رفيقه دربي 🌻

الحلقة الثالثة

_الجنه مش صعبة، كل اللي فيها إنك تخلفي هواكي، ربنا يهدينا و إياكم جميعًا و كل بنات و شباب المسلمين.
و ما إن فرغت من كلامها حتي وجدت معظم الفتيات تبكي بكاءً شديدًا
+ربنا رحيم أوي، اللهم اغفر لي، أنا قررت أتغير للأحسن و بإذن الله ربنا يسامحني
بإبتسامة_ ربنا هيسامحك لأن وعد الله حق،  و هو الذي قال في كتابه " إلا من تاب و آمن و عمل عملًا صالحًا فأولئك يبدل الله سيئاتهم حسنات و كان الله غفورًا رحيمًا" دا أنت دلوقتي بقا عندك حسنات أكتر مني شوفتي إزاي، ربنا بدل كل سيئاتك حسنات، ربنا كريم
+بس انا خايفة، أصلي عملت ذنوب كتير أوي
_التائب من الذنب كمن لا ذنب له، و التوبة تجب ما قبلها يعني تمحيه
بعض البنات=ربنا يحفظك يا جميلة، أنت فعلًا جميلة أوي، بس ممكن تكلمينا أكتر عن ربنا
ربنا يسعدكوا يا قمرات، أنا بروح مسجد *** يوم الجمعة انا وأختي بنحضر درس هناك و بشرح درس للأطفال، لو حابين تيجوا و هتستفيدوا إن شاء الله
+أنا جايه إن شاء الله
=و انا كمان
*كلنا جايين بإذن الله
_و أنا هستناكوا يا حبايبي، طيب أنا همشي لأن المحاضرة هتبدأ، السلام عليكم ورحمة الله وبركاته
+و عليكم السلام ورحمة الله وبركاته
..................
_شوفتي يا رقية البنات استفادوا إزاي، أنا نا مبسوطة اوي، أكيد جنة هتفرح جدًا
و هي تمسح عيونها من أثر الدموع*ربنا يفرحك دايما يا حبيبتي، بجد أنت نعمة كبيرة في حياتي، أنا بحمد ربنا إني اتعرفت عليكِ كلامك مؤثر جدًا بجد
_هعيط و الله، أنت عرفاني قلبي الصغير لا يتحمل، و بعدين أنت قلبتي على العشق الممنوع ليه، حد قالك إنك خطيبي
و اخدت تقلدها_أنت نعمة كبيرة في حياتي
*دا أنت فصلان، هو أنت بتتحولي، دا أنت من كام دقيقة بس كنتِ عاقلة
_العقل بيجي مرة كل سنة، استني بقا الموسم اللي جي
*طيب يلا بسرعة عشان منتأخرش
_اه يلا عشان عايزة أنام
*نعم! تنامي فين؟ في المحاضرة!
_أومال في بيتنا، ما أنت ما تعرفيش خلصت مع جنة التنضيف وكنت فصلت فقولت أجي أنام هنا
*طيب امشي قدامي، أنت بجد هتنامي؟! 
_صلى النبي في قلبك يا قمر، أنا جايه أتعلم، و بعدين دا كل حرف بتعلمه بأخد عليه حسنات أقوم أضيع دا كله
*العقل اشتغل تاني أهه
_بس مفيش مانع لو اخدت قيلولة
*قيلولة! ماشيه مع زعيمة الأدب العربي 
بضحك_أنت تطولي أصلًا تبقي زعيمة الأدب العربي
"و ذهبوا إلى المدرج و بعد الإنتهاء من المحاضرة"
*أنا دماغي لفت من كتر المعلومات
_روحي قبليها من الناحية التانية، أنا دماغي مش حاسة بيها
*و أنت من أمتي بتحسي أصلًا
_أنا لا أسمح، أنت وصفتيني بعدم الإحساس و هذا غير لائق، الغي رحلتي
*سيدة صافيناز كاظم نحن على الهواء
_إن شاء الله نكون على القمر 
بضحك*الله يجازيكِ خير يا جميلة، يديم سعادتك يا رب
_تدوم ضحكتك يا قمر، تعالي يلا نصلي العصر في مسجد الكلية قبل ما نمشي عشان ميفوتناش
*ليا و ليكِ حبيبتي، يلا بينا
"بعد الإنتهاء من الصلاة ذهبت كل واحدة إلى منزلها و قصت جميلة كل ما حدث إلى جنة"
و هي تحتضن أختها=حبيبتي، ربنا يحفظك و يجعلك جند من جنوده في نشر الدين و الدعوة إلى الله
*اللهم آمين يا جنة، ربنا يجازيكِ كل خير أنت صاحبة الفكرة
=دا توفيق من ربنا سبحانه وتعالى مش شطارة مني، ربنا هو اللي ألهمني الفكرة، في بنات فيهم خير كتير أوي بس مش لاقين اللي يوجهم و لا يأخد بأيديهم للطريق الصحيح
*فعلا معاكي حق أنت لو شوفتي منظر البنات و هما متأثرين انهارده
=ربنا يهدي الجميع، يلا نصلي القيام و ننام
*يلا، بس أنت بتصلي قبل الفجر تاني، ليه بتصلي دلوقتي بقا ؟!
