رفيقه دربي 🌻

الحلقة الخامسة

"ثم دق هاتفها
_السلام عليكم ورحمة الله وبركاته
=آنسه جنه جاسر
_أيوه أنا
=تمت الموافقة عليكِ، و إن شاء الله تيجي بعد يومين عشان تستلمي الشغل و تعرفي طبيعة العمل، كل المعلومات هتوصل لحضرتك على الإيميل بتاع الشركة
_بجد! طيب ماشي شكرا يا لحضرتك، ربنا يبشرك بكل خير، السلام عليكم ورحمة الله وبركاته
وقد ابتسمت =و عليكم السلام ورحمة الله وبركاته
و بعد أن أغلقت =هو لسه في حد كدا، بيدعي لناس ميعرفهاش
_جميلة، دا أنا هجبلك شيكولاته و آيس كريم و غزل البنات و مصاصه كمان
* بجد!
_أيوة، الحمد لله اتقبلت في الشغل وهروح كمان يومين
*ألف مبروك حبيبتي، ربنا يكرمك و يوفقك يا رب
_أمين يا رب،
"ثم اشتروا الحلوى و الآيس كريم وعادوا إلى المنزل.
=حمد لله على السلامة حبايبي، إيه دا هو في عيال معانا؟!
_عيال مين بس يا تيتة
=اومال الحاجات دي لمين؟
_احم، لينا
بضحك =و الله! جايبين مصاصات، طيب فين بتاعتي
*قولي كدا يا بطوط، نصيبك محفوظ
"وظلوا يضحكون وأخبرتهم جنة بعملها و مر يومين و ...
_السلام عليكم ورحمة الله وبركاته
=و عليكم السلام ورحمة الله وبركاته
_أنا جنة السكرتيرة الجديدة
و هي مبتسمة =و عليكم السلام ورحمة الله وبركاته، أهلًا جنة، أنا هند
=أهلًا حبيبتي، عاشت الأسامي يا هند
_تسلمي حبيبتي، ثواني أعرف مستر زين
"وبعد مرور القليل من الوقت
_اتفضلي يا جنة مستر زين جوا
=شكرًا ثم دلفت إلى الداخل، السلام عليكم ورحمة الله وبركاته
_أهلًا أنسه جنة، اتفضلي اقعدي
جلست و هي تنظر للأرض : أنا سمعه حضرتك
_تقدري ترفعي رأسك وتبصي لي وأنا بكلمك، احم قصدي تبصي للورق دا، عايزك ترسمي لي التصاميم دي من الأول بس هضيفي عليهم شوية ملاحظات، هند هتكون مسؤولة عنك الفترة اللي جاية، ودا هيكون أول امتحان ليكِ، عايز التصاميم دي بعد ٣ ايام عشان لو فيهم حاجه تقدري تعدليها
=تمام حضرتك، حاجة تانية
_لا، تقدري تتفضلي، وبعد رحيلها : ياه البنت دي على طول بصة في الأرض وبجد أنا مشوفتش كدا .
"فاق من شروده على صوت محمد *أيه واخد عقلك؟
_عايز أيه، دا أنت بتجي في أوقات غريبة
*أصل بنقي الوقت المناسب
_وانت هتقولي، جي ليه؟
*جي أقولك شركة النصر عايزة معاد عشان نمضي العقود
_أنا قولت مش هشتغل مع الناس دي، شغلهم مش كويس
*بس يا زين دول مش ساهلين، أنا خايف عليك
_مش ساهلين على نفسهم مش عليا، أنا عمري ما هشتغل معاهم
.............
