رفيقه دربي 🌻

الحلقه الثانيه عشر

و جاء موعد الدواء و أعطته جميله إياه ثم راح في نوم عميق أما هي فأخذت تصلي القيام و تقرأ القرآن و كان في هذا الوقت يمر آسر علي المرضي ليطمئن عليهم قبل رحيله و سمع صوتها و كانت تتلو قوله تعالي ﴿أَلَم يَأنِ لِلَّذينَ آمَنوا أَن تَخشَعَ قُلوبُهُم لِذِكرِ اللَّهِ وَما نَزَلَ مِنَ الحَقِّ وَلا يَكونوا كَالَّذينَ أوتُوا الكِتابَ مِن قَبلُ فَطالَ عَلَيهِمُ الأَمَدُ فَقَسَت قُلوبُهُم وَكَثيرٌ مِنهُم فاسِقونَ﴾ و كانت تبكي و هي تقرأها فتأثر بها كثيرا و غادر المشفي و ركب سيارته ثم ذهب و لم تذهب الايه من خاطره شعر بإحساس مختلف عن سماعها و كأنها تكلمه خصيصا ، وصل إلي المنزل و صعد لاعلي و لفت انتباهه صوت بكاء يأتي من غرفه أخته و ضوء بسيط فذهب الي هناك .. كانت همس في هذه الأثناء تصلي القيام و تدعو و تتضرع الي الله تعالي : يا رب أنا مليش غيرك اطلب منه يا رب اهدي آسر و حنن قلبه عليا يا رب املأ قلبه بالإيمان و أرزقه بالزوجه الصالحه ياااا رب 🤲 و اخذت تبكي يا رب اهدني و توب عليا و ارحمني ثم مسكت دفتر لها و راحت تخط بعض الكلمات و تبث حزنها من أخيها الي الاوراق "اريد البكاء الان ، عندي من الدموع ما يكفي لإنشاء بحر جديد ، بحر فياض ، كثير الماء كما هو كثير الآلام و الهموم ، قد يقولوا اني لم اعش ما يكفي لقول هذا ، فأنا في مقتبل العمر ، ليس علي تحمل مسئولية و لا مشقه ، و اني افضل من الكثير ، و لكني محطمه تمام ، و ليس هذا ذنبي ، بل أنتم السبب و العله و انتم ايضا من تشتكوا ، اين أنا ، اين دوري في هذا ، اريد الصراخ اريد البكاء ، و لكن حتي هذا ممنوع ، تقولوا هشه ضعيفه الشخصيه تبكي سريعا و سريعه الانفعال و الغضب ، و لكني تحملت الكثير ، يقولوا أن المرء يستمد قوته من أسرته و عائلته ، و لكني لا امتلك عائله ، لا اعمام و لا عمات و عندما أصبحت وحيده قالوا اني السبب ، حتي الاسره تنتقدني دائما ، يقعدون لي بالمرصاد ، حين افعل اي شئ صحيح كان أو خاطئ اتلقي جرعه هائله من الانتقاضات لا حسر لها ، تكفي لإنشاء موسوعه أو قاموس ، و حين انزعج اكون مخطئيه و هم الصواب و يقولوا :" نحن نربيكي كي تكوني ام صالحه في المستقبل ! " يا الهي ! ما هذا ، ياللعجب ، تعدوني للمستقبل و انتم تحطموا واقعي ، دائماً ما أواجه الاهانه بسبب شكلي ، اعلم اني جميله جدا ، و اني افضل من الكثير  ، و أن الله خلقني في ابهي و احسن صوره ، و لكني أتأثر كثيرا بهذا الكلام ، حين اسمع هذه الكلمات أشعر بالألم الشديد في قلبي أشعر أنه يعتصر حزنا ، عندما يقولون لي ذلك ماذا للأشخاص الآخرين أن يقولوا ، ابكي الان و أطلقت العنان لدموعي و بدأت في إنشاء بحر الآلام 😔😢 " ثم أخذت تبكي كثيرا و أغلقت دفترها و أوت الي فراشها ثم مسحت دموعها : يا رب أنا عندي امل كبير و عارفه انك مش هتخيب ظني يا رب أجبر بخاطري ثم نامت حين إذن دخل آسر الي غرفته و هو يفكر الي اين وصل كيف اصبح بهذه القسوه بعد أن كان ينشر السعاده لمن حوله أصبح هو من يسبب الألم لأقرب الأشخاص إليه كانت عيونه تسكب الدموع و قلبه يتحسر علي حاله و تذكر .. حين كان في عامه الاول من الجامعه و كان يعيش مع والديه و أخته و كان كثير المزاح و الابتسام ، كان يؤدي فروضه في المسجد و يقرأ القرآن حتي اتي اليوم المشئوم