=هو في أجمل من الصلاة و إنك تتكلمي مع ربنا، أنا بصلي قبل الفجر لأنه الثلث الأخير من الليل يعني ربنا متنزل في السماء الدنيا و بتسأل مين عايزني اغفر له، مين عايزني استجيب لدعائه، مين عايزني أتوب عليه، الوقت دا أحسن وقت وأنت بتصلي، و بصلي دلوقتي عشان لو مت يبقي صليت قيام و متكتبش في صحيفتي إني من الغافلين، لإن اللي مش بيقوم الليل يكتب غافل و اللي بيقوم بعشر آيات يسقط عنه هذا الإسم و من يقوم بمائه آيه كتب من القانطين يعني  كثير الرجوع إلى الله و من يقوم بألف آيه يكتب من المقنطرين يعني يجي يوم القيامة بحسنات كتير (قناطير من الحسنات )
*اللهم تقبل يا حبيبتي، أنا كل يوم بتعلم منك اكتر
=حبيبتي ربنا يوسع عليكِ بلطف يا رب
*يعني ايه يوسع عليا بلطف
=يعني يا حبيبتي لما تيجي تدعي تقولي بلطف مثلًا تقولي يا رب وسع عليا بلطف، يا رب أغفر لي بلطف، عشان ربنا هيستجيب ليكِ و ممكن يكون الإستجابة دي في هيئة بلاء، يعني مثلًا ربنا يوسع عليكِ بكثرة في العلم و المال فيكون سبب ضلالك في الدنيا و سبب دخولك النار و العياذ بالله، أو يبتليكي ببلاء شديد عشان يغفر لك ذنوبك، أما لما تقولي بلطف فيسبق لطف الله الدعاء فتكون النتيجه إستجابه مشمولة بلطف الله
*الله، جميلة أوي المعلومة دي، ربنا يوسع عليكِ بلطف يا جنة
=اللهم آمين
*صحيح إيه أخبار الشغل بتاعك لسه مردوش
=بعد اللي عملته دا يردوا، أنا سبتها لله و اللي فيه الخير يقدمه ربنا
*ربنا يوفقك و يكرمك يا قمر 
"و راحت تتسلل أشعة الشمس خلسة حتي طردت الظلام و أضاءت الكون بنورها"
*جنة، حبيبتي اصحي يلا
=صباح الورد، مين هيموت!
*يسعد صباحك يا قمر، على الصبح كدا موت
= أيوه، ما هو لما أنت اللي تصحيني يبقي حد هيموت 
*احم ليه يعني ما أنا على طول بصحي بدري
بتعجب=بجد!
*طيب قومي يلا صلي الضحي و تعالي افطري
=لا أوعي تقولي إنك حضرتي الفطار كمان
بتهكم * ايه مشبهش ولا مشبهش
و هي تركض نحو اختها=جميلة أنت تعبانة حبيبتي، و وضعت يدها على جبهتها=طب الحمد لله مش سخنة، قوليلي مالك بس
و هي تضحك بشدة* دا كله عشان حضرت الفطار أومال كمان لو عرفتي إني خلصت تنظيف
و هي تحتضنها=ربنا يحفظك ليا يا قلبي
*و يحفظك يا قمر، يلا بسرعة على ما أصحي بابا و تيته، لا والمفاجأة كمان
=قلبي الصغير لا يتحمل كل دا في يوم واحد، إيه بقا؟!
*قاعدة معاكِ انهارده و معنديش كلية
بفرحة=أحسن حاجة، خلاص نروح أنا و أنت المسجد انهارده
*و هو كذلك، خلصي بسرعة و تعالي
.....................
و بعد تناول الإفطار
*بابا لو سمحت عايزة أروح أنا و جنة المسجد
=ايوه بالله عليك يا بابا
_ماشي حبايبي، بس متتأخروش، صحيح أنا هتاخر انهارده في الشغل
=ليه يا حبيبي في حاجه
بتوتر _لا حبيبتي، عندي شغل زيادة
*ربنا معاك يا رب
ثم انصرف إلى عمله
.....................
بغمزة*حبايبي عاملين إيه بقا، إيه الجديد؟!
=و الله يا تيته كويسين، بس ليه الغمزه دي
بضحك *عيني بتوجعني
=و هو في حد قمر كدا و عينه بتوجعه برضو، و الله أحلي حاجة إني طالعة نفس لون عيونك
* لا وأنت بصراحة مقدرة دا، دا أنا في سنك كانوا الناس بيتجننوا من عيوني 
بغمزة= ليهم حق برضو يا قلبي 
_اتعاديتي منها يا جميلة، أنت كمان عينك بتوجعك 
بضحك=مش بقولك نفس العيون، إحنا ما بينا حاجات مشتركة يا تيته
*صح، لا بجد في حاجة مضايقة واحدة فيكوا، زعلانة من شيء؟!