=السلام عليكم ورحمة الله وبركاته، أزيك يا جميلة
_وعليكم السلام ورحمة الله وبركاته، الحمد لله
=بم أن أنت اللي هتكوني مسؤولة عني، أيه رأيك نبقي صحاب،  عشان ميكنش في حساسية في المعاملة، وأنا بجد حبيتك في الله وارتحتلك جدًا
_دا شيء يسعدني آنسة جنة، وأنا والله حبيتك
=تؤتؤ، آنسة جنة أيه، قوليلي جنة بس 
_حاضر يا جنة
=حضرلك الخير يا هند. أنت اسمك حلو أوي، وكمان على اسم إحدى الصحابيات
_تسلمي حبيبتي. بس أول مرة أعرف إن اسمي على اسم صحابيه، كل اللي أعرفه إنه على اسم هند بنت عتبه
وهي تبتسم =الله ينور عليك حبيبتى، طيب ما أنت عرفاها أهه
بتعجب_ إزاي دي من الصحابيات مش هي اللي مثلت بسيدنا حمزة عم النبي _صلى الله عليه وسلم_ في غزوة أحد
=صلِّ على النبي وأنا هحكيلك، اسمها  هند بنت عتبة بن ربيعة بن عبد شمس بن عبد مناف أم معاوية، كانت هند بنت عتبة متزوجة من الفاكه بن المغيرة المخزومي، وكان من فتيان قريش، واتهمها بالفاحشة وطلقها، فقالت  لأبوها أنه كاذب، فحاكمه أبوها لبعض كُهّان اليمن، فبرَّأها وبشَّرها بأنها ستلد ملكًا يقال له معاوية. فذهب الفاكه إليها  فأخذ بيدها، فنترت يدها من يده، وقالت له: إليك عنِّي، والله لا يجمع رأسي ورأسك وسادة، والله لأحرصَنَّ أن يكون هذا الملك من غيرك. فتزوجها أبو سفيان بن حرب، وخلفت منه  معاوية.  في غزوة أحد لما التقى الناس وبدأ القتال ، قامت هند والنساء اللي معها، وأخذن الدفوف يضربن بها خلف الرجال، ويحرضن على القتال، فقالت هند:
إن تقبلوا نعـانق *** ونفرش النمـارق
أوتدبـروا نفارق *** فراق غير وامـق
وفي يوم أُحد جعلت هند بنت عتبة النساء معها يجدعن أنوف المسلمين ويبقرن بطونهم ( يعني يمثلوا بيهم أو يطلعوا احشائهم  )  ويقطعن الآذان إلا حنظلة؛ فإن أباه كان من المشركين، وبقرت هند عن بطن حمزة فلاكتها، فلم تستطع أن تسيغها، فلفظتها ( يعني أخرجت أحشائه و مضغتها و لم تستطع  تقطيعها فاخرجتها من فمها مرة أخرى)  . ثم علت على صخرة مشرفة فصرخت بأعلى صوتها:
نحن جزيناكم بيوم بـدر *** والحرب بعد الحرب ذات سعـر
ما كان عن عتبة لي مـن *** صبر ولا أخي وعمـه وبكـري
أسلمت هند بنت عتبة -رضي الله عنها- يوم الفتح وحسن إسلامها، فلما بايع رسول الله  النساء وقال في البيعة: "ولا يسرقن ولا يزنين". قالت هند رضي الله عنها: وهل تزني الحرة وتسرق؟! فلما قال: "ولا يقتلن أولادهن". قالت: ربيناهم صغارًا وقتلتهم كبارًا. وشكت إلى رسول الله  زوجها أبا سفيان أنه شحيح لا يعطيها من الطعام ما يكفيها وولدها، فقال لها رسول الله : "خذي من ماله بالمعروف ما يكفيك وولدك". ولما أسلمت هند -رضي الله عنها- جعلت تضرب صنمًا لها في بيتها بالقَدُوم حتى فلذته فلذة فلذة ( كسرته ) ، وتقول: كنا معك في غرور. مواقف هند بنت