
لايرا : بس انتي امي والمفروض تقفي جنبي انا !
الام : انا واقفه جنبك لكن مقدرش اعارضهم ف كدة
لايرا : يبقا خلاص سبيني بقا ف حالي
الام : برضو !
لايرا : ايوة
الام : طب واخرتها ؟
( متردش لايرا وتقوم تلبس وتمشي ، ف بيت مراد ، قاعدة دينا مع فرح ف اوضتها )
فرح : م قلنالك بلاش انتي الي عشمتي نفسك ع الفاضي ، مستنية ايه تاني ؟
دينا : بقولك ايه متقعديش تأنبي فيا بقااا
فرح : انا عوزاكي تفوقي لنفسك ، فكرك اصلاً حتى لو مراد متجوزش لايرا دي واتقدملك انتي بابا هيوافق عليه ، دة يقبل العمى ولا يقبل مراد ابداً م انتي عارفة !
دينا : قلت يمكن لما يلاقيه وقتها بيحبني وعاوزني يوافق
فرح : والله م يوافق لو حصل ايش باللذي
دينا بضيق : اهو اتنيل خطب وخلصنا
( عند لايرا ، قاعدة مع واحدة صاحبتها ف مطعم )
الجرسون : تؤمره ب ايه ؟
لايرا ل سما : تاكلي ايه ؟
سما : اتنين شاورما وواحد برجر وكانز بيبسي
لايرا ب اندهاش : ايه دة كله ، انتي شايلة اللوز قبل متيجي !
سما : هه هه رخمة ، اطلبي يلا اما نشوف بنت الوزير هتطلب ايه
لايرا : كريب ميكس جريل وعصير رمان ، وهاتلها الي طلبته دة بس ع حسابها
سما : مدام ع حسابي هات عصير جوافة ي بني !
لايرا : هههههه
تيم وهو بيقرب عليهم : هدفع انا
سما ب استغراب : انت مين ؟!
تيم وهو بيقعد : مش تعرفينا
لايرا : سما دة تيم ، تيم دي سما صاحبتي
سما : اااه انت تيم ، ازيك ؟
تيم : الحمدلله ، روح هات اللى طلبوه
الجرسون : تحت امرك
( يمشي الجرسون )
لايرا ب استغراب : كنت بتعمل ايه هنا ؟!
تيم : كنت جاي مع احمد ولسة ماشي ف لمحتك قاعدة
لايرا : كويس إنك موجود ، كنت عاوزة اتكلم معاك
تيم : قولي
سما وهي بتقف : هشوف الأكل واجي
لايرا : اوك
( تمشي سما )
لايرا : بابا وافق ع مراد وقرروا خطوبتنا كمان شهرين
تيم بخضة : بتهزري !
لايرا : لا مش بهزر ، ومش عارفه اعمل ايه ، بتصل بيك من امبارح فونك مقفول !
تيم : ايوة كان فاصل وانا معرفش ، مافيش كدة غير الحل الي ف دماغي
لايرا : ايه هو ؟
تيم : قبل ايه حاجة ، انتي واثقة فيا صح ؟
لايرا : اكيد طبعاً
تيم : يبقا نسافر
لايرا بخضة : نسافر فين انت بتهزر ، عاوزني اسيب اهلي واسافر !
تيم : مش احسن م يجوزوكي الحيوان دة غصب عنك
لايرا : اكيد مش هيغصبوني ع حاجة زي كدة
تيم : اومال تسمي الي حصل دة ايه ؟
( تسكت لايرا )
تيم : ع العموم انا كام يوم ومسافر اظبط شوية حاجات ، لو عاوزة تيجي معايا تعالي ، ودي اسكندرية يعني مش مكان بعيد
لايرا بتوتر : لما اشوف بس
تيم بتنهيدة : ماشي ي لايرا
( بعد يومين من تفكير لايرا وزن تيم ، لايرا ف اوضتها بتجهز شنطة فيها هدومها وسما قاعدة معاها )
سما : ي بنتي فكري ، الي بتعمليه دة مصيبة !
لايرا وهي بتقفل الشنطة : كدة ولا كدة انا ف مصيبة ، لكن مصيبة بمزاجى احسن من غصب عني
سما بقلق : وانتي تضمني تيم دة منين ؟!
لايرا : تيم بيحبني وانا بحبه ، يبقا خلاص متوجعيش قلبي بقا
سما : طب هتروحوا فين ؟
لايرا : قالي شقة ف اسكندرية ، مش عارفة فين
سما بقلق : طب بالله عليكي لما توصلي طمنيني
لايرا : حاضر ي قلبي
( تدق الساعة تلاتة الفجر ، البيت كله نايم ، تنزل لايرا م البيت بهدوء ، تبعد عن الڤيلا شوية تلاقي عربية تيم واقفة ، ينزل تيم م العربية ياخد منها الشنطة يشيلها وتركب معاه ويمشوا )
لايرا بخوف : انا خايفة اوي ، قلبي هيقف !
( يمسك ايدها )
تيم : متخافيش ، كل حاجة هتبقا تمام