=لا يا حبيبتي 
*ربنا يسعدكوا حبايبي و يرزقكوا بالزوج الصالح
=اللهم آمين يا رب
*بنات ربنا يحفظكوا، عايزة اقولكوا كلمتين و حطوهم حلقة في ودنكوا، و تحطي كلامي دا قدام عينك طول ما أنت ماشية في الدنيا، أوعي تفرطي في مبادئك مهما حصل،  أوعي تسيبي دينك و لا تتخلي عنه مهما كان المجتمع،  ربنا بيقول " كل آتيه يوم القيامه فردًا" دا أنت لما حد مهم يقولك عايزك في كلمة، لو مديرك في الشغل ولا والدك بتبقي ماشية ركبك بتخبط في بعضها و دماغك تودي و تجيب، يا تري إيه اللي حصل؟!، طيب لما تروحي لربنا يوم القيامة لوحدك هتقوليله إيه، أنت في الدنيا ممكن تكدبي على مديرك أو تحوري عليه، طيب مع ربنا، هتقدري تقولي حاجة غير الحقيقة، طيب و لو قولتي هتشوفي المشهد قصاد عنيكي، هتقولي لا مش أنا، تلاقي إيدك و رجلك بتشهد عليكِ، ربنا سبحانه و تعالى بيقول "اليوم نختم على أفواههم و تكلمنا أيديهم و تشهد أرجلهم بما كانوا يكسبون" ، هتعملي إيه؟! وتقولي إيه لربنا؟! هتقولي أصلي كنت لسه صغيرة على الحجاب، و لا تقولي أصل كل البنات بتلبس بناطيل، و لا أصل كل الشباب بتسمع أغاني، هتقولي كنت بكسل أصلي الفجر أصل كنت نايمة في نفس الوقت اللي لو وراكي فرح أو فيلم تسهري للصبح، بالله عليكوا يا بنات تخلوا بلكوا من نفسكوا، الرسول صلى الله عليه وسلم قال إن في زمن هيجي هيكون الماسك علي دينه كالماسك على الجمر، يعني كونك متمسكة بدينك و مش عايزة تعصي ربنا هتلاقي انتقاضات كتير، بس يوم القيامة هتلاقي قناطير مقنطرة و جبال حسنات بإذن الرحمن، في آية جميلة أوي بتقول" إنما يوفي الصابرون أجرهم بغير حساب" ياه على الجمال، يوم القيامة تدخلي الجنة بسبب صبرك على الفتن، وعلى تركك للمعاصي، على صبرك على الإبتلائات، على مجاهدتك لنفسك، إحنا بقينا في زمن الفتنة بقت حولينا في كل مكان، مش بس حوالينا دي بقت في أيدينا، الموبايل و التلفزيون و النت دي كلها فتن، زي ما هي ممكن تكون سبب في دخولك الجنة، عايزين يوم القيامة النبي صلوات ربي و سلامه عليه يفتخر بينا، يقول دول أمتي، عايزين نقول إحنا حفيدات عائشة و خديجة، أوعي تفضلي لحد ما يفوت الأوان و ساعتها "ويوم يعض الظالم على يديه يقول يا ليتني اتخذت مع الرسول سبيلًا*يا ويلتى ليتني لم أتخذ فلانا خليلًا" ربنا يحفظكوا و يهديكوا و يوفقكوا يا رب.
و هم يبكون=آمين يا رب، اللهم اهدنا و ثبت قلوبنا على دينك،  و جعلنا من عبادك الصالحين، ثم قاموا و ارتموا في حضن جدتهم= ربنا يحفظك لينا يا تيته
و هي تربت على ظهرهن* و يحفظكوا يا حبايبي، اه يا قلبي، انتي تخنتي ولا إيه يا جميلة، قومي يا بت عاملة زي الطوبه على صدري 
وهي تمسح دموعها_ أنا طوبه يا تيته، الله يسامحك
*بهزر يا رمضان، مبتهزرش
_لا يا حبيبتي بهزر، ثم حضنتها مرة أخرى
*قوموا يلا يا قمرات اغسلوا وشكوا و صلوا العصر و روحوا المسجد بس ماتتأخروش زي ما جاسر قال
=حاضر يا تيته
"و بعد الإنتهاء من الصلاة ذهبوا إلى  المسجد و
في الطريق صوت فرمله إطارات سيارة
_أشهد أن لا إله إلا الله

*ياترا ايه اللي هيحصل لجميلة؟!
و هل جنة هتتقبل ولا لا؟!
دا اللي هنعرفه الحلقه الجايه بإذن الرحمن
رأيكوا يا حبايبي يهمني 🤍
* اللي بيقولوا رأيهم خدوا قلبي  و اللي بتابع في صمت اظهري يا سكره 🤎
# استغفروا
#دعاء_سمير