قصة : ( حبك حياة ) ل سهيلة سعيد المنجي

الحلقة ٩ و ١٠

قصة : { #حبك_حياة } 🌍🤍

الحلقة التاسعة { ٩ } 💍

لايرا ب ارتباك : ااا لا انا رميت الخط بتاعي واشتريت واحد جديد ، بكلم منه سما بس
تيم : قولتلها حاجه ؟
لايرا : لأ
تيم : تمام
( ييجي الليل ، جوة مطعم ، قاعدة نيرة مع فرح ومعاهم شاب )
حسام بفرحة : والله انبسطت جداً إني اتعرفت ع حد من عيلة نيرة
فرح : وانا والله ، دي بتحكيلي عنك ليل نهار
حسام : لا بجد !
نيرة بكسوف : فتانة !
الكل : هههههه
حسام : ب اذن الله نخلص بس السنة دي وهاجي عشان اتقدم
فرح : إن شاء الله ، ربنا يتمملكم ع خير
حسام وهو بيبوس ايد نيرة : امين يارب ⁦
( يدخل مراد المطعم مع واحد صاحبه ، يلمحهم ، تشوفه فرح ، تتخض )
فرح : حسام قوم امشي حالاً وم الباب الي التاني !!
نيرة ب استغراب : في ايه ؟!
فرح : مراد اخوكي هنا ، قوم بسرعة !
( تتخض نيرة ويقوم حسام يمشي )
سيف ل مراد : ي بني ادخل !
مراد : اقعد وانا جاي !
سيف : رايح فين ؟!
( ميردش مراد ويقرب ع البنات )
مراد : قومولي بقا انتوا الأتنين برة عشان منظركم والناس !
( يقوموا الأتنين مرعوبين ونيرة بالأكتر ، يخرجوا برة المطعم )
مراد : اركبه
( يركبه عربيته ويركب ويمشوا )
مراد وهو سايق : مين الولا الي كان قاعد معاكوا ؟
نيرة ب ارتباك : اااا دااا ، واحد ، واحد زميلي !
( وفجأة ، تلاقي قلم ع وشها من قوتها تصرخ )
نيرة بعياط : ااااه !
فرح بخوف : ي مراد دة زميلها والله العظييييم !
مراد : اة دة انتي قاعدة ظابطة الأريل كويس بقاااا !
فرح : هو .........................
مراد ب انفعال وهو بيذغدها : زميلك بيبوس ايدك ليييييه !
( ميردوش )
مراد بزعيق : م تردووووو
نيرة بعياط : والله مفي حاجة ي مراد ، صدقني !
مراد : هبقا اخد من فرح وصلة اريل حاضر ، حسابي معاكي اما نروح
( يكمل سواقة ، تعيط نيرة ، تمسك فرح الفون وتفتح الواتساب ، تدخل شات عز ، تبعتله مسچ )
الماسدچ : عز في مصيبة ، روح البيت حالاً عشان مراد شاف زميل نيرة قاعد معانا واحنا معاه دلوقتي مروحين
( تبعتها وتقفل الفون ، بعد دقتين ، يرن مسچ ، تمسك الفون )
عز : نعم يختي ، زميل مين الي كان قاعد معاكم !
فرح : مش وقته ابوس ايدك
فرح : المهم تكون ف البيت قبلينا وإلا مش هيحصلها كويس
فرح : دة ضربها وحالفلها لما نروح
عز : ينهاركم اسود !
عز : ماشي !
( يعدي الوقت ، مراد والبنات يوصله البيت )
مراد وهو بيزق نيرة : خشي ي هانم
( يلاقي جده قاعد ، يترعبوا البنات )
الجد ب استغراب : في ايه ؟!
( يتوتر الكل )
مراد : لا مفيش ، الهانم اتخانقت مع بنت ف مطعم 
الجد : هي الي مورمة وشها كدة !
مراد : اة لولا إني شفتهم بالصدفة كان زمانها شوهتها
الجد بحدة : انتوا خلاص كلكم بقيتوا بتجروا شكل النااااس !
نيرة : اسفة
مراد وهو ماسك اعصابه : ع اوضتك
( تطلع نيرة اوضتها ووراها فرح )
الجد : حجزت القاعة ولا هتعمل الخطوبة ف الڤيلا ؟
مراد : شفت قاعة ف اوتيل ******
الجد : تمام ، ايه الي ناقص ؟
مراد : مفيش حاجة ، انا بس بكلم لايرا عشان تشوفها واحجز من فترة الفون مقفول ، ف هبقا اكلم ريان اشوف في ايه
الجد : طيب متنساش
مراد : اوك ، عن اذنك
الجد : اتفضل
( يطلع مراد فوق ، يقرب ع اوضة نيرة ويفتحها ويدخل ، تتخض نيرة قاعدة مع فرح ، يقوموا يقفوا )
نيرة بخوف : والله ي مراد م عملت حاجة غلط والله !
فرح : ي مراد انا كنت معاهم
مراد : بس ي اريل اسكتي انتي ⁦
( تسكت فرح )
مراد وهو بيمسك دراع نيرة : مين دة بقا ي هانم ؟
نيرة بخوف ودموع : والله زميلي ف الكلية ، بس هو كان قايل هنخلص كلية وهييجي يتقدملي عشان بيحبني
مراد : لا قوليله ميتعبش نفسه وميجيش بقا
نيرة بخضة : ليه كدة ؟!
مراد وهو بيسيب دراعها : عشان لو كان عاوزك م الباب كان دخله م الأول
نيرة : ي مراد كان بيجهز نفسه بس
مراد : مجتيش قولتيلي ليه ، بقيتي بتخبي عليا ! 
نيرة بدموع : م انت اهو مفهمتنيش وبهدلتني !
مراد بزعيق وهو بيذغدها : لما اشوف واحد ماسك ايد اختي ويبوسها عوزاني اعمل لأهلك اييييه !
( تنزل دموعها وتقف مابينهم فرحة )
مراد : احمدي ربنا إني ملحقتهوش ، والله لكنت موته ⁦
نيرة ودموعها بتنزل : طب .......................
مراد : لو شفتك مع الولا دة تاني هجيب اجلكم انتوا الأتنين
( يمشي مراد مع دخول عز )
نيرة ل فرحة : شفتي !
فرح : سيبيه يهدى بس دلوقتي
عز : ايه الي حصل ؟!
( يحكوله )
عز : غلطانين طبعاً وتستاهله الي حصل
فرح : ليه ي عز ، الحب مش عيب !
عز : لا مش عيب ي فرح ، بس مش لدرجة إنها تروح تقعد ف كافيه اخوها بيروحوا ومع صحابه ، افرضي كان حد من صحابه شافها ، كان هيبقا منظر اخوها عامل ازاي وقتها ؟!
( فرح ونيرة يبصوا لبعض )
عز : نيته كويسة وعاوز يتقدم كان صبر لحد م عدل حاله وبعدين جه اتقدم
( تنزل دموع نيرة )
عز : ع العموم متاخديش ع كلام مراد هو اكيد مش هيرفضه لو اتقدملك ، بس عشان الموضوع لسة سخن
فرح : م انا قلتلها سيبيه يهدى شوية
عز : ايوة متتكلمش معاه دلوقتي خالص
( مراد ف اوضته ، قاعد ع طرف سريره وساند ايده ع رجله ع اخره الموقف مستفزه ، يمسك الفون )
مراد : اخرتها معاكي انتي كمان
( ريان ف مكتبه ، يرن فونه ، يلاقيه مراد ، يتخض )
ريان بتوتر : الو
مراد : ريان ازيك ؟
ريان : الحمدلله ، انت عامل ايه ؟
مراد : فل الحمدلله ، هي لايرا كويسة ؟!
ريان : اة كويسة
مراد : اصل بتصل ع فونها من فترة مقفول ف قلقت !
ريان : لا دة بس فونها بايظ وهي مصممة تستناه يتصلح لإن عليه حاجات تهمها
مراد بعدم اقتناع : امممم ، طيب ياريت تخليها تكلمني من اي فون تاني اطمن عليها
ريان : اة حاضر هقولها
مراد : ماشي
( يقفل مراد وهو حاسس إن فيه حاجة غلط ف كلام ريان بس ميهتمش عشان عارف إن لايرا مش بتطيق تكلمه ف ممكن عملاله بلوك وريان محروج يقوله ، كان دة تفكيره وقتها ، ريان ف مكتبه عمال رايح جاي مش عارف يعمل ايه ، يطلع م المكتب ، يركب عربيته ويمشي ، يلاقي زحمة ، يقف ، يلاقيها عروسة طالعة من كوافير وفي زفة ف نص الشارع موقفين الطريق ، ينهد ويستنى ، يلمح بنت واقفة ع باب الكوافير بتسقف ويتزغرط )
ريان بصدمة : لايرااا !!
( ينزل ريان م العربية ويقرب عليها )
ريان بعصبية وهو بيشدها من دراعها : كنتي فين ي هانم ؟!
لايرا بخضة : ايه دة في ايه ، انت مجنووون !
ريان : دة انا هوريكي الجنان الي بجد ، امشي قدامي
( يزقها ع العربية )
لايرا : اوعاااا !
( يفتح باب العربية ويركبها ويقفل الباب ، تحاول تنزل متعرفش ، يركب ريان ويمشوا )
لايرا : وقف ام العربية دي بدل م اصوت والم عليك النااااس !
ريان : صوتي وخليها فضايح اكتر ، دة انتي ليلة اهلك سودة انهاردة !
لايرا بخوف : انا عملتلك ايه بس حرام علييييك !
ريان : كل الفضايح دي ومعملتيش حاجة !
لايرا : انت عاوز مني ايه ، وقف العربية بقا والله هصوت ، الحقونيييييييييي !
( يفرمل ريان ويكتم بؤها )
ريان : انت اتهبلتي ، اسكتي !
( تزق ايده )
لايرا بصريخ : مش سكتاااااااااا !
( يضربها بالقلم جامد ، يغمى عليها ، يعدي الوقت ، يوصل ريان البيت ، ينزل من عربيته ويقرب ناحية لايرا يشيلها ويدخل بيها ، امه قاعد ، تتخض لما تشوفها )
الام : لايرا !!
( يطلع بيها ع اوضتها ، يحطها ع السرير )
الام بخضة : بنتي مالها ؟!
ريان : متخافيش مغمى عليها بس
الام : من ايه حصل ايه ، ولقيتها ازاي وفين ؟!