حين تركهم والده و ذهب إلي امراه اخري و ترك والدته بعد اهانتها و ضربها تغير حينها آسر كثيرا و تعرف علي اصدقاء السوء الذين أخذوا بيده الي شرب السجائر ، نسي اخر مره دخل بها المسجد و تبدلت حياته لم يبكي من يومها و لم يتحرك قلبه قط إلا حين اتي إليه خبر وفاه والده في حادث بالرغم من كره له إلا أنه تذكر لحظاتهم معا ... فاق من شروده و كانت دموعه تنهمر بشده ندم علي ما فعل ثم قام و فتح الماء و نزل تحتها و كأنه يغسل قلبه قبل جسده و توضأ و صلي بين يدي الله و اخد يبكي و يستغفر كثيرا ثم قام و احضر مصحفه الذي كان قد غطاه الكثير من التراب و اخذ يقرأ بعض الآيات ثم قام و نام و هو ينوي بدايه جديده مع الله
* طلعت الشمس من كهفها و بدأت الطيور تغرد و الظلام يفر و يأتي بداله النور حتي اضاءت الارض بأكملها في المشفي استيقظت جميله و اخذت تنظر من النافذه و تستنشق الهواء العليل و تنظر الي البحر في منظر من ابهي الصور فسبحان الخلاق العظيم
جميله : صباح الورد يا بابا .. عامل ايه
جاسر : صباح النور يا حبيبتي ، الحمد لله
جميله : ادام الله حمدك يا حبيبي ثم خرجت و كلمت جنه و اطمئنت عليها وعلي فاطمه
جميله : السلام عليكم ورحمه الله وبركاته .. عامله ايه يا حبيبتي
جنه : و عليكم السلام ورحمه الله وبركاته .. الحمد لله انتي عامله ايه وبابا
جميله : الحمد لله كويس . تيته كويسه
جنه : الحمد لله ، عايزه تيجي لبابا
جميله : طيب هاتي تيته تشوف بابا و روحي انتي علي شغلك و انا هقعد معاها و مع بابا
جنه : أنا بفكر اخد اجازه الاسبوع دا عشان متقلش عليكي
جميله : لا يا حبيبتي خليكي في شغلك ، و بعدين دا باباي أنا كمان ، و انتي طول عمرك متقله عليا اصلا جت علي دلوقتي 😂
جنه : أنا 😂 ماشي يا جميله
جميله : ايوه انتي ، هاتيلي  معاكي شوكولاته و انتي متقليش عليا ⁦⁦(◕ᴗ◕✿)⁩
جنه : من عنيا يا ست جميله
جميله : تسلم عيونك يا قمري .. اما عند همس فقد استيقظت و بدلت ثيابها و وجدت طرق علي الباب
همس : اتفضل ، فتح آسر الباب و كان مغطي وجهه ببوكيه من الورود الحمراء التي كانت تحبها و علبه من الشوكولا المفضله
همس وهي مصدومه : 😳مين
آسر و هو يبتسم : أنا آسر ، مش عرفاني يا هموس
همس ببلاهه : آسر مين
آسر : 😂فقدتي الذاكره ، يا عيني يا بنتي
همس : آسر انت كويس و اخذت تفحص حرارته ، اومال في ايه ما انت مش سخن
آسر و هو حزين : هو أنا وحش اوي كدا ، أنا عارف اني اتغيرت اوي الفتره اللي فاتت بس مكنتش متخيل اني بقيت بالقساوه دي .. أنا اسف يا همس علي كل اللي عملته معاكي و علي كل مره نمتي زعلانه بسببي ، أنا مقدرتش اكون اخ كويس ليكي ولا حتي صديق 😔 كنت سبب حزنك بدل ما اكون سبب سعادتك و قوتك ، ارجوكي سامحيني
همس و هي تبكي و تبتسم  : أنا مش بحلم صح ، بالله عليك قولي أن دي حقيقه و خرت ساجده علي الأرض و كانت تبكي الحمد لله حمدا كثيرا طيبا مباركا فيه ، شكرا يا رب ، أنا مسمحاك من زمان و كان نفسي انك تتغير و الحمد لله ربنا قبل دعائي  ❤️
آسر : 🤗انا مش عارف اقولك ايه و احتضنها بيد و الأخري مازالت وراء ظهره ثم ابتعد عنها
همس بشك : ايدك فيها ايه
آسر : دي المفاجاه الكبري بقا 😂
همس : اممم ، و ياترا ايه هي ، و بعدين أنا فرحتي انهارده بيك اكبر مفاجاه بالنسبه لي
آسر : لا المفاجاه دي اكبر بقا
همس : ايه بقا شوقتني