عتبة مع النبي يقول  عروة بن الزبير أن عائشة -رضي الله عنها- قالت: إن هند بنت عتبة بن ربيعة قالت: يا رسول الله، ما كان مما على ظهر الأرض أهل أخباء أحب إليَّ أن يذلوا من أهل أخبائك، ثم ما أصبح اليوم أهل أخباء أحب إليَّ من أن يَعِزُّوا من أهل أخبائك. قال رسول الله : "وأيضًا، والذي نفس محمد بيده". وكان رسول الله  أمر بقتل هند بنت عتبة لما فعلت بحمزة، ولما كانت تؤذي رسول الله  بمكة، فجاءت إليه النساء متخفية فأسلمت وكسرت كل صنم في بيتها، وقالت: لقد كنا منكم في غرور. وأهدت إلى رسول الله  جديين، واعتذرت من قلة ولادة غنمها، فدعا لها بالبركة في غنمها فكثرت، فكانت تهب وتقول: هذا من بركة رسول الله ، فالحمد لله الذي هدانا للإسلام .. شوفتي بقا من عدوه للإسلام الي صحابيه ، شوفتي قد ايه الرسول كان رحيم بيها و عفا عنها لما أسلمت مع انها مثلت بعمه قبل الإسلام بس الاسلام يجب ما قبله اي يمحيه
_ياه على عظمة الإسلام، أنا أول مرة أعرف القصة دي،  كل اللي اعرفه انها استأجرت وحشي لقتل حمزة رضي الله عنه، شكرًا على القصة الجميلة دي، ربنا يجازيك كل خير
=الإسلام دين عظيم أوي يا هند، ربنا  أرحم بينا من أي حد، اللهم آمين و إياك جميلتي، يلا بقا نشوف شغلنا بدل ما مستر زين يجي يطردنا 
بضحك_ وأنت بتقولي فيها يلا
"بدأوا في العمل، وأخدت هند تشرح لها، وجنة كان تستوعب بسرعة حتى انتهين
_بسم الله ما شاء الله عليك، أنت ذكية جدًا ولماحة كمان
بغرور مصطنع=حبيبتي، عارفة طبعًا
_أيه كمية التواضع دي!
=دي عندي من زمان خلي بالك
بضحك _يلا تعالي نروح المطعم نشتري حاجة نأكلها
=روحي أنت وهاتي لي معاك أي حاجة، بس قولي لي فين المسجد اللي هنا عشان أصلي
_مفيش مسجد هنا، لإن المكاتب كبيرة زي ما أنت شايفة، تقدري تصلي هنا
=شركة كبيرة كدا ومش عاملين مسجد، طيب القبلة فين عشان أصلي
"ارشدتها هند ورحلت، ثم اخرجت جنة سجادة الصلاة من حقيبتها وأخذت تصلي، أما زين فقام بأخذ جولة في الشركة ليرى الموظفين، وأثناء عودته رأى هند عائدة ومعها الطعام
_إزيك يا آنسة هند، فين جنة مكنتش معاك
=الحمد لله يا مستر زين، لا هي قالت لي هتصلي وأنا جبتلها معايا أكل
_عرفتيها نظام الشغل هنا، أنا مش عايز إهمال
=_أيوه، هي بسم الله ما شاء الله ذكية جدًا وشاطرة، وفهمت بسرعة
_طيب كويس، اتفضلي على شغلك
"ثم ذهب إلى مكتبه وأخذ يحدث نفسه: في أيه وأنا بسأل عليها ليه يعني، مش عارف بس فيها حاجة غريبة وبتشدني ليها، بس لا كل اللي بفكر فيه غلط، أنت نسيت ولا أيه عمري ما هكرر غلطتي، ياه وكمان بتصلي وهي في شغلها مفيش حاجة بتعطلها عن ربنا، زين خلاص بقا بطل تفكير
ثم قال بصوت مسموع :ربنا يهدينا ويهدي الجميع يا رب
•••••••••••••••••••••
✨رأيكوا يهمني يا حلوين
#استغفروا
#دعاء _ سمير