قصة : { #حبك_حياة } 🌍🤍
الحلقة الخامسة { ٥ } 💍
مالك : ابنك يستاهل عشان يبطل قلة ادب ، كل دة وعنده ٢٥ سنة ، اومال لما يوصل لسني هيعمل ايه !
كارولين : والله انا وانت عارفين كويس إنه مش طالع لحد غريب
مالك بفهم : عليكي نوووور ، ولما اتجوزتك هديت واتهديت ، يبقا لازم يتجوز عشان يتلم بقا
كارولين : اة وعقبال م دة يحصل يكون باباك كسحهولي مش كدة !
مالك : ابويا فاهم هو بيعمل ايه متقلقيش ، كل دة ف مصلحته ، وانا ياما خبيت وداريت وكنت بتكلم معاه راجل لراجل بس مجاش بفايدة ، يمكن تصرف ابويا يفيده
( مراد ف اوضته نايم ع سريره ورجله متجبسة وايده ملفوفة وحواليه ولاد عمه )
مراد بوجع : ااااه يماااااا ، اااااه !
دينا : ادي اخرة السرمحة ي استاذ !
عز بضحك : منظرك يجنن ههههههه
مراد : منظري ايه يروح امك ؟
عز بتوتر : اااا جميل ي حبيبي الف سلامة
مراد : حسبي الله ونعمة الوكيل ، الراجل دة جاب الصحة دي كلها منين !.
نيرة : اور عليه بقا يجيله سكر ولا ضغط !
مراد : دة انا الي جالي الضغط ، حقي عندك يارب
دينا وهي بتخبطه ف دراعه : انت تروح تصيع ومش عاوز تتحاسب !
مراد بوجع : اااااه ي بنت الجزمااااا ، انا مصعتش انا قلت الحقيقة
نيرة : اة ب امارة الوحمة
الكل : ههههههه
مراد : وربي هقوم انا اجيبلك وحمة
اسلام : ي عم اتنيل انت قادر تتحرك !
مراد : مسيري اخف واخد حقي منكم واحد واحد
نيرة : ايه دة بجد ؟
( تنط عليه هي والباقي )
مراد : ااااااه !
( الجد قاعد مع ابوا مراد )
مالك : طب اديني فرصة انا اتكلم معاه ولو مجاش بالكلام اعمل الي انت عاوزه !
الجد بحدة : ماااالك ، انا قلت قراري خلاص ، ابنك بس يخف وهيروح يتقدم للبنت ، انا كدة كدة كنت مخطط لدة قبل اي حاجة وكنت هفاتحه ف الموضوع انهاردة ، دة اخر كلام عندي ، وهيتنفذ من غير نقاش
مالك بقلة حيلة : طيب ، الي حضرتك تشوفه
الجد : ابقا عرفوا الكلام دة
مالك : حاضر ، بعد اذنك
الجد : اتفضل
( يقوم مالك يطلع ل مراد ، يفتح باب الأوضة ، يلاقي ولاد عمه قاعدين بيكتبوله ع الجبس وبيهزره ، يسكتوا اما يشوفوه )
مالك : سيبونا دلوقتي
( يقوم الكل يطلعه برة ، يقرب مالك يقعد قصاد مراد )
مراد بضيق : بابا بالله عليك لو هتقطمني ف كفاية اوي الي حصل فيا ، وكفاية لحد كدة تهزيق
مالك : جدك هيجوزك
مراد بخضة : ايه !!
مالك : دة قراره من ناحيتك
مراد ب استغراب : كدة فجأة ؟!
مالك : كان كدة كدة هيكلمك ف الموضوع دة قبل الي حصل
مراد : بس انا مقلتش عاوز اتجوز !
مالك : مظنش دلوقتي هيهموا رأيك ، هو مقرر خلاص
مراد : مقرر ايه هو انا عيل صغير ، انا راجل ومن حقي اختار شريكة حياتي !
مالك ب انفعال : الراجل ميعملش عمايلك دي ، لو تصرفاتك تصرفات راجل بجد كنا سيبنالك حياتك انت حر فيها ، انت الي حكمت ع نفسك بكدة ، ف متجيش دلوقتي تلومنا ع الي بيحصل !
مراد : طب ........................
مالك : خلصنا ، هو قال مش عاوز نقاش ف الموضوع دة
( يقوم الأب يمشي ، يتنهد مراد ، عز وفرح واقفين ف الجنينة )
فرح : طب احلف كدة ي عز إنك مكنتش مع مراد ؟
عز : انتي مش واثقة فيا ولا ايه ي فرح ؟!
فرح : لا واثقة فيك ، بس مش واثقة ف مراد وانت فاهمني كويس !
عز : مكنتش معاه ، رحتله النادي وملقتهوش
فرح : ومرجعتش ليه ساعتها ؟!
عز : قعدت انا مع صحابي
فرح : بس هو قال عز كان معايا لما عمل حوار صاحبكم الي زورتوه دة !
عز : اديكي قولتيها حوار ، كله كدب ومحصلش اصلاً
فرح بشك : اممممم !
عز : انتي مش مصدقاني ؟!
فرح : قلتلك انا مش واثقة ف مراد ولا ف السكك الي بيمشي فيها ، يعني كان ف شقة مع بنات وياريتها واحدة ، شفت حقارة اكتر من كدة !
( يتضايق عز من نفسه لإنه بيكدب مع إنه ملمسش حد )
عز بضيق : هو حر انا ماليش دعوة
فرح : ماشي ي عز
( مراد ف اوضته ، يرن فون عز )
عز : الو
مراد : انت فين ؟
عز : تحت
مراد : طب بكرة في اجتماع الساعة ١٢ ونص عشان المناقصة ، انا مش هعرف اروح عشان رجلي ، ف اوعا تنسى لتضيع علينا ، ساعتها جدك هيسلخني
عز : ماشي بس انت لازم تكون موجود معايا
مراد : هروحلهم متجبس يعني !
عز : عادي ي عم حادثة محدش هيدقق
مراد : طيب ماشي ، بس هاجي ع الأجتماع ع طول عشان مش قادر اغور ف حتة
عز : تمام ماشي ، انت مالك ، اتخانقت مع ابوك ؟
مراد : هبقا احكيلك بكرة اما اشوفك
عز : طيب ماشي ، باي
( يقفل عز )
فرح : في حاجة ؟!
عز : لا بيكلمني ف الشغل
فرح بشك : شغل برضو !
عز : اقسم بالله شغل ، وياريت بلاش كدة عشان مبحبش الجو دة ، متحسسنيش إني و*خ !
فرح : انا مش قصدي بس .......................
عز بحدة : سمعتي ي فرح ؟
فرح بضيق : ماشي ي عز
( يتنهد عز بضيق ، تاني يوم ، يوصل مراد الشركة وطبعاً متجبس وساند ع عكاز ، الكل باصصله ب استغراب )
عامل البوفيه : الف سلامة ي باشا !
مراد : الله يسلمك
بعض الناس : الف سلامة ي باشمهندش !
مراد : الله يسلمكوا
( يدخل ع مكتبه ، بعد دقايق يدخل عز )
عز : يلا الأجتماع بدأ
مراد وهو بيقوم : ماشي
( ف كلية فرح ، واقفة فرح مع صحابها وواقف شاب بعيد مع صحابه بيبصلها بغيظ وباين متعور ف وشه وفي كدمات )
عليا : بجد جدك الي عمل فيه كدة ؟!
فرح : معرفش ، هو قالي اتصرفت !
ميرنا : اكيد هو ، انتي كدة هتدخلي نفسك ف مشاكل معاه !
فرح بتنهيدة : والله انا زهقت م المشاكل
ميرنا : خلي بالك طيب
فرح بقلق : ربنا يستر !
( يعدي الوقت ، ف البيت ، البنات قاعدين سوا )
دينا بخضة : جدي الي قرر كدة !
فرح : ايوة ، عز بيقولي مراد ع اخره وف نفس الوقت ميقدرش يعترض بسبب الي حصل ، واصلاً جدي كان هيفاتح مراد ف الموضوع دة يوميها
دينا : اة هو دة الموضوع الي جدي كان عاوز مراد فيه ؟!
فرح : اة هو
دينا بحزن : يعني مراد هيوافق ؟
نيرة : جدك مش هيستنى رأيه انتي فاهمة ، لكن هو اكيد مش موافق طبعاً
دينا بضيق : اة
نيرة : دينا متزعليش ، هو مراد اخويا اة بس والله كنتي هتتبهدلي معاه
دينا ودموعها بتنزل : بس انا بحبه
فرح : بس احنا دايماً نقولك بلاش ونحذرك ، اولاً عشان استهتاره ، ثانياً عشان انتي قدامه دايماً ومقالش إنه بيحبك ، ودة ف حد ذاته غريب !
دينا : قلت هيتغير لما نتجوز ومسيره يعترفلي بحبه ، انا مش هسيب واحدة تانية تاخده مني !
فرح : شيليه من بالك احسن ي دينا ، مراد مينفعكيش ، هتدمري معاه ومش هتتصاني ، انتي غاوية وجع قلب ي بنتي !
( متردش دينا وتقوم تمشي )
فرح : متعلقة بحبال دايبة !
نيرة : اوي !
فرح : اختي وانا عرفاها ، مش هتسكت
نيرة : براحتها بقا ، احنا حذرناها كتير وهي مصممة ، معرفش البنات بتحبه ع ايه دة !
فرح : نعم يختي ، مش عارفة ع ايه !
نيرة : ايه دة هو عز مش مسيطر ولا ايه ، بتعاكسي اخويا !
فرح : مش حكاية معاكسة ي متخلفة ، بس دي الحقيقة ، شكله بيجنن البنات وبيعرف يوقعهم ازاي ، واقرب مثال الهبلة اختي
نيرة : ربنا يسترها عليها
( مراد ف عربيته راجع بس بالسواق عشان رجله ، يرن فونه )
مراد : الو
مالك : خلصت الأجتماع ؟
مراد : اة لسة طالع م الشركة
مالك : طمني ؟
مراد بثقة : رسيت علينا طبعاً
مالك ب ارتياح : الحمدلله
مراد ب ابتسامة انتصار : ممشيلك ابن ظافر بياكل ف نفسه
مالك : خلي بالك الولا دة مش سهل ومبيسكتش ع الخسارة
أنت تقرأ
قصة : ( حبك حياة ) ل سهيلة سعيد المنجي
Roman d'amour_متدورش ع الي يشبهك ف تفاصيلك ، دور ع الي يطلعها ، كتير ميشبهوناش وعننا مختلفين بس وجودهم هيكملنا وهنكون متفقين .