آسر و هو يخرج علبه مغلقه من وراء ظهره : افتحي و انتي تشوفي
همس و قد اخذتها منه : 😳🤭 اااا آسر دا ليا ، طب ازاي ، هو انت اخويا بجد قصدي انت حد ضربك علي دماغك و فقدت الذاكره و لا دا برنامج الكاميرا الخفيه ، ثم احتضنته بشده بحبكككككككك اوووووووي ❤️ ربنا ميحرمنيش منك ابدا ثم بكت بشده
آسر : و انا بموت فيكي ، همس مالك يا حبيبتي بتعيطي ليه بس
همس : انا مبسوطه اوي و احنا البنات كدا لما بنتبسط اوي بنعيط ثم أزاحت دموعها و ضحكت اصل احنا نكديين اوي 😂 ( و انتي هتقوليلي احنا في النكد معندناش ياما ارحميني 😂😂 احم بس برضو احنا عسلات صح يا بنوتات ❤️😂)
_ و انا مليش نصيب من الفرحه دي ... التفت كل من همس و آسر نحو الصوت : ماما دا انتي ليكي اكبر نصيب
آسر و هو يقبل يدها و رأسها : أنا آسف يا ماما علي كل اللي عملته معاكي ، سامحيني
حنان : مسمحاك يا حبيبي ، ربنا يرضي عنك و يهديك يا رب 🤲
آسر : احلي دعوه يا ست الكل ثم أخرج حقيبه و أعطها إياها
حنان : ايه دا يا حبيبي
آسر : دي هديه صغيره . افتحيها
حنان بعد فتحها : الله ، جميله اوي ربنا ميحرمنيش منك ، بس دي غاليه اوي
آسر : مفيش حاجه تغلي عليكي يا ست الكل . هاتي ايدك البسهالك ثم ألبسها الاسواره
حنان : جميله يا حبيبي ، ربنا يحفظكوا و افرح بيكوا و اشوفكوا متهنيين ثم احتضنتهم
آسر : همس هتروحي الجامعه
همس : ايوه هصلي الضحي و نازله
آسر : طيب هروح اصلي أنا كمان و ننزل سوا
همس : وييييي ☺️، مش هتاخر و بعد الانتهاء من صلاتها
همس : يلا يا آسر هتاخر
آسر و هو يرتدي الجاكت : أنا جيت اهه 😳 انتي هتروحي كدا
همس و هي تدور : ايوه اي رايك
آسر : راي في ايه ، انتي هتمشي كدا
همس بقلق : ايوه هو ماله لبسي دا
آسر : 🤦🏻‍♂️ ، وانتي لبسه واسع برضو  قمر طيب اعمل فيكي ايه 😂
همس : 😂 احم .. بس عشان بؤحرج ، يلا يا خويا ثم ذهبوا و في الطريق اتصلت همس علي جميله
همس : الو يا جميله . صباح الفل عامله ايه
جميله : و عليكم السلام ورحمه الله وبركاته يا ست همس ، هقول كام مره نبدا بالسلام 😂 ، يسعد صباحك يا هموس ، الحمد لله بخير و انتي يا حبيبتي عامله ايه
همس : 🤦نسيت معلش كلا من لا يسهو ، أنا الحمد لله مبسوطه اووووي و حاسه اني قلبي هيقف من الفرحه
جميله : ربنا يفرحك دايما يا قلبي و يسعدك
همس : أنا جايه الجامعه و هحكيلك كل حاجه
جميله : أنا مش في الجامعه انا في المستشفي
همس بقلق : ليه يا جميله انتي تعبانه ، جميله مالك
جميله : أنا كويسه الحمد لله ، بس ولدي تعبان شويه و انا معاه و مش هعرف اجي الجامعه لمده اسبوع او اسبوعين
همس : و انتي من امتي في المستشفي
جميله : من امبارح هنا
همس : و انا اخر من يعلم يا جيمي 😢
جميله : محبتش اقلقك يا حبيبتي
همس : انتي في مستشفي ايه ، انا في الطريق و جيالك حالا
جميله : ملوش لزوم تتعبي نفسك أنا كويسه و بابا بقا كويس
همس : جميله انتي في مستشفي ايه
جميله باستسلام : في مستشفى***
همس : أنا قريبه اوي منها ، جيالك حالا ثم أغلقت الخط
همس : آسر ممكن تاخدني مستشفي ***
آسر : ليه في حاجه
همس : صحبتي والدها تعبان و هروح اطمن عليها و عليه
آسر : يا بنتي أنا شغال هناك اصلا  ، انتي ذاكرتك بقت ضعيفة جدا
همس : تصدق عندك حق ثم انطلق بالسياره حتي وصل للمشفي
* رأيكوا يا حلوين ☺️
# استغفروا 💛
# بقلمي_ دعاء _ سمير 🌨️